Uhintifada: 351: “Inportantea da emakumeek Palestinako erresistentzia borrokan jokatu duten papera balioestea, beloz estalitako emakumearen estereotipoari aurre egiteko”
Aste honetako atalean datozen maiatzaren 21 eta 22an Sodepaz erakundeak antolatu duen mintegia aurkeztu dizuegu: "Conmemoraciones y cuestiones silenciadas: Palestina y la lucha de sus mujeres".
Bizkaiko Batzar Nagusietako eraikinean egingo diren jardunaldi hauetan emakumeek Palestinako borrokan jokatzen duten papera aldarrikatu eta balioetsi nahi du Sodepaz elkarteak; horretarako egitarau oparoan Palestinako erakunde politiko, sozial, feminista eta Giza Ekubideetako emakume ekintzaileak izango dira hizlari.
Ekitaldia aurkezteko Sodepaz elkarteko Laura Marcelli izan dugu solaskide Uhintifadako mikrofonootan. Bere jardunean Marcellik azaldu du etengabeko Nakbako 71 urteotan emakumeek jarrera aktiboa izan dutela Palestinako erresistentzia borrokan, askotan kontakizun historikoak kontuan hartu ez baditu ere.
Azpimarratu du inportantea dela ezagutaraztea eta balioestea emakumearen papera Palestinako gizartean, gure estereotipoak desmuntatzeko, gure ikuspegi eurozentristatik beloz estalia eta sumisoa irudikatzen baitugu emakume palestinarra.
Bestalde, parte hartzaileetako batzuen kurrikulumaren berri eman digu; besteak beste; Khalida Jarrar-ena, ekintzaile feminista, PFLP (Palestinako Askapenerako Herri Frontea) alderdiaren ordezkaria Palestinako Legebiltzarrean, eta kartzelatik atera berria; Lamya Jebreen-ena, preso politikoen sostengurako Addameer elkarteko eleduna; Samia Al-Bothme-rena, Birzeit Unibertsitateko irakaslea (Ramallah); Jaldia Abubakra-rena, Alkarama emakume elkarteko sortzailea; edota Raji Sourani-rena, Gazako Giza Eskubideen Zentruko zuzendaria eta 2013an Giza Eskubideen Nobel Sari alternatiboa jasotakoa.
Aukera ezinhobea da Israelgo Purplewashing estrategia desmuntatzeko, izan ere, estrategia horren bidez, Israel emakumeen eskubideen defendatzaile moduan agertzen da mundu aurrean, eta aldi berean palestinarrak herri basati moduan irudikatzen ditu.
-
Uhintifada: 351: "Inportantea da emakumeek Palestinako erresistentzia borrokan jokatu duten papera balioestea, beloz estalitako emakumearen estereotipoari aurre egiteko"??:??:??
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
¿Quieres apoyar a Hala Bedi?
En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.
Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.
Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!
