Ekainaren 10eko giza-katerako egun gutxi falta direnean, giza-katearen amaierak Arabako hiriburuan egingo duen ibilbidea eman dute jakitera. Donostian hasi eta Gasteizen amaituko da giza katea eta “Euskal Herrian inoiz egin den mobilizaziorik handiena” izango da.

Gure Esku Dago Gasteizek ekainaren 10era bitartean hiriburuan aurrera eramango duen plangintza aurkeztu zuen duela hilabete batzuk. Zehaztu zutenez, Gasteizko kilometroak betetzeko, 5.000 lagun behar direla azpimarratu zute. Horretarako prozedura, izena emateko alegia, erraza da: izena eman eta bost euroren truke zapi jasoko da. “Ziur gaude erronka beteko dugula”, adierazi zuten.

Orain, 15 egunen faltan, Gasteizko ibilbidea betetzeko behar diren zortzi kilometroak eman dituzte jakitera. Gorbeia merkatal-gunetik sartuko da giza-katea eta Judimendi, Sanata Luzia eta Arana auzoen esku egratuko da kilometro hau.

Amaieraraino, beste sei kilometro, Arangizetik, Abetxukutik, Forondatik, Arriagatik, Mendigunetik… igaroz.

Giza-katea erdialdean amaituko da, Eusko Legebiltzarrean, eta Aiztogile kletik sartuko da hau.

“Herri bat gara eta erabakitzeko eskubidea dugu. Horregatik, ekainaren 10ean berriro egingo dugu”, esan zuten parte hartzaile batean. Etorkizunari “eskua emateko” erronka beharrezkoa dela uste dute eta ekainaren 10a horretarako aukera izango dela zehaztu dute.

Laudio, Amurrio, Murgia…

Horretaz gain, Arabako beste zenbait herri zeharkatuko ditu giza kateak: Laudio, Amurrio eta Murgia, besteak beste. Antolatzaileek adierazi dutenez, 100.000 lagun baino gehiago beharko dira ibilbidea osatzeko. izan ere, 2014ko giza kateak 150.000 lagun batu zituen 123 kilometroko ibilbidean. Aurtengo erronka, beraz, zailagoa izango da eta Arabak paper garrantzitsua izango du.