Aste honetako atalean Ane Irazabalekin  solastu gara. Kazetari arrasatearra Gazako zerrendan ibili da iragan astean eta bertatik zerrendak pairatzen duen egoera latzaren berri eman digu Berria egunkarian argitaratutako erreportaietan. Udako sarraskiaren ondoren milaka palestinar mugiarazi dituzte euren bizilekuetatik, gutxieneko bizibaldintza duinak bermatzeko azpiegiturak birrinduta daude, eta mugetan zehar sartzen diren elikagai eta eraikuntzarako materialen gaineko kontrola Israelen esku dago. Egoera lazgarri horri azken asteotako euriteak gehitu behar zaizkio. Gazako estolderiak eta azpiegiturek ezin izan diote aurre egin euriari eta Israelek urtegietako uhateak zabalduz eragin duen ur emariari, eta ur zikinek gainezka egin dute eta uholdeak eragin dituzte. Larrialdi humanitario egoera inoizko kezkagarriena da.