[Argazki galeria] Gasteizek “Puzzlea osatu arte!” dinamika hartu du: herriz herri konponbidearen piezak biltzen
Atzo, maiatzaren 18an, larunbata, Gasteiz izan zen Sare mugimenduak antolatutako “Puzzlea osatu arte!” ekimenaren baitako mobilizazio baten eszenatokia.
![[Argazki galeria] Gasteizek “Puzzlea osatu arte!” dinamika hartu du: herriz herri konponbidearen piezak biltzen](https://halabedi.eus/wp-content/uploads/2025/05/DSC_1578-1024x683.jpg)
Maiatzaren 18an, Gasteizen geldialdia egin zuen “Puzzlea osatu arte!” ekimenak. Sare mugimenduak bultzatutako dinamika hau Lesakatik abiatu zen eta Iruñera darama bidea, herriz herri euskal presoen egoeraren konponbidearen aldeko aldarria zabalduz. Atzokoan 19. geldialdira iritsi zen ibilbidea, Bilbon amaitzeko, aurretik 18 herri eta errealitate ezberdinetan geldialdiak eginda, eta oraindik 9 herri ditu aurretik Iruñera heldu aurretik.
Ekimenak oraindik ere erregimen itxian mantentzen diren euskal presoen herriak bisitatzen ditu, eta herri guztietan oinarri bera landu da: gatazkak utzitako ondorioak gainditzea eta gaur egun oraindik ere sufrimendua sortzen duten egoerei amaiera ematea.
Gasteizen, hainbat zutabetatik abiatu ziren herritarrak, perkusio, kantuz eta joaldunen laguntzaz, Andre Maria Zuriaren plazan bat egiteko. Han ospatu zen ekitaldi nagusia, DJ SuQlen-en musika eta TMJren pintaketarekin lagunduta. Ondoren, ekitaldi politikoa eta elkarrizketarako gunea izan ziren, parte-hartzaileek hausnarketarako eta aldarrikapenerako aukera izan zezaten.
Ekimenaren mezua garbia izan da: bizikidetza eszenatokietara jauzi egiteko, gatazkaren ondorio guztiak gainditu behar dira. Horrek esan nahi du biktimak behar duten eta merezi duten aitortza eta erreparazioa jasotzea eta, aldi berean, preso, iheslari eta deportatuen auziari amaiera ematea.
Puzlearen piezak biltzen jarraituko dute herriz herri, konponbidearen puzlea osatu arte. Gaur, Iruñean egingo dute azken geldialdia, helmuga eta aldarrikapen osoaren sinboloa.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
