Alai Bedi

Batez ere eskoletan eskaintza eginda, 6-12 urte inguruko neska-mutilak etortzen dira Hala Bedi irratira. Ordu beteko bisita egiten dute. Hasieran, irratiko estudioak erakusten zaizkie guraso eta seme-alabei; ondoren gurasoak kafe bat hartzera joaten dira, ordu bete beranduago haurren bila itzultzeko; haurrekin, 10 minututan, ipuin motz bat, txisteak, asmakizunak… ensaiatzen dira eta estudio batera sartuta Alai Bedi saio bat grabatzen dugu. Hurrengo astean igorri ohi da Hala Bedi Bi (FM 88.8) frekuentzian, larunbat edo igandean, 10:00etan.

Bestalde, guraso taldeekin watxap taldeak dauzkagu eginda eta, edozein unetan, mugikorrarekin grabatuz audio bat bidali dezakete guk irrati saioan erabiltzeko.

Harpidetu Alai Bedi irratsaiora

171. Alai Bedi: Argantzuneko udalekuak Hala Bedira bisitan (handiak)

Kaixo entzule!!

Trebiñuko udalekuetara hiru aldiz bisitan joan ondoren, gaurkoan beraiek etorri zaizkigu gasteizko estudioetara. Handien taldeak egindako irratsaioa duzu hemen beheko PODCAST horretan. Gauza pila bat eskaini dizkigute. Albiste batzuekin hasi gara, gero Xabi historialaria elkarrizketatu dugu eta erromatarrei buruz ikasi dugu, amaieran esperimentu baten berri eman digute, ipuin gomendioa… Esatari txiki handi hauei amaitzen ari zaizkie udalekuak… eta Alai Bedirentzat ere oporrak datoz! Ondo pasa udara, entzule maite!!

170. Alai Bedi: udalekuak Argantzunen

Ongi etorri entzule!

Oraingoan ere Argantzuneko udalekuetan izan gara eta pasa den astean bezala esatari ezinhobeak topatu ditugu! Udaran, neska-mutil pila bat egon ohi dira Argantzunen eta artista hutsak direla argi utzi digute. Irratsaio bikaina egin dute, bi orduz Argantzuneko plazan lasai-lasai, tximeleten (edo atxiamatxien…) baita esperimentu bat martxan jarri ere… eta ondoren… iturriko urarekin jolasten geratu dira! Behean duzue entzungai podcast-a, gozatu!

169. Alai Bedi: udalekuak Argantzunen

Ongi etorri entzule!

Oraingoan ere Argantzuneko udalekuetan izan gara eta pasaden astean bezala esatari ezinhobeak topatu ditugu! Udaran, neska-mutil pila bat egon ohi dira Argantzunen eta artista hutsak direla argi utzi digute. Asmakizunak, txisteak, jolasak, pelikula interesgarri baten sinopsia…Irratsaio bikaina duzue hemen entzungai, gozatu!

EntzunEntzun

168. Alai Bedi: Trebiñuko udalekuak Argantzunen (handiak)

Kaixo entzuleok!! Zer uste zenuten? Udaran ez genuela irratsaiorik egingo? Bada… Argantzunera joan gara han udalekuak daudelako eta bertan… esatari bikainak aurkitu ditugu! Pasa den urtean esperientzia hartu zuten, eta aurten aditu bihurtuko dira! Entzun, entzun beraien ahotsak!

167. Alai Bedi: Luis Dorao ikastetxeko ipuinak

Kaixo entzule!

Irratsaio berezia daukagu oraingoan zuentzat. Luis Dorao ikastetxean ipuin lehiaketa egin zuten, Zizta Euskara Taldeak antolatuta, eta 5 irabazleak irratira etorri zaizkigu, beren ipuinak irakurtzera. Benetan onak, guztiak!!

Zorionak Fatu, Ane, Saioa, Ainhoa eta Merli!! Jarraitu asko irakurtzen eta idazten!

166. Alai Bedi: Ikastolaren Jaia Kanpezun

Kaixo lagunok!!

Oraingoan irratsaio berezi bat egin dugu, izan ere irrati tresneria hartu eta Mendialdera joan gara. Kanpezuko plazara zehazki, Ikastolaren Jaia antolatu baitute bertako guraso eta irakasleen artean. Giro bikaina eta antolakuntza ikaragarria!!

Arazo tekniko batzuk direla eta, nahi baino beranduago hasi dugu saioa eta ezin dugu podcasta eskaini hemen, baina argazki sorta bat duzue jarraian, zeinen giro ona zegoen ikusteko. Hurren arte Kanpezu!!

Campilloko gazteak Bidezko Merkataritzaz

Kaixo Entzule!! Gaurkoan saio berezia daukagu zuentzat. Landatxon ikastaro bat egiten aritu diren neska-mutilak etorri dira gurera eta Bidezko Merkataritzari buruz hitz egin digute. Zehazki Pio XII kalean dagoen Medicus Mundi dendara egindako bisitaz hitz egin dugu, baina baita Vandana Shiva pentsalariaz… eta beste gauza askori buruz ere! Espero dugu saioa gustatzea!

 

MODA (Armentia 1. batxi)

Armentia Ikastolatik batxilergoko 1. mailako ikasleak etorri dira Hala Bedira, eztabaidarako duten gaitasuna mikrofonoetan erakustera. Entzun beheko podcast-a!

Gaur egun, fisikoarekiko obsesioa oso ohikoa da gazte zein helduen artean. Debate honetan antzeman daitekeen bezala, zenbait iritzi desberdin daude. Alde batetik, fisikoarekiko obsesioa gizarteak inposatutako kanonengatik dela pentsatzen duen “psikologo ospetsua” dago.  Horrez gain, modelo baten papera ere egin dugu, heziketa fisikoko irakaslearen papera eta pediatra baten papera antzeztu dugu, iritzi ezberdinak islatu ahal izateko.

Parte hartzaileak: Eider Herreros, Ainhoa Vazquez, Joanes Etxeberria, Nerea Balbás eta Igor Sousa.

GREBA (Armentia 1. batxi)

Armentia Ikastolatik batxilergoko 1. mailako ikasleak etorri dira Hala Bedira, eztabaidarako duten gaitasuna mikrofonoetan erakustera. Entzun beheko podcast-a!

Gure irratsaioan martxoak 8ko greba feministari buruz hitz egin dugu. Honetan bi pertsona (Mikel eta Elena) gizonezkoak manifestaziora joatearen alde daude eta beste bi (Asier eta Julene) honen kontra. Debatea aurrera eramateko, moderatzaileak (Iratxek) hainbat galdera egin ditu.

EZKONTZA HOMOSEXUALA (Armentiako 1. batxi)

Armentia Ikastolatik batxilergoko 1. mailako ikasleak etorri dira Hala Bedira, eztabaidarako duten gaitasuna mikrofonoetan erakustera. Entzun beheko podcast-a!

Miamiko irakasle bat lanetik bota dute beste emakume batekin ezkontzeagatik. Ikastetxe hau katolikoa da, horregatik neurri zorrotz horiek hartu zituzten. Armentiako 5 gazte elkartu dira gai honi buruz eztabaidatzeko eta beraien argudioak eman dituzte bakoitzaren ideia defendatzeko. Batzuk, uste dute gaur egungo egoerak kontuan hartuta ez dutela lanetik bota behar, hau da, bere bizitza pribatua ez duela kaltetzen ikastetxeko egoera. Besteek aldiz,egoera hori ezin dela onartu uste dute, ikastetxeko arauak bete behar dituela eta ondo dagoela zuzendaritzak hartu duen erabakia.

Parte hartzaileak: Ane Ruiz de Pinedo, Nekane Llanos eta Naroa Velasco.

KOLONIZAZIOA (Armentia 1. batxi)

Armentia Ikastolatik batxilergoko 1. mailako ikasleak etorri dira Hala Bedira, eztabaidarako duten gaitasuna mikrofonoetan erakustera. Entzun beheko podcast-a!

Hurrengo debate honetan kolonizazioari buruz hitz egingo da. Planetak, sateliteak eta asteroideak helburu eta helmuga garrantzitsu bihurtu dira azken urteetan. Gai honetan gehiago sakonduz, etorkizunean Marte gizakiaren bizitokia izan daitekeen eztabaidatuko dugu. Gai hau jorratzeko, Neil Armstrong astronauta, Lexuri Gonzalez de Heredia filosofoa, JL dibulgatzaile ezaguna etorri dira gure irratira eta Mikel Bengoetxea moderatzailea.

Parte hartzaileak: Joseba Guerenabarrena, Lexuri Gonzalez de Heredia, Mikel Bengoetxea eta Alex Ocio.

ARMAK (Armentia 1. batxi)

Armentia Ikastolatik batxilergoko 1. mailako ikasleak etorri dira Hala Bedira, eztabaidarako duten gaitasuna mikrofonoetan erakustera. Entzun beheko podcast-a!

Guk armei buruzko eztabaida egin dugu eta honetan hainbat ikuspuntu ezberdin egon dira. Alde batetik, armen alde dagoen ikaslea, bestetik, armen kontra dagoen ikaslea eta azkenik armak onartzen dituena baina bakarrik esparru batzuetan. Eztabaida honetan jorratu ditugun puntuak honako hauek dira; Estatu Batuetako armei buruzko legeak, Donald Trumpek ezarri nahi dituen lege berriak eta armarik gabeko bizitzaren aurrean nola konponduko ginatekeen.

Parte hartzaileak: Alba Perez, Ainhoa Barrio eta Irati Garitano izan dira.

Gurekin harremanetan jartzeko:

3 + 4 =

KULTURA

Hala Bedin

ERRAIETATIK vol. 45 | Gerezi garaia da

Aste honetan, ERRAIETATIK irratsaioan, bizitza basatiei gorazarre egin diegu: alde batetik, Mikel Santos ‘Belatz’ ilustratzaile iruindarrarekin solastu gara, Lucio Urtubiaren bizitza ardatz hartuta kaleratu berri duen ‘Gerezi Garaia’ (‘El Tesoro de Lucio’) eleberri grafikoaren harira. Bestalde, ‘Noviembre’ izan dugu hizpide, artea eta antzerkia probokaziorako eta eraldaketarako tresna gisa ulertzen duen filma.

Mikel Santos ‘Belatz’ (Iruñea, 1974) marrazkilaria, gidoilaria eta ilustratzailea da. Kukuxumusuren parte izan zen eta, gaur egun, Mikel Urmenetaren sortze-taldeko kide da. Beste lan askoren artean, Tim Burtonen ‘Pesadilla antes de Navidad’ filmaren gidoiaren adaptazio ilustratua egin du, eta azken lana bere orain arteko obrarik onena dela aipatu dute askok. Izan ere, anarkista nafarrarekin izandako elkarrizketa amaigabeen emaitza da ‘Gerezi Garaia’: Lucioren bizitza markatu duten pasarteak, ekintzak, lekuak, pertsonaiak eta gertakariak zehatz-mehatz birsortu ditu Belatzek, dagoeneko Lucio Urtubiaren biografo ofizial bihurtuta.

Elkarrizketa interesgarri honen ostean, ‘Noviembre’ (Achero Mañas, 2003) filmaren inguruko monografikoa izan dugu gurean. Bere bulkada idealistei jarraituz, Alfredok erabaki bat hartzen du pelikula honetan: “Arte askeago bat, bihotzarekin egindakoa, jendea bizirik sentiarazteko egina” sortzea. Antzerkia eszenatokitik haratago doan arte gisa ulertuta, kalera doa, publikoarekin aurrez aurre elkarri eragiteko, probokazioa arma bezala erabiliz. Bere ekintzek ez dakite zer den zentsura, eta horrek istiluak eragingo ditu poliziarekin.

KAKATZARRA 03/18-19; CUENTOS 2.0

Entrevistamos a la cuentera Arantza Cordero, la cuidadora de cuentos, que nos engatusó con sus historias, y nos contó más de un secreto de esta ancestral profesión; creatividad e imaginación son dos de sus vocablos favoritos, con los que intenta encandilar a niñas y mayores.

También acudieron Olivia Lobo y Gema, que están de estreno con su compañía Vantare Teatro. En esta ocasión presentan “Truman 2.0”, obra en la que debaten sobre las nuevas tecnologías y sobre cómo éstas nos atrapan en sus garras. ¿Quién es más responsable, el tirano que oprime al pueblo o el pueblo que lo produjo? Ellas nos invitan a desobedecer.

KAKATZARRA 02/18-19; ZAKATUMBA

En este segundo programa de la temporada entrevistamos a Raúl Camino, de El mono habitado, compañía que hizo la clausura del Festival Zakatumba con sus espectáculo “El elefante y la paloma”. Aprovechando la ocasión también trajimos a hablar de ese festival de cultura de la muerte, a uno de sus artÍfices, Gorka López de Munain, que presentó su libro “Mascaras mortuorias. Historia del rostro ante la Muerte” dentro de estas jornadas.

Por otro lado entrevistamos a Nalua Barco, que sigue dando vida a su “fakir” aquí y allende los mares. Esta vez inauguró el programa Iganderon, en Garaion.

KAKATZARRA 01/18-19; Tzan Tata Tzan, empezamos

Elevamos el ancla y partimos en esta nueva temporada, con el mismo barco pero con una tripulación bien diferente. Se suben a esta aventura, Amaia Zumbaia y Gontzal a la locución y Carlitos a los mandos técnicos. También contamos con más colaboradores, como Hannah, que nos hara un glosario de terminología teatral y Marina, nuestra ex- más exótica que nos dará el parte desde Madrid. Josune de momento anda tan atareada que sale movida hasta en sus propios selfies. Ya parará y nos echara de menos. O no.

Esta noche nos acompaña Garazi López de Armentia, que nos hará balance del Festival Tzan Tzan, que tuvo lugar el largo fin de semana pasado en Baratza. Y también nos visitan Amaia y Julia, el sincronizado tandem, bajo cuyas pedaladas está ese sitio tan fantástico como es Garaion. Nos hablaran de lo más inminente de sus agitada agenda para este Otoño. Muchas cosas para el primer programa de esta temporada. Así que comenzamos ya.

ERRAIETATIK vol. 44 | Egin ezazu zuk zeuk

Denboraldi berri honetako hirugarren saioan, autoekoizpena izan dugu ardatz ERRAIETATIK irratsaioan. Horretarako, autoekoizpena oinarri duten artista ezberdinak izan ditugu gurekin, euren esperientziak eta ikuspegiak elkarbanatzen.

Lehenik eta behin, Ainara LeGardon (Bilbo, 1976) artistarekin solasaldi interesgarria izan dugu. 14 urte zituenetik karrera musikal oparoa garatu du, rock independientean zein proiektu sonoro esperimental ezberdinetan. Gainera, jabetza intelektualaren zein kudeaketa kulturalaren inguruko ikastaroak eman ditu.

Winslow Lab markaren bitartez, autoekoizpenean eta autogestioan oinarritu du bere ibilbidea, baina hurbiletik ezagutzen du musikaren industria handiaren ustelkeria. David Aristegirekin batera, ‘SGAE: el monopolio en decadencia’ liburuaren egilea da. Horretaz gain, 2014. urtean beste ikerketa bat argitaratu zuen: ‘Otro modelo es posible. Análisis y reflexiones en torno a la gestión de derechos de Propiedad Intelectual en el ámbito musical y su conflicto en el uso de licencias libres’.

SGAErekin harremana, autogestioan oinarritutako ibilbide artistikoa eta elkarlanaren beharra izan dugu hizpide. Azkenik, gaur egungo ereduaren eraldaketaren zein aukera ezberdinen inguruan hausnartu dugu LeGardonekin.

Autoekoizpena Euskal Herrian

Autoekoizpena Euskal Herriko sortzaileen sustraietan dago, eta azken aldian, esperientzia ugari loratu dira, ez soilik musikaren munduan. Autoekoizpenaren loraldi honen inguruko bizipenak, esperientziak eta ikuspegi ezberdinak jasotzeko, hiru artisten testigantzak bildu ditugu erreportaje batean: Txakur Gorriako Nerea Ibarzabal, Mukuru Kolektiboko Isuo Sassia eta Erraia Diskoak disketxeko Jon Basaguren.

 

 

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies