Hapoel eta Maccabi Tel Aviven aurkako partidak bertan behera uzteko eskatu du Palestinarekin Elkartasunak
Israelgo bi taldeek azaroaren 17an eta abenduaren 4an Baskoniaren aurka jokatzekoak diren partidak bertan behera uzteko eskatu du plataformak. Israelek kirolaren bidez bere irudia zuritzen jarraitzen duela salatu du Palestinarekin Elkartasunak, eta boikoterako eta mobilizatzeko deia egin du.
Hapoel Tel Aviv eta Maccabi Tel Aviv Israelgo saskibaloi taldeek Baskoniaren aurka jokatuko dute azaroaren 17an eta abenduaren 4an, hurrenez hurren, Gasteizko Buesa Arenan. Palestinarekin Elkartasuna Plataformak partida horiek bertan behera uzteko eskatu du, eta Israelen aurkako boikoterako deia egin du.
Plataformak salatu du Israelek historikoki kirola erabili duela bere irudia zuritzeko eta palestinarren aurkako krimenak normalizatzeko. Horren harira, gogorarazi du Israelek palestinarren aurkako genozidioarekin aurrera jarraitzen duela, baita eskualdeko beste herri batzuei eraso egiten ere. Era berean, salatu du hedabideek eta instituzioek Palestinako egoerari buruz hitz egiteari utzi diotela, edo, hitz egiten dutenean, “existitzen ez den bake-prozesu bat” aurkezten dutela.
Plataformaren arabera, Israelek nazioartean bere burua legitimatzeko eta harreman instituzionalak, ekonomikoak eta militarrak sendotzeko erabiltzen du kirola. Zentzu horretan, Hapoel eta Maccabik Israelgo Estatuaren “kirol-enbaxadore” gisa jarduten dutela salatu du, eta bi taldeek Israelgo armadarekin harremanak dituztela salatu du Palestinarkein Elkartasunak: “ezin ditugu bereizita ulertu partida horiek jokatzearen aurkako borroka eta Israelekin harreman oro eteteko borroka”.
Plataformak partidak ahalbidetzen dituzten hainbat eragileren erantzunkizuna seinalatu du. Euroligari dagokionez, Israelgo taldeei txapelketan parte hartzen uztea erabaki politikoa dela adierazi du, eta Baskoniak partidak jokatzeari uko egin diezaiokeela gogorarazi du. Azaldu dutenez, hainbat bilera egin dituzte saskibaloi taldeko zuzendaritzarekin, baina taldeak ez du neurririk hartu.
Bestalde, Eusko Jaurlaritzak, Arabako Foru Aldundiak eta Gasteizko Udalak partidak geldiarazteko aukerak dituztela adierazi du Palestinarekin Elkartasunak. Azkenik, Israelekin harreman politiko eta ekonomikoak mantentzea ere kritikatu du.
Gauzak horrela, Palestinarekin Elkartasunak antolatzen eta mobilizatzen jarraitzeko beharra azpimarratu du. «Ezin dugu onartu Israel normalizatuko duen ekimenik, ez Gasteizen, ez Euskal Herrian, ez inon», adierazi du.
Azkenik, talde sionisten aurkako partidak bertan behera uzteko exijitu du, eta datozen asteetan iragarriko dituzten mobilizazioekin eta ekimenekin bat egiteko deia luzatu du.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
¿Quieres apoyar a Hala Bedi?
En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.
Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.
Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!
