Zerbitzu publikoen defentsan eta poliziaren eta gizartearen  kontrolaren aurka mobilizazio jendetsua burutu dute Andra Mari Zuriaren plazan.

Gasteizko herri mugimenduko hainbat kolektibok hamar neurri betetzea eskatu diete instituzio publikoei, besteak beste zerbitzu publikoak indartzea eta biltzeko eta antolatzeko eskubideak bermatzea. Herritarren “oinarrizko baliabideak” bermatzea ere exijitu dute, hala nola, ura, elikadura, argia, gasa eta etxebizitza.

Pertsona ororen erregularizazioa bermatzea ere galdegin diete instituzioei “atzerritarren legearekin amaituz”. Gainera, isolamendu egoerak ahalbidetzen duen indarkeria matxista eta LGTBIfobikoarekin amaitzeko baliabideak ere aldarrikatu dituzte.

Erakundeei erantzukizun politikoa hartzea ere exijitu diete, eta, horrekin lotuta, herritarren aurkako kriminalizazioa etetea.

Argazki galeria