Urtarrilaren 30erako manifestazio bateratua antolatu dute, Araba enpleguaren defentsan! Defenda dezagun enplegu duina! lelopean. Antolatzaileen artean, Aernnova, SDA Factory, Laminaciones Arregui edo Alestiseko enpresa batzordeak daude; baita SOS Ostalaritza plataforma, Arabako pentsiodunen mugimendua, kirol jardueretako langileak eta GPS (Gazte Prekarioen Sarea) ere. GPS-ko kidea den Ibon izan dugu Hizpiden.

Andoni Olariagak bi gai ekarri dizkigu Hizpidera. Kapitolioaren asaltoaren kausa eta ondorioak aztertu ditu batetik eta Euskal Herrian ematen ari diren azken kolpe errepresiboen inguruko gogoetak elkarbanatu ditu gurekin.

Zaldibarko zabortegia amildu zenetik ia urtebete igaro den honetan, Lagungu Argitzen elkartasun ekitaldia antolatu du Zaldibar Argitu plataformak eta Euskal Herriko Eskubide Sozialen Kartak. Horren inguruan hitzegiteko Zaldibar Argitu plataformako kide den Jokin izan dugu Hizpidean.

Urtarrilaren 16an, larunbat honetan 17.30 tan Andra Mari Zuriaren plazan manifestazioa antolatu du Ankerkeriari Stop plataformak Galde Barbado eta Aitor Zelaia gazteei elkartasuna adierazi eta Audientzia Nazionalean izango den epaiketa salatzeko.

Aernnovako langileek eta sindikatuetako ordezkariek, astearte goizean egin zuten manifestazioa amaitu bezain laster, urtarrilaren 12an Gasteizko Los Angeles elizan itxialdia hasiko zutela iragarri zuten.
Enplegua erregulatzeko espedientearen (EEE) aukera ireki zenetik iragarri zuten bezala, enpresa batzordeak ez du kaleratzerik onartuko eta protesta dinamikarekin jarraitzea erabaki du.
Guzti horre inguruan hitz egiteko Aitor Bezares LAB sindikatuko delegatua izan dugu Hizpiden.

Euskal Herri mailan lehen aldiz egin den ikerketa baten protagonista izaten ari dira Lautadako hainbat familia eta kuadrilla. Lan munduan euskararen erabilera sustatzeko aplikatu diren bi metodologia aplikatu dituzte berriki Soziolinguistika Klusterrarekin elkarlanean bertako familia eta kuadrilla batzuekin. Prozesua zertan den, eta orain artekoaren balorazioa ezagutzeko Asier Lafuente Lautadako Euskeraren Komunitateko kidea izan dugu Hizpiden.