HALA BIDEO | Araba Bizirik, Urriaren 23an KALERA

“Azken urteotan, Arabak hainbat industria makroporiekturen erasoa jaso du, hala nola: zentral eolikoak, megaparke fotovoltaikoak, makroberotegiak, AHTaren eraikuntza, besteak beste… Horregatik, makroproiektu hauen kontra borrokan ari garenok, lurraldearen eta bizitzaren defentsan indarrak batzeko beharra ikusi dugu eta horretarako ARABA BIZIRIK plataforma sortu dugu. Proiektu hauek Araban gordetzen dugun altxorraren suntsitzea suposatuko lukete . Horregatik, beharrezkoa da gure natura guneak eta landa eremuko bizimodua zaintzea, gure kultur nortasunaren ondare ukaezin eta bizitzaren sostengu baitira. Ondare hori defendatzeko betebeharra dugu, gure gizarte osasunerako ezinbestekoa dena, eta funtsezko ondasun komuna etorkizuneko belaunaldientzat. Honengatik, guztiagatik urriaren 23an Araba Bizirik-ek prestatutako egitarauan parte hartzera animatzen zaituztegu.

Ikastetxeetako patio eremuaren hiru laurden baino gehiago asfaltozkoa da Gasteizen

Gasteizko ikastetxeetako patioak aztertu dituzte eta ondorioa garbia da: berdegune gutxi, gutxiegi, dute eskoletan. Diagnostikoak lehenengo urratsa izan nahi du, jolastokien eraldaketari eta berdetzeari bide emateko, aintzat hartuta onurak ekarriko dituela bai ingurumen aldetik, bai pedagogikoki, bai ikasleen garapen eta osasunaren ikuspegitik.

Elkarretaratzea egin dute Mendiolan, herrian emandako eraso matxista salatzeko

Igande egunsentian eraso matxista bat egin zen Mendiolan, eta herritarrek elkarretaratzea egin zuten astelehenean, jazotakoa salatzeko.

Gasteizko campusean egingo diren jardunaldi nazionalen egitaraua aurkeztu du Ernaik

Urrian aurkeztu zituzten jardunaldiak eta azaroaren 10 eta 11an egingo dira. “Unibertsitate ereduaren, hezkuntza eta burujabetzen arteko uztarketaren eta burujabetza prozesuen inguruko” gaiak izango dira ardatz.

Servini epaileak Martin Villa auzipetzea erabaki du

Servini epaileak Martin Villa auzipetzeko autoa eman du, 1978ko Sanferminetan hildako German Rodriguez eta 1976ko Martxoaren 3an Gasteizen hildako hiru lagunen hilketak egotzita. Hainbat milioi euroko enbargoa ezarri dio.

Araban dauden trenbide-azpiegiturak egokitzea eta hobetzea eskatu dute sindikatuek eta herri-plataformek

Miranda eta Altsasu arteko trenbide-korridore moderno eta eraginkorra lortu behar dela adierazi dute, “bidaiariak eta merkantziak garraiatuko dituena eta Garraio, Mugikortasun eta Hiri Agenda Ministerioaren trenbidepolitika berriarekin eta Europako trenbide-politikarekin bat etorriko dena”.

Urriaren 20an deklaratuko dute Legution martxoan inputatutakoek

Martxoaren 19ko iluntzean Legution izandako istilu batean Ertzaintzak bi lagun identifikatu eta horietako bat atxilotu zuen. Auziperatuak epailearen aurretik pasako dira asteazkenean. Legutioko herritarrek auzia “muntai poliziala” dela salatu dute.

[ARGAZKI GALERIA] Energia enpresen aurkako elkarretaratzea egin dute Iberdrolaren egoitzaren aurrean

«Gure pobrezia eta naturaren expolioa, zuen aberastasuna. Iberdrola lapurrak» lelopean mobilizatu dira Gasteizen konpainia elektrikoen jardunaren aurka, herritarron pobrezia eta naturaren espolioaren kontura aberasten direlako.

Langile bat hil da Amurrion aldamio batetik erorita

Gaur goizean jazo da ezbeharra Amurrioko etxebizitza bateko obretan.

Elikagai eta higiene produktu bilketa hasi dute Zapatisten etorrerarako

Gutxi barru izango da Zapatisten Bizi Bira Euskal Herrian eta hasi dira jada prestaketa lanak. Besteak beste, elikagai eta higiene produktu bilketa abiatu dute: Zapateneon jasoko dituzte produktuak urriaren 30erarte.

Ekologistak Martxan taldeak Albinako urtegian lindanoa dirudien bidoi bat agertu dela salatu du eta instituzio publikoek ez dute erantzun

Lau hilabete igaro dira Ekologistak Martxan-ek URAri (Uraren Euskal Agentzia) Albinako urtegi ondoan lindanoa izan zezakeen bidoi bat agertu zela jakinarazi zionetik. Urrian oraindik kendu gabe zegoen eta salaketa jarri zuten. Gaur-gaurkoz, bidoiak leku berean jarraitzen du, lindanoa den edo ez egiaztatu gabe.

Artolazabal sailburuak ez du azalpenik emango Koldo Arribillaga etxegabetuaren heriotzaz

EAJko eta PSEko parlamentariek atea itxi diote Berdintasun, Justizia eta Gizarte Politiketako sailburuak Eusko Legebiltzarrean azalpenak emateko ekimenari. Koldo Arribillagari Osakidetzak ebakuntza egitea ukatu zion etxebizitzarik ez zuelako, bizi zen amaren etxetik kaleratua izan ondoren; irailaren 8an hil zen.

Urriaren 20an izango da azaroaren 25a antolatzeko lehen asanblada irekia

Gasteizko mugimendu feministak iragarri du azaroaren 25a antolatzeko asanblada irekiak egingo direla. Urriaren 20an izango da lehena eta bertaratzeko deia luzatu dute.

Elkarretaratzea egingo dute ostiralean Iberdrolaren “espolioa” salatzeko

Araba Bizirik eta Inor Ez Etxerik Gabe plataformek deituta, «Gure pobrezia eta naturaren expolioa, zuen aberastasuna. Iberdrola lapurrak» lelopean elkartuko dira Urriaren 15ean, 19.00etan Iberdrolak Gasteizen daukan egoitzan, Dato kalean.

Archives by Month:

Archives by Subject: