Magazinak

Araba Hizpide

Araba eta Gasteizko aktualitatea jorratzen duen magazina gara. 2015 urtean sortu ginen, Hala Bedi Bi irratiko goizeko tartea indartzeko. Edukien aldetik, tokiko berriak, kuadrillaz kuadrillako kolaboratzaileak, hedabide ezberdinetako kazetariak eta elkarrizketak izaten ditugu astelehenetik ostiralera, goizeko 10:00etatik 11:00etara, Hizpidea magazin nazionalaren ondoren. Hizpidea magazinarekin batera, Hala Bedi Biko goizetako tartea osatzen dugu.

Azken Artikuluak

Ainhoa Astigarraga (Eskola Publikoaren Aldeko P.): “Segregazioa eta klase sozialen banaketa betikotu nahi dituzte”

Ostegun honetan Eusko Legebiltzarreko osoko bilkuran atzera bota zen eskola segregazioaren aurka egiteko aurkeztutako Herri Ekimen Legegilea, PSE, PP eta EAJren botoekin. Horrela, atea itxi zitzaion 17.000 sinadura bildu dituen ekintza partehartzaile honi.

Ainhoa Astigarraga izan dugu gaur Hizpidean. Eskola Publikoaren Aldeko Plataformako kidea da bera, eta Zubiak Eraikiz plataformak abian jarritako ekimen hau laguntzen ibili dira haiek. Ainhoak salatu du segregazioaren aurka hitzez denok ados agertzen badira ere, ekintzetan ondoren kontrakoa sustatzen dutela. PSEren iritzi aldaketa salatu du, berez HELaren alde agertu baitziren hasieratik, eta azken momentuko aldaketen ondorioz aurreikuspenen aurka ezezkoa eman dio legebiltzarrak lege proposamena eztabaidatzeari.

Hezkuntza sistemak dauzkan arazoez eta hauek gainditzeko hartu beharreko bideez aritu gara Ainhoarekin. Elkarrizketa osoa hemen entzungai.

“Punkaren defentsan” -Oier Azkarraga-

Bada ezagutzen nauenik pentsatuko duena erotu naizela. Orain aterako zaigu Oier musikaz hitz egitera? Pentsatuko dute askok. Behin eta berriz errepikatu dut askorentzat inpensablea dena. Ez, aitortzen dut, ez dut musika gustuko. Ez, ezta zure talde maitatuena ere, ez ezta talde ezagunenak ere, ezta azken zuloan ezkutatutako ezezagunenak ere. Ez dut musika gustuko. Punto.

Aurreko egunean ordea, lagun batekin elkarrizketa bat izan nuen, parranda baten bueltan, ez zen lehen aldia elkarrizketa hura nuela batekin edo bestearekin, elkarrizketaren muina zera zen, Punka eta bere defentsa.

Nire sozializazioaz pentsatzen jartzen naizenean, txikitako ikasketetaz pentsatzen jartzen naizenean, gurasoen abestiak oroitzen ditut, Pantxo eta Peio, Tapia eta Leturia, Laboa, Monzon… eta baita Hego Amerikako borroka abesti ugari ere. Horiekin hazi eta hezi nintzen lehenengo urteetan.

Aldi berean, pixkat nagusiagoa izanik agian, anaiak jartzen zituen beste batzuekin oroitzen naiz: SA, Kortatu, La Polla, Ska-P, Gozategi eta horrelakoak entzuten genituen, eta kantak memoriaz ikasiak ditut, orduan letrak ulertzen ez banituen ere.

Musika hautatzeko garaia heldu zitzaidanean, La Polla oroitzen dut oso bereziki, bere gorrotoa, bere salaketa, bere nazka munduarekiko. Nazka horren jabe egin nintzen, mundua aldatze beharra baino, mundua suntsitze beharra hedatu zen nire gorputzaren ertz guztietaraino, sistemarekiko gorrotoa, sistema eusten zutenekiko gorrotoa.

Gorroto hori, borroka grin bilakatu zen, mundua aldatzeko amets, kontzientzia politiko, irakurketa zaletasun, gau bero eta bilera luze, bidaiak, espetxe bisitak, manifak… ondo pentsatuta, guzti hura “Somos los hijos de los obreros” horietatik etor zitekeela pentsatzen dut edo “No hay tregua edo halako beste hamaikatik.

Eta horregatik hain zuzen, Punkaren defentsa, horregatik hain zuzen, gure plazetan borroka abestiak egotearen defentsa, punka entzun, zabaldu; gaztetxeetan, jaietan programatu.

Hurrengoek ere izan dezaten aukera, gorrotoa sentitzeko, izan dezaten aukera, gorrotoa zabaltzeko, izan dezaten aukera gorrotoari bide emateko eta izan dezaten aukera gorroto hori hartu eta borrokarako grin bihurtzeko.

Oier Azkarraga

Martxoak 3 elkartea: “Memoria historikoaren lanketan, oso maila eskasa sumatu dugu Gasteizko udal agintarien artean”

Espainiako gobernuak 1976ko martxoaren 3ko sarraskiari buruzko agiriak desklasifikatzeari uko egin dion honetan, Martxoak 3 elkarteko Lander Gartziarekin hitz egin du ARABA HIZPIDEk. Paper horien garrantzia nabarmendu du Gartziak, horiei esker sarraskian parte hartu zuten polizien izenak ezagutzeko aukera izango litzatekeelako. Frankismoaren Krimenen Aurkako Plataformako kide diren heinean, Olarizuko gurutzeaz eta Erorien Haranari buruz ere mintzatu gara berarekin.

Milaka sinadura bildu nahi ditu pobreziaren eta bazterkeria sozialaren aurkako herri-ekimen legegileak

Krisialditik atera garela ematen digute aditzera, baina milaka herritar daude pobrezia egoeran Euskal Autonomia Erkidegoan. Ideia horretan oinarrituta eta kalitatezko babes sistema publiko eta sozial baten alde, herri ekimen legegilea abiatu zuten Euskal Herriko Eskubide Sozialen Karta osatzen duten eragileek uda hasieran. Ekimena Eusko Legebiltzarrera iristeko, 10.000 sinadura lortu behar dira, eta azken txanpan sartu da bilketa. ELA, LAB, ESK eta Steilas sindikatuetako egoitzetan aurki daitezke sinatzeko liburuxkak, baita Hala Bedi irratian bertan ere. Gaiaren inguruan hitz egin du gaur ARABA HIZPIDEn Javier Saenz Eskubide Sozialen aldeko Arabako Plataformako (PDS) kideak.

“Rokodromoen auzian Udala inprobisatzen ari da eta ez daki zer egingo duen instalazioekin”

Udal rokodromoak abendura arte itxita egongo direla jakin genuen atzo: Gasteizko Udalaren lehiaketa publikoa hutsik geratu da, eta ez da egongo rokodromoak kudeatuko dituen enpresarik. Orain arte, Arabako Rokodromoetako Teknikariak (ART) enpresak zuen esleipena, eta bi rokodromo zeuden Gasteizen; aurten, aldiz, hirugarren rokodromo bat zabaldu behar zuen Udalak Salburuan, baina ez dute diru partida handitu nahi izan, enpresak erabiltzaile gehiagorentzako zerbitzua eman behar zuen arren. Horren ondorioz, 9 langile geratu dira langabezian.

Borja Donnay eskalatzailea da langile horietako bat. ARABA HIZPIDEn esan duenez, Udala inprobisatzen ari da auzi honetan, ez baitu benetako neurririk ezarri rokodromo horiek zabalik egon daitezen. Langileek mobilizazioak egingo dituztela iragarri du, baina erabiltzaileak ere hasi dira antolatzen dagoeneko: ekimen bat egingo dute bihar, irailak 14, arratsaldeko 18:00etan Ariznabarrako rokodromoan.

Zalantzak, ekarpenak,..

8 + 12 =

Hizpidea

Hala Bedi Bi 09.00etan

“Sortuz ta sortuz, gure uhinak” -Pablo Pagegi-

“Sortuz ta sortuz, gure uhinak” -Pablo Pagegi-

Gaurko iritiz tartea Pablo Pagegik bete du, berak "Sortuz ta sortuz, gure uhinak" izendatu duen testu batekin. Barrundia Arabako iparraldeko herri txiki batean, umeek Gasteizera edota Agurainera joan behar dute nahitaez eskolara, horrek dakarren autobusa eta...

telefono_92452 945 12 88 55

 telegram-vs-whatsapp 640 073 613

e-mail-icono-6785-96 araba.hizpide@halabedi.eus

Kantoia

Hala Bedi Bat 18.00etan

Bideojokoak eta biolentzia umeengan daukaten eragina

Bideojokoak eta biolentzia umeengan daukaten eragina

Gaurkoan gure kolaboratzailea den Malen izan dugu gurekin. Malen hilabetean behin hezkuntzaren ingurko gai ezberdinak ekartzen dizkigu. Kasu honetan, umeak teknologiarekin eta bideojoko biolentoekin aritzeak zer nolako arazoak sor ditzazke azaldu digu.

Greba feminista munduan

Greba feminista munduan

Nola biziko da martxoaren 8a munduko txoko desberdinetan? Poloniatik Kurdistanera eta Argentinara jarraian, Mexikotik pasa eta, azkenik, etxerako bidean ahots desberdinak batuz egin dugu bidaia martxoaren 8a hizpide hartuta. Bukaeran, Kantoiko kolaboratzaile den Hebe...

Ikusarazi beharreko historia: emakumeak Gasteizen

Ikusarazi beharreko historia: emakumeak Gasteizen

Gaurkoan, Enklabe-ko kidea den Miren izan dugu gurean. Gasteizen Erdi Arotik gaur egunera arte historian zehar bertan bizitako emakumeek egindako ekarpenen inguruan eta izandako garrantzia erakusten duen ibilbideaz solastu da.

Emakumeen Euskal herria

Emakumeen Euskal herria

Gaurkoan, Martin ttipiako kidea den Mikel izan dugu gure elkarrizketa tartean. Euskal herriaren historiari buruz mintzatzen zaigu hiru astean behin, eta gaurkoan emakumeak izandako paperaz solastu da.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies