Anakrusa: 1×00 Piloto | Irratsaioaren aurkezpena + Zer da Euskal Musika?
Anakrusa lehen pultso indartsuaren aurretik dauden notak dira eta hori da musika irratsaio berri honetan bilatzen duguna, mundu osoko musiken eta estilo ezberdinen “pultso indartsu” hori baino lehenago entzuten ez diren istorio eta gaiak mahai gainean jartzea lagun arteko elkarrizketa formatuan.
Musikak gaur egungo jendartean duen inpaktua lehen pertsonatik kontatu nahi dugu. Ze inplikazio dituen bizitzan, politikan eta bizitzaren arlo desberdinetan jorratuko dugu ikuspuntu pertsonaletik zein historikoki. Estilo eta genero musikal desberdinen artean bidaiatuko dugu irratsaio honetan bitxikeri eta ondorioak topatzen gure artean.
Ø.ale honetan, irratsaioaren aurkezpentxoa egiten dugu, euskaltxarrismoaz jabetuz. Bestetik, lehen edizio honen gaia Euskal Musika besterik ezin zen izan. Zer da Euskal Musika? Zer ez da? Zer ote dago galdera horren atzean?
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
