Andoni Olariaga pentsalariak Zebrabidean hitz egin du «hegemonia» kontzeptuari buruz. 2012 urtean zehar maiz erabilitako hitza izan da, sarri modu desegokian. Izan ere, Olariagak azaldu duenez, hegemoniak ez du zerikusirik parlamentu baten egon daitekeen gehiengoarekin baizik eta apolitikotzat, natural edo normaltzat jotzen diren kontzeptuak esanahi partikular batekin betetzearekin. Zebrabideari eskainitako solasean hainbat adibide jarri ditu, bakea eta justizia esaterako. Edota, esaterako: Euskal Herria kontzeptua maiz esanahi politikoz bustita ikusten du gizarteak, eta Espainia, aldiz, berezkoa subjektibotasunik gabea hauteman ohi da. Hori da operazio hegemoniko bat. Hala, Espainiako hedabideek sortu dituzten kontzeptu hegemonikoak, faltsuki apolitiko jotzen direnak, azalean utzi ditu Olariagak. Gaiari buruz LapikoKritikoan ere idatzi du Olariagak.

Euskal Herritik hegemonia politikoa eskuratu ahal izateko zaindu beharreko urratsak ere adierazi ditu Zebrabidean izandako solasean. Besteak beste, euskarari eta «euskal» kulturari aplika dakioke gudu hau. Gomendatzen du «euskal» laguntzailea gutxiago erabiltzea, «euskal» oro normala izan dadin, alegia, naturala izan dadin hizkuntza edo kulturaz hitz egitean euskal kulturaz ari garela ez espainolaz.