Diru publikoarekin
CAF enpresa Jerusalemgo tren arinaren Israelgo proiektu ilegala garatzen eta mantentzen ari da. Proiektu honek, lurren behartutako desjabetzea eta palestinarren jabetzak suntsitzea dakartza eta horrela, tren arina Israelgo apartheidaren tresna bihurtu da.
JLR edo tren arinaren proiektua ezinbesteko elementua da Israelgo agintarien estrategian okupatutako lurralde palestinarraren anexioa formalizatzeko eta nazioarteko zuzenbidearen arabera, Palestinako herriari bere oinarrizko eskubideak ukatzeko.
Euskal Herriko BDZ edo Boikot Desinbertsio eta Zigorrak taldeak hainbat protesta egin izan ditu proiektu honen berri izan zutenetik eta bertako langileak ere hasieratik proiektu honen aurka agertu ziren. Halere, CAFek proiektuarekin jarraitzen du buru belarri eta gainera, beste batzuk martxan jartzekoa omen da.
Euskal gobernuak akzioak ditu CAF enpresan. Aurreko astean jakin genuen %3ra igo dela haren parte hartzea enpresan. Euskadirako estrategiko den enpresa dela dio eta 17 milioi erabili ditu horretarako. Gure diruarekin, diru publikoarekin nazioarteko zuzenbidearen eta giza eskubide palestinarren urraketa larrietan parte hartzen ari da CAF.
Ez da onargarria diru publikoarekin Israeli lurralde palestinarra legez kanpo okupatzen laguntzea eta euskal gobernuak ziurtatu beharko luke diru publikoa ez dela erabiliko giza eskubideak urratzen dituen proiektu bat babesteko eta beraz, CAFi apartheidaren tren horretatik jaitsi dadin eskatu beharko lioke.
![](https://halabedi.eus/wp-content/uploads/2022/09/caf_apartheid-300x192.jpg)
¿Quieres apoyar a Hala Bedi?
En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.
Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.
Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!