Kendu egin dute Suhiltzaile LEP bateartuan inskribatzeko baldintzetatik LABek salatu zituen bi irizpide «onartezinetako» bat: Polizia eta Larrialdietako Euskal Akademiako Zuzendari Nagusiari, delituei edo funtzio publikoak betetzeko ezgaitasunei buruzko txostenak eskatzeko baimena ematen zion laukitxoa betetzeko betebeharra.

Ez dute kendu, aldiz, opositorea onartzera behartzen duena azterketa psikoteknikoak tresna baliagarriak direla balorazioa egiteko. Sindikatuak gogorarazi du, laukitxo hori bete arren, eskubide osoa duela izangaiak gerora psikoteknikoen emaitzen aurrean alegazio edo errekurtsoa sartzeko.

LABek komunikatu du, bestade, «presazko kontua» zelako bultzatu zuela sindikatuak mobilizazioa, baina harremanetan jarriko direla aurrerantzean suhiltzaileen taldeekin eta sindikatuekin epe ertainean EAE mailan LEP hauen aurka mobilizazioak baloratzeko.