Iñigo Leza (AHT EZ Lautada): “Lautadako herritarren gehiengoa AHTaren aurka dago”

Iñigo Leza (AHT EZ Lautada): “Lautadako herritarren gehiengoa AHTaren aurka dago”

Iñigo Leza izan dugu gaur Araba Hizpiden, Lautada zeharkatu dezakeen AHTaren trenbideaz hitz egiteko. Eusko Jaurlaritzaren gardentasun falta, herritarren aurkakotasuna eta obra handi hauen atzean dauden interesen inguruan hitz egin dugu, besteak beste.

Larunbat honetan manifestazioa izango da Agurainen, 12.30tan Euskal Herria Plazatik abiatuta, proiektu honen aurka protesta egiteko.

Elkarrizketa osoa entzungai.

“Emakumeon topaleku ez ezik, feminismoaren bitartez jendarte hobea eraikitzeko tresna izango da Emakumeen Etxea”

“Emakumeon topaleku ez ezik, feminismoaren bitartez jendarte hobea eraikitzeko tresna izango da Emakumeen Etxea”

Gasteizko Emakumeen Etxea Etxanobe jauregian egongo dela jakin genuen joan den ekainaren 11n eta, hori aitzakia hartuta, Arabako Emakumeen Asanbladakoen eskutik ezagutu dugu nolakoa izan den erabaki hori hartzeko prozesua. Gasteizko Udalak parte-hartze prozesua ireki zuen gaiaren inguruan eta, gorabehera askoren ondoren, emkumeek onartu dute Etxea jauregi horretan kokatzea, nahiz eta eurek bestelako alternatibak nahiago zituzten. Elena Cercadillo Asanbladako kideak azaldu digu prozesua, baita Emakumeen Etxearen helburuak, filosofia eta kudeaketa-eredua ere.

Greziara joango dira “Hesihes” kooperatibako kideak, errefuxiatu kanpalekuetan otorduak banatzera

Greziara joango dira “Hesihes” kooperatibako kideak, errefuxiatu kanpalekuetan otorduak banatzera

Hezkuntza-eredu alternatibo bat proposatzeko asmoz sortu zuten “Hesihes” kooperatiba Laudio ikastolako batxilergoko lehen mailako ikasleek, errefuxiatu eta migranteekiko elkartasun-proiektu gisa. Proiektu horren bitartez, ikasgai ezberdinetako gaiak lantzen dituzte, hala nola ekonomia edo hizkuntza. Orain, Greziara joateko asmoa dute, errefuxiatuen kanpalekuetara bertara, Zaporeak proiektuarekin elkarlanean: kanpalekuetan sukaldeak montatu eta errefuxiatuei otorduak ematen dizkiete Zaporeak-ekoek. Laudioarrek 15.000 euro behar dituzte proiektua aurrera ateratzeko, bidaiez gain, elikagaiak ere eraman nahi dituztelako Greziara. Iratxe Letona “Hesihes” kooperatibako kidearekin hitz egin dugu ARABA HIZPIDEn.

Proiektua laguntzeko, kontu korrontea sortu dute: ES45 3035 00 4525 0450081275

Judstock: Judimendiko musika-taldeak sustatu eta festibal handien eredua iraultzeko tresna

Judstock: Judimendiko musika-taldeak sustatu eta festibal handien eredua iraultzeko tresna

Judimendiko bertako musika-taldeak sustatzeko asmoz, Judstock ekimena abiatu dute auzoan: musika-festibal handien ereduari aurre eginez, talde txiki eta anitzak bilduko dituzte ekainaren 21ean, Judimendiko jaien lehen egunean. Horrekin batera, ekainaren 14rako ere antolatu dituzte bestelako kontuak: 17:00etatik aurrera serigrafia-tailerra egingo dute Sumendi espazioan eta mahai-ingurua antolatu dute Kandela tabernan, 18:30ean, musika eta generoa hizpide hartuta. Pintxo-pote musikatua ere egingo dute auzoko tabernetan. Miren Esnaola, Aitor Rodriguez eta Jon Garcia antolakuntzako kideek eman dizkigute xehetasunak ARABA HIZPIDEn.

Aiaraldeko mugimendu feminista saretzea helburu

Aiaraldeko mugimendu feminista saretzea helburu

Ekainaren 9an egingo dituzte Aiaraldeko I. Topaketa Feminista, Aiaraldea Ekintzen Faktoriak antolatuta. Joan den apirilean egindako “Feminismoa Aiaraldean” jardunaldian osatu zuten diagnostikoa, eta orain emakume-talde ezberdinak saretzeko unea heldu zaie. Horrekin batera, beste hainbat gai izango dituzte mahai gainean, hala nola taldeen arteko koordinazioa eta biolentzia matxistari aurre egiteko bideak. Izar Mendigurenek eman dizkigu xehetasunak

Aiaraldea Gaurren jorratu dute informazioa: Feminismoa ehuntzeko topaketak ekainaren 9an, Aiaraldea Ekintzen Faktoriaren eskutik

Enpresari hitzartutakoa betetzea eskatzeko elkarretaratzea egin dute Gasteizko FCCko langileek

Enpresari hitzartutakoa betetzea eskatzeko elkarretaratzea egin dute Gasteizko FCCko langileek

Greba deialdia egin dute FCCko langileek datorren ekainaren 20tik 26ra bitartean, Judimendiko jaiekin eta Azkena Rock jaialdiarekin bat eginez. Iaz ere greban egon ziren, baina akordioa lortu zuten. Enpresak izandako galerak enpresak berak ordaintzea ebatzi zutenean, ordea, bertan behera geratu ziren adostutako puntu horiek, eta kaleratze gehiago izateko mehatxua jaso zuten langileek.

Arkaitz Virumbrales LABeko ordezkariak adierazi duenez, irailerako ere greba deialdia dute mahai gainean, egoerak ez badu hobera egiten. Enpresaren aldetik ez dute jarrera aldaketarik somatu, eta enpresa langileak trukerako txanpon gisa erabiltzen ari dela salatu du. Elkarretaratzea egin dute gaur Gasteizko plaza berrian.

“Langileon atsedenerako eta kontziliaziorako eskubideak urratzen dituzte SuperCor Express bezalako dendek”

“Langileon atsedenerako eta kontziliaziorako eskubideak urratzen dituzte SuperCor Express bezalako dendek”

SuperCor Express izeneko denda zabaldu dute Zulaika kirol-denda zegoen lokalean. Urteko 365 egunetan zabalik egongo da, ordutegi zabala duena: goizean goizetik gaueko ordu txikiak arte egoten da zabalik El Corte Inglés taldearen parte den denda. Sindikatuek ez dute begi onez ikusten halako denden irekiera.

Bittor Gonzalez LABeko kidearen esanetan, “langileok atsedenerako eta kontziliaziorako dugun eskubidea urratzen dute igande eta jaiegunetan irekitzen dituzten komertzioek”. Horrez gain, bertako langileei aplikatzen zaien lan-hitzarmenak baldintza kaskarrak ditu, soldata txikien truke ordu askoz lan egitera behartzen baititu. Datorren iganderako, hilak 3, Bizi eguna antolatu dute Plaza Berrian, giro ludikoan atsedenerako eskubidea aldarrikatzeko.

“Sumendi eragilea baino, auzoko eragileentzat zabalik dagoen espazioa izatea nahi dugu”

“Sumendi eragilea baino, auzoko eragileentzat zabalik dagoen espazioa izatea nahi dugu”

Judimendiko Sumendi gazte-espazioa 2 urte betetzear dela, Sumendi 2.0 eguna egingo dute datorren ekainaren 2an, larunbata. “2 urtez auzoan ibiltzen” lelopean, hainbat jarduera izango dira egun osoan zehar: haurrentzako ekintzak, mural-margoketa, herri-bazkaria, kontzertuak… Ibilian-ibilian ari dira espazioa eraikitzen, esperimentazioari lekua eginez eta auzoko eragileen topalekua eskainiz.

2016ko ekainaren 23ko gauean berreskuratu zuten lekua auzoarentzat, eta geroztik kulturaren erreferente bihurtu da Judimendin, non eta auzoaren utzikeria instituzionala agerian uzten duen kalean, Benito Ginean, alegia. Karla Agirre Sumendiko kideak esan du, eragile baino, espazio izateko borondatea dutela: “Auzoko eragileei zabalik dagoen gune bat”.

“Presoen auzia sozializatzea” lortu nahi dute Gaztetxeko Elkartasun Astean

“Presoen auzia sozializatzea” lortu nahi dute Gaztetxeko Elkartasun Astean

30 urteurrenaren harira Gasteizko Gaztetxean antolatzen ari diren aste tematikoen barruan, elkartasun astea antolatu dute Maiatzaren 21etik 26ra, presoen eskubideen alde lanean dabiltzan hainbat kolektibok.

Zumai izan dugu Araba Hizpiden, aste honetarako egitarauaz eta elkartasun astearen helburuez hitz egiten, besteak beste.

Borja Lazaro gasteiztarrak desagertu aurretik egindako azken argazkiak ikusgai Montehermoson

Borja Lazaro gasteiztarrak desagertu aurretik egindako azken argazkiak ikusgai Montehermoson

2014ko abenduaren 7tik 8rako gauean desagertu zen Borja Lazaro argazkilari gasteiztarra. Geroztik, ez dute amore eman bere familiak eta lagunek. Azken lorpena izan da Espainiako polizia Kolonbiara joatea, Cabo de Vela herrian desagertu baitzen 2014an.

Orain, Borja Lazaroren azken lanak ikusgai izango dira Montehermoson: Guajirako “Hezurren errituala” jasotzen duten argazki multzoa izango da. Gaur bertan inauguratuko dute erakusketa, Igor Garcia Beitia bere lagunaren kontzertu akustiko intimo batekin. Garcia Beitiarekin hitz egin dugu gaiaz, eta adierazi du, Borja aurkitzeko itxaropena baino, zer gertatu zen jakiteko esperantza dutela.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies