Topatu gazte proiektu komunikatiboak datorren ostegunerako «Topatu Fest» antolatu digu Gasteizko gaztetxean, eta guri aitzakia ezin hobea iruditu zaigu bertako Iraitz Salegirekin hitz egiteko.

Topatu zer den, nola finantzatzen den, nola lan egiten duten eta beste hainbat kontuz hitz egin digu Iraitzek. Horretaz gain, baina, bi esklusiba eman dizkigu: Webgune berria martxan dutela, eta «Gure kabuz ala hil» dokumentala azaroaren 27an estreinatuko dutela.

Azken honetan, bada pegarik, ordea: Kortxoenean egin nahi zuten aurkezpena, baina, dakizuenez, Ernesto Goia eta Eneko Gascoren hondeamakinek hauts bihurtu dute Groseko gaztetxea. Baietz, ordea, Kortxoeneako lagunek, eta eurekin Topatukoek, beste zerbait asmatu!