Ekainaren 19an mobilizazioak deitu ditu Euskal Herriko Eskubide Sozialen Kartak Hego Euskal Herriko lau hiriburuetan eta betse hainbat herri eta eskualdetan. «Publikoa eta funtsezkoa dena zaintzeko aberastasuna benatu behar dela» azpimarratu dute.

Olagibel kaleko joko aretoak atzo zabaldu zituen berriz ateak. Deseskaladako 3. faseak mota honetako lokalen irekiera arautzen du. Judimendiko gazteek elkarretaratzea egin zuten lokalaren aurkako borrokan jarraitzeko deia eginez.

Igandean, dozenaka lagunek arrazakeriaren aurkako protesta egin zuten Andre Maria Zuriaren plazan egindako elkarretaratze jendetsuan, eta George Floyd gogoratu zuten.

Covid-19ak ez zituen Errekaleorreko jai herrikoiak gelditu. «Sumisioaren birusari aurre egin» eta kaleak berreskuratzera bidean urrats berri bat eman zuten atzo. Segurtasun neurriak ezarrita egun osoko egitaraua antolatu zuten.

Covid-19aren hedapenaren aurrean martxoaren 13an erabaki zuten Kutxi kaleko taskeroek lokalak ixtea, gobernu desberdinen erabakiei aurrea hartuz. Hiru hilabeteren ostean agerraldia egin dute egun bizi duten egoera larria azaltzeko. Abandonaturik sentitzen dira udalaren partetik.

Gasteizko langile-memoria ezagutzeko bisita gidatuei ekin diete berriz ere Martxoak 3 elkarteko kideek. Osasun-krisiari egokitutako neurriak direla eta ibilbidean aldaketak egin behar izan dituzte eta bisitak ezingo dira San Frantzizko eliza barruan elkarteak duen espazioan amaitu.

Agerraldia eskaini du gaur Jimmy Jazz aretoko lantaldeak zenbait musikarirekin eta Hala Bedirekin batera. Krisiak gogor kolpatu ditu kultura alorreko sektoreak eta, egoerari buelta emateko helburuarekin, streaming bidezko kontzertu sorta iragarri dute. EHan sortua jaialdaik irekiko du larunbat honetan kontzertuen egutegi berezi hau. Ekainaren 14an Izaki Gardenak taldea arituko da eta 18an, berriz, The Dealers eta Red Iron Squad.

Maiatzaren 8, 9 eta 10ean ospatu behar zen Mamaru Fest-a Errekaleor Auzo Askean. Covid-19ak sortutako egoerak, ordea, urte bete atzeratu du «identitate disidenteen» festibala, 2021eko maiatzean izango baita.

Elkarretaratzea egin du Euskal Herriko gehiengo sindikalak Bastidako plazan astelehenean Urizaharran hildako abeltzainaren lan istripua salatzeko. Gutxienez 34 dira aurten lan istripuetan hildako beharginak.

Hiru hilabetez koronabirusaren aurka lantokiz lantoki borrokatu ostean, Probintzia plazara itzuli ziren atzo Arabako egoitza pribatuetako langileak, lan baldintza duinen alde, eta sektoreko hitzarmena negozia dadila exijitzeko.