Bertxoko: Bertxoko 2012-11-21: Bertxoko sariketaren 2. kanporaketan, Ane Labaka eta Ander Solozabal nagusi
Iker Pastor, Lazkao Txikiren paperean
Nork pentsatuko zuen posible zenik Iker Pastorrek Lazkao Txikiren paperean kantatzea?
Bertxokon, horrelako gauzak lortzen ditugu… Araiako gaztetxe elegantean gertatu zen hori. Sariketa aurrera doa, eta baditugu beste bi sailkatu ere: Ane Labaka eta Ander Solozabal. Ostiral honetan Laudion jokatuko den azken kanporaketako bi sailkatuekin eta Xabi Igoa eta Asier Azpirozekin batera kantatuko dute finalean (Gasteizko Gaztetxean, azaroaren 29an, 22:30ean).
Araian gertatu zena entzun nahi duzue, zuzen-zuzenean? Hona hemen Bertxokoren aste honetako alea, baratzeko pikuak bezain freskoa.
Horretaz gain, BaDaGaRako finalerdiaren berri (Estiballes jes-extender) ere badugu…. eta bixita ikaragarri bat ere izan dugu: Ijito Juakin!!!
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
