Hala Bedik eta Gasteizko Gaztetxeak batera egingo dute ‘Klika’ igandean
Euskara ikasleak saritzeko asmoarekin, Euskalduntxarrak irratsaioko kideek eta Gaztetxeko euskara ikasleek eramango dute lekukoa 11:40ak pasatxo Manuel Iradier kaletik abiatuta. 12:00etan irekiko ditu ateak muinoko etxeak eta gauera arte egongo zabalik.
Badator Korrika Gasteiza. 11 egun luzeren ostean, euskararen aldeko lasterketa handiena Arabako hiriburura iritsiko da 08:15 inguru igandean. Aurretik, ia beste 100 kilometro, 12:30ean sekretupean gordetako mezua beteta egongo den Andra Maria Zuriaren plazan irakurtzeko.
Gasteizko ibilbidean barrena, dozenaka kolektiboen eskutik pasako da lekukoa, eta, haietako batzuk Gasteizko Gaztetxea eta Hala Bedi izango dira: batera hartuko dute kilometroa, ohikoa den legez.
Euskara ikasleei saria
21.edizio honetan Hala Bedin eta Gasteizko Gaztetxean aritzen diren euskara ikasleak omendu nahi dituzte bi kolektiboek. Hori dela eta, lekukoa Euskalduntxarrak irratsaioa egiten dutenek eta muinoko etxean euskara klaseetan parte hartzen duten kideek eramango dute.
Aurtengo zita 11:40an izango da, Gasteiz erdialdean: Manuel Iradier eta Foru kaleak gurutzatzen diren izkinan. Hori dela eta, Herri Mugimenduko espresio ezberdinei bertaratzeko deia luzatu diete.
Euskalduntxarrak irratsaioak modu dibertigarri eta dinamikoan lantzen du euskara eta horretarako euskara ikasle ezberdinen pasadizoak, txisteak eta bizipenak kontatzen dituzte uhinetan.
Haiekin batera egongo dira Gasteizko Gaztetxean burubelarri euskara ikasten duten kideak. Ikasturte hasieran deialdi ireki bat egiten dute asanbladatik muinoko etxean euskara ikasteko eta euskara irakasteko. Musutruk eta militantziaren bitartez, urteak daramatzate tankera berdineko ikastaroak egiten.
Gaztetxean jaia
Igandean, 12:00etan irekiko ditu ateak Gasteizko Gaztetxeak eta etxeko DJ-ekin girotuko dute gunea 23:00ak arte. Bertan izango dira DJ Galaxy eta BasGyal, Maurizia & The Runners eta DJ Malandro.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
¿Quieres apoyar a Hala Bedi?
En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.
Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.
Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!
