Ostegunean, arratsaldeko 19:00etan, balkoietara aterako dira Aguraingo herritarrak Aguraingo Mugimendu Feministak deitutako kazeroladarekin bat eginez. Auzokide batek iragan astean jasandako eraso matxista salatuko dute horrela.

Martxoaren 28an, Legutioko ludoteka kudeatzen duen enpresak langileak kaleratu zituen COVID-19ak sortutako egoeraren ostean zerbituza amaituta zegoela argudiatuta.»Imaginate FRAMAk» iruzur egin duela azaldu du Legutioko Elkartasun Sareak eta langileak berriro kontratazea eskatu du.

Azken astean hainbatetan zabaldu dira militarrak Gasteizko kaleetatik. Elizbarrutiko eraikinen desinfekzio lanetan ari dira.

Suediako Castella inbertsio funtsak Vitalquilerren 500 etxebizitza erosi zituen apirila hasieran. Gasteizko Etxebizitzaren Aldeko eta Bazterketa Sozialaren Kontrako ekimenak salerosketa prozesuan Eusko Jaurlaritzak izandakao jarduna gogor kritikatu du.

Apirilaren 28an 32 urte beteko ditu Gasteizko Gaztetxeak, COVID-19ak sortutako egoerak ordea apirilaren 17an hastekoak ziren urteurren ospakizunak bertan behera utzi behar izan dituzte.

Santiago Ospitalean gertatutako preso baten heriotza salatu du Salhaketak. Antza bihotzekoak jota hil da presoa ospitaleko langileekin izandako liskar batean Ertzaintzak «gogor» esku hartu ostean. Salhaketak jakinarazi du oraindik ez dutela informazioa kontrastatzerik izan.

Apirilaren 21 eta 22an «kultur edukirik ez partekatzeko deia» luzatu dute euskal kulturgintzako 600 lagunetik gora, kulturgile, sortzaile eta artisten egoera prekarioa salatzeko. Hainbat arabarrek babesten dute ekimena.

Free Riders sindikatuak salatu du Glovok eskaera bakoitzeko oinarrizko tarifa erdira murriztu duela hainbat hiritan. Gasteizko kasuan, irteera bakoitzeko 2,50 eurotik euro batera jaitsi da (%60). Greba deialdia egin dute astebururako.

Goizeko 7:00etan gertatu da ezbeharra Arrigorriagako Talleres Brasategui enpresan. Urtea hasi zenetik Euskal Herrian prekarietateak eraildako 23. langilea eta azken hilabetetan lan istripu batean hildako Laudioko laugarren bizilaguna.