Hiru kortxea: Balerdi Balerdi eta disko berri zaparrada 3 Kortxean
Balerdi Balerdi nafarrak izan ditugu gaurkoan 3 Kortxean, hogei urtetik gora dira musika egiten hasi zirenetik eta Euskal Herrian beraien tokia ere lortu dute dagoeneko powerpop kutsuko abestiekin. Geldialdi luze baten ondoren, hamabost urte, bueltan dira Hegoko lautadaren ertzetik diskoarekin. Zara taldeko baterijolearekin solasaldi ederra izan dugu.
Baina Durangoko azoka hurbiltzen ari da eta hainbat eta hainbat dira kaleratzen ari diren disko berriak, horietako batzuk entzuteko aukera izan dugu, esaterako, Gose, Seiurte, Willis Drummond, Solte, Bizardunak, etab.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
