“100 urte baino gehio Gasteiz Eraldatzen”. Hala Bedi irratiak 40 urte beteko ditu, Gasteizko Gaztetxeak 35, Auzolana Pilotalekuak 15, Errekaleorrek 10 urte eta Sumendik 7. Guztira ehun urte baino gehiago dira eta, ospatzeko, inauterietan egin dute lehen ekimena.
HALABEDITARRAK | Lander Perez Picazo artista gasteiztarra izan dugu gaur Hala Bedin. Atzerrian arte ikasketak egiten urte luzez egon ondoren, Gasteizen dago berriz ere, eta lanean jarraitzen du.
Otsailaren 8tik erakusketa bat dauka martxan Arte eta Lanbide Eskolan, “Lehenik marrazkia izan zen” izenekoa.
Artearen beharraz, bere ibilbideaz, erakusketaz eta beste gauza askori buruz hitz egin dugu.
Ainhoa Pardinak, Hizpideko euskara kolaboratzaileak, Edurne Azkarate aktorea elkarrizketatu du. Oiongo aktoreak Irati pelikulan hartu du parte, beste gauza askoren artean. Iratiko euskarari buruz, Oiongo egoera soziolinguistikoaz, bertsolaritzaz, euskal zentro eta periferiaz aritu dira, besteak beste.
Gaurkoan Dalene Sarrieugarte izan da gurekin eta bere idatzietako hainbat pasarte komentatu eta bat entzuteko aukera izan dugu. Bere liburua ere zozketatu dugu hilabetero bezala, eta dagoeneko asmatuko zenuten nori tokatu zaion. Halaxe da, 3.moduluko anonimoei, azkenean tokatu zaie. Nola ez ba… Hala ere jada xamurtu dugu gure arteko harremana, gure asteroko kolaboratzaile izateko bidean daude… aupa zuek eta eskerrik asko! Goza ezazue!
2018 Gure eduki guztiak Creative Commons Aitortu 4.0 Nazioartekoa Baimen baten mende daude.
