Aernnovako langileek eta sindikatuetako ordezkariek, astearte goizean egin zuten manifestazioa amaitu bezain laster, urtarrilaren 12an Gasteizko Los Angeles elizan itxialdia hasiko zutela iragarri zuten.
Enplegua erregulatzeko espedientearen (EEE) aukera ireki zenetik iragarri zuten bezala, enpresa batzordeak ez du kaleratzerik onartuko eta protesta dinamikarekin jarraitzea erabaki du.
Guzti horre inguruan hitz egiteko Aitor Bezares LAB sindikatuko delegatua izan dugu Hizpiden.

2020ko urriaren 12an egindako ekimen batengatik koroaren aurka egin izana leporatu eta Auzitegi Nazionalean deklaratzera deituak izan dira Sortuko 12 kide.
Sortuk manifestazio batera deitu du hilaren 16rako, urriaren 12ko protestarien auzipetzea salatzeko. Hamabi lagun Espainiako Auzitegi Nazionalean deklaratzera deitu izana eta «1978ko erregimenaren gehiegikeriak» salatuko dituzte, besteak beste. Horren inguruan hitz egiteko Jon Arrieta izan dugu Hizpiden.

Euskal Herri mailan lehen aldiz egin den ikerketa baten protagonista izaten ari dira Lautadako hainbat familia eta kuadrilla. Lan munduan euskararen erabilera sustatzeko aplikatu diren bi metodologia aplikatu dituzte berriki Soziolinguistika Klusterrarekin elkarlanean bertako familia eta kuadrilla batzuekin. Prozesua zertan den, eta orain artekoaren balorazioa ezagutzeko Asier Lafuente Lautadako Euskeraren Komunitateko kidea izan dugu Hizpiden.

Izaskun Goienetxea eta Arantza Gutierrez solasakideekin aritu gara tertulian, Erabilera-baldintzak eta
pribatutasun politika eguneratu ostean Europatik kanpoko erabiltzaileen datuak Facebookekin
elkarbanatuko dituela adierazi du WhatsAppek, eta hortik tiraka pribatutasuna izan dugu hizpide, besteak beste.