Ainhoa Astigarraga (Eskola Publikoaren Aldeko P.): “Segregazioa eta klase sozialen banaketa betikotu nahi dituzte”

Ainhoa Astigarraga (Eskola Publikoaren Aldeko P.): “Segregazioa eta klase sozialen banaketa betikotu nahi dituzte”

Ostegun honetan Eusko Legebiltzarreko osoko bilkuran atzera bota zen eskola segregazioaren aurka egiteko aurkeztutako Herri Ekimen Legegilea, PSE, PP eta EAJren botoekin. Horrela, atea itxi zitzaion 17.000 sinadura bildu dituen ekintza partehartzaile honi.

Ainhoa Astigarraga izan dugu gaur Hizpidean. Eskola Publikoaren Aldeko Plataformako kidea da bera, eta Zubiak Eraikiz plataformak abian jarritako ekimen hau laguntzen ibili dira haiek. Ainhoak salatu du segregazioaren aurka hitzez denok ados agertzen badira ere, ekintzetan ondoren kontrakoa sustatzen dutela. PSEren iritzi aldaketa salatu du, berez HELaren alde agertu baitziren hasieratik, eta azken momentuko aldaketen ondorioz aurreikuspenen aurka ezezkoa eman dio legebiltzarrak lege proposamena eztabaidatzeari.

Hezkuntza sistemak dauzkan arazoez eta hauek gainditzeko hartu beharreko bideez aritu gara Ainhoarekin. Elkarrizketa osoa hemen entzungai.

“Punkaren defentsan” -Oier Azkarraga-

“Punkaren defentsan” -Oier Azkarraga-

Bada ezagutzen nauenik pentsatuko duena erotu naizela. Orain aterako zaigu Oier musikaz hitz egitera? Pentsatuko dute askok. Behin eta berriz errepikatu dut askorentzat inpensablea dena. Ez, aitortzen dut, ez dut musika gustuko. Ez, ezta zure talde maitatuena ere, ez ezta talde ezagunenak ere, ezta azken zuloan ezkutatutako ezezagunenak ere. Ez dut musika gustuko. Punto.

Aurreko egunean ordea, lagun batekin elkarrizketa bat izan nuen, parranda baten bueltan, ez zen lehen aldia elkarrizketa hura nuela batekin edo bestearekin, elkarrizketaren muina zera zen, Punka eta bere defentsa.

Nire sozializazioaz pentsatzen jartzen naizenean, txikitako ikasketetaz pentsatzen jartzen naizenean, gurasoen abestiak oroitzen ditut, Pantxo eta Peio, Tapia eta Leturia, Laboa, Monzon… eta baita Hego Amerikako borroka abesti ugari ere. Horiekin hazi eta hezi nintzen lehenengo urteetan.

Aldi berean, pixkat nagusiagoa izanik agian, anaiak jartzen zituen beste batzuekin oroitzen naiz: SA, Kortatu, La Polla, Ska-P, Gozategi eta horrelakoak entzuten genituen, eta kantak memoriaz ikasiak ditut, orduan letrak ulertzen ez banituen ere.

Musika hautatzeko garaia heldu zitzaidanean, La Polla oroitzen dut oso bereziki, bere gorrotoa, bere salaketa, bere nazka munduarekiko. Nazka horren jabe egin nintzen, mundua aldatze beharra baino, mundua suntsitze beharra hedatu zen nire gorputzaren ertz guztietaraino, sistemarekiko gorrotoa, sistema eusten zutenekiko gorrotoa.

Gorroto hori, borroka grin bilakatu zen, mundua aldatzeko amets, kontzientzia politiko, irakurketa zaletasun, gau bero eta bilera luze, bidaiak, espetxe bisitak, manifak… ondo pentsatuta, guzti hura “Somos los hijos de los obreros” horietatik etor zitekeela pentsatzen dut edo “No hay tregua edo halako beste hamaikatik.

Eta horregatik hain zuzen, Punkaren defentsa, horregatik hain zuzen, gure plazetan borroka abestiak egotearen defentsa, punka entzun, zabaldu; gaztetxeetan, jaietan programatu.

Hurrengoek ere izan dezaten aukera, gorrotoa sentitzeko, izan dezaten aukera, gorrotoa zabaltzeko, izan dezaten aukera gorrotoari bide emateko eta izan dezaten aukera gorroto hori hartu eta borrokarako grin bihurtzeko.

Oier Azkarraga

Martxoak 3 elkartea: “Memoria historikoaren lanketan, oso maila eskasa sumatu dugu Gasteizko udal agintarien artean”

Martxoak 3 elkartea: “Memoria historikoaren lanketan, oso maila eskasa sumatu dugu Gasteizko udal agintarien artean”

Espainiako gobernuak 1976ko martxoaren 3ko sarraskiari buruzko agiriak desklasifikatzeari uko egin dion honetan, Martxoak 3 elkarteko Lander Gartziarekin hitz egin du ARABA HIZPIDEk. Paper horien garrantzia nabarmendu du Gartziak, horiei esker sarraskian parte hartu zuten polizien izenak ezagutzeko aukera izango litzatekeelako. Frankismoaren Krimenen Aurkako Plataformako kide diren heinean, Olarizuko gurutzeaz eta Erorien Haranari buruz ere mintzatu gara berarekin.

Milaka sinadura bildu nahi ditu pobreziaren eta bazterkeria sozialaren aurkako herri-ekimen legegileak

Milaka sinadura bildu nahi ditu pobreziaren eta bazterkeria sozialaren aurkako herri-ekimen legegileak

Krisialditik atera garela ematen digute aditzera, baina milaka herritar daude pobrezia egoeran Euskal Autonomia Erkidegoan. Ideia horretan oinarrituta eta kalitatezko babes sistema publiko eta sozial baten alde, herri ekimen legegilea abiatu zuten Euskal Herriko Eskubide Sozialen Karta osatzen duten eragileek uda hasieran. Ekimena Eusko Legebiltzarrera iristeko, 10.000 sinadura lortu behar dira, eta azken txanpan sartu da bilketa. ELA, LAB, ESK eta Steilas sindikatuetako egoitzetan aurki daitezke sinatzeko liburuxkak, baita Hala Bedi irratian bertan ere. Gaiaren inguruan hitz egin du gaur ARABA HIZPIDEn Javier Saenz Eskubide Sozialen aldeko Arabako Plataformako (PDS) kideak.

“Rokodromoen auzian Udala inprobisatzen ari da eta ez daki zer egingo duen instalazioekin”

“Rokodromoen auzian Udala inprobisatzen ari da eta ez daki zer egingo duen instalazioekin”

Udal rokodromoak abendura arte itxita egongo direla jakin genuen atzo: Gasteizko Udalaren lehiaketa publikoa hutsik geratu da, eta ez da egongo rokodromoak kudeatuko dituen enpresarik. Orain arte, Arabako Rokodromoetako Teknikariak (ART) enpresak zuen esleipena, eta bi rokodromo zeuden Gasteizen; aurten, aldiz, hirugarren rokodromo bat zabaldu behar zuen Udalak Salburuan, baina ez dute diru partida handitu nahi izan, enpresak erabiltzaile gehiagorentzako zerbitzua eman behar zuen arren. Horren ondorioz, 9 langile geratu dira langabezian.

Borja Donnay eskalatzailea da langile horietako bat. ARABA HIZPIDEn esan duenez, Udala inprobisatzen ari da auzi honetan, ez baitu benetako neurririk ezarri rokodromo horiek zabalik egon daitezen. Langileek mobilizazioak egingo dituztela iragarri du, baina erabiltzaileak ere hasi dira antolatzen dagoeneko: ekimen bat egingo dute bihar, irailak 14, arratsaldeko 18:00etan Ariznabarrako rokodromoan.

Abian da SalburuKoLore kulturarteko jaialdia, auzoko jatorri, kultura eta ideologia ezberdinetako jendea biltzeko

Abian da SalburuKoLore kulturarteko jaialdia, auzoko jatorri, kultura eta ideologia ezberdinetako jendea biltzeko

Laugarren urtez eta Salburuko jaien datekin bat eginez, abian da SalburuKoLore kulturarteko jaialdia. Salburuan bizi diren pertsona guztien integrazioa du helburu jaialdiak, euren jatorri, ideologia, kultura, sinesmen, adin eta generoa edozein dela ere. Aurtengo egitarauak ikuspegi feminista du eta munduko hainbat herrialdetako emakumeen bizipenak izango dituzte oinarri horretarako. Laida Urzelai SalburuKoLore ekimeneko kidearekin hitz egin dugu ARABA HIZPIDEn jaialdiari buruz. Egitarau osoa dago ikusgai halabedi.eus/agenda helbidean.

“Gure proiektuetatik pasa direnak elkartu eta egindako lana aldarrikatzeko jaia izango da urriaren 6koa”

“Gure proiektuetatik pasa direnak elkartu eta egindako lana aldarrikatzeko jaia izango da urriaren 6koa”

Okupatu Gasteiz eguna antolatu dute urriaren 6an Hala Bedi irratiak, Gasteizko Gaztetxeak, Auzolana pilotalekuak eta Errekaleor Auzo Askeak. Urteurren biribilak dituzte aurten lau proiektuek, 35, 30, 10 eta 5 urte betetzen baitituzte hurrenez hurren. Joan den astean bertan aurkeztu zuten egitaraua eta, aitzakia hori baliatuta, ARABA HIZPIDEn izan dira Amets Garrues eta Matixa Otero antolakuntzako kideak. Proiektuak bizi-bizirik daudela eta eguna bertatik pasa diren guztien topalekua izatea nahi dutela nabarmendu dute.


Zigor Olabarria (Lurralde askea): “Hainbat krisi pairatu ondoren, herrigintza birpentsatzeko unea heldu da”

Zigor Olabarria (Lurralde askea): “Hainbat krisi pairatu ondoren, herrigintza birpentsatzeko unea heldu da”

Iraultza txikien akanpada egingo dute irailaren 21, 22 eta 23an Gipuzkoako Zubietan. Lurralde askea kolektiboak antolatutako jardunaldietan, herri mugimenduko kideen arteko konplizitateak eraikitzea, alternatibak praktikan jartzea, hausnartu eta konspiratzea eta gozatzea izango dute helburu, tokian tokiko borrokak eta moldeak partekatzen dituzten bitartean. Lurralde askeko Zigor Olabarriak ARABA HIZPIDEn azaldu duenez, azken urteotan krisi asko pairatu izan ditugu, eta horrek kolokan utzi du orain arteko militantzia eraldatzailearen kontzeptua. Hori ere birpentsatzeko unea heldu da, beraz.

58 urte beteko dituzte aurten Adurtzako jai herrikoiek

58 urte beteko dituzte aurten Adurtzako jai herrikoiek

Gaur hasiko dira Adurtzako jaiak: arratsaldeko 16:30etik aurrera pilota eguna dute antolatuta frontoian, adin guztietako auzotarrei zuzenduta. Ibai Intxaurrondo jai batzordeko kidearekin hitz egin du gaur ARABA HIZPIDEk eta, egitaraua gogora ekartzeaz gain, aurten jaiek 58. urteurrena dutela adierazi du. Antolatzen hasi zirenetik hona, eredu beretsua izan dute: jai herrikoiak eta parte-hartzaileak antolatzea, auzotik eta auzotarrentzat.

Hitzordu guztiak halabedi.eus/agenda helbidean.

Hondakin-bilketa sistema berria proposatu du Equok, gasteiztarren birziklatze-tasa handitzeko

Hondakin-bilketa sistema berria proposatu du Equok, gasteiztarren birziklatze-tasa handitzeko

Sistema berriak bi abantaila izango lituzkeela adierazi du Jon Ruiz de Infante Equoko kideak ARABA HIZPIDEn: alde batetik, egungo zabor-tasa baino gutxiago ordainduko litzateke, hondakinak ongi bereizi eta birziklatuz gero eta, bestalde, birziklatze-tasa handitzea ere ekarriko luke. Izan ere, Europatik datozen zuzentarauek diote 2020rako hondakinen % 50 biriziklatu behar dela, baina Gasteiz % 30eko tasan dago aspaldiko urteetan. Horretarako, edukiontziak itxita egongo lirateke, eta erabiltzaile bakoitzak bere txartela izango luke irekitzeko.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies