StandBAI! 26. saioa
Saioa hasteko Angel Kaplanen “Transparent Dayze” (Lost Recordings, 2008) lanak dituen sei kantuetatik hiru entzungo ditugu. Bubleggum, Doctor Explosion eta The Cynics taldeetako partaidea izateaz gain bere bakarkako proiektua ere badu Angel Kaplanek eta emaitza bikaina da benetan. Honen ostean Daniel Johnstoni buruz arituko gara. Oso berezia da estatubatuarraren ibilbide pertsonala zein musikala. Danny & the Nightmares proiektuarekin kaleratu zuten “Death of Satan/ Monster Mash” singleko bi kantuak entzuteaz gain bere kasete formatuko grabazioren bat ere entzungo dugu. Aste honetako bertsio/originala Duten “Haize eza” izango da. Hitzak Martxel Mariskalenak dira eta Duten originala eta Anariren zuzeneko bertsioa entzungo ditugu. Eta saioa bukatzeko Kokein taldearen “Izan” lan berria.
StandBAI! asteazkenero 15:00retatik 16:00retara (errepikapena gaueko 12etan)
( Aurreko saioetako Podcastak eskuratzeko klikatu hemen)
Angel Kaplan
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
