Gazte Emantzipaziorako Sareak Txikita 14 bloke okupatuaren aurkako epaiketa burutuko dela salatu du. «¡Ensanche 21en gestioaren aurrean, AUTOGESTIOA» lelopean kontzentrazioa deitu dute epaitegien aurrean astelehenean, epaiketa egunean.

Gasteizko Alde Zaharreko Txikita kaleko 14.blokea aurreko martxoan okupatu zuten, Kutxi 92 eta Pinto 20ko blokeekin batera. Bloke barruan sartu zirenetik, bloke honen bizilagun berriek ekimen ezberdinetan hartu dute parte. Adibidez, «Herri Labanderia« jarri dute martxan bloke okupatutako lokalean. Modu honetan, bloke okupatuaren alde soziala ere jarri dute martxan. Zaharraz Harroko jaietan ere, Errekaleor Bizirik kolektiboarekin batera, auzoko jaiei hasiera eman zieten. 

Baina etxebizitza hutsen okupazioaren aurrean, Udalak neurriak hartuko zituela iragarri zuen. Eta hala egiten hasi dira. Orain, epailearen aurretik pasa beharko dira Txikita 14 blokean Udaltzaingoak identifikatu zituen gazteak.

Bestalde, epaiketaren kontestuan, hainbat ekimen antolatu dituzte hau salatzeko. Ostiralean, azaroaren 3an, Jam Session bat bat egingo dute 18:00etan San Markos kantoian. Epaiketa egunean, elkarretaratzea deitu dute epaiketa orduan, «¡Ensanche 21en gestioaren aurrean, AUTOGESTIOA» lemapean.