Arabako Eskuhartze Sozialeko langileek erosahalmena berma dadila eskatu dute berriro ere
Irudia: LAB
Atzo, asteazkena, negoziazio mahaia bildu zen PRECOn, eta kanpoan elkartu ziren langileak haien aldarrikapenak ikusarazteko. Besteak beste, KPIaren araberako soldata igoera berma dadila eskatzen dute hitzarmen kolektiboan. Gaur, uztailaren 14an, hirugarren greba eta mobilizazio eguna izan dute, ELA, CCOO, LAB, ESK eta UGT sindikatuek deituta.
Izan ere, negatiboki baloratu dute langileek atzoko bileran AISA patronalak egindako proposamena, ez baitu bermatzen langileen erosahalmena. Horregatik, aurrerapenik ezean, lanuzteak egingo dituzte irailaren 13, 14 eta 15ean.
Eskuhartze soziala, zerbitzu pribatizatu eta prekarizatua
Eskuhartze sozialeko langileek babesgabetasun egoeran dauden adingabeak, familia kalteberak, indarkeria matxistaren biktima diren emakumeak, gizarte-bazterkeriako egoeran dauden pertsonak, osasun mentaleko arazoak edo adikzioak dituztenak artatzen dituzte. «Azken finean, gizarteko kolektibo kalteberenak», azaldu dutenez. 1.000 langile inguru dira, hiru laurden baino gehiago emakumeak. Hitzarmen-sinadurarik gabe lizitazioak aurrera ez ateratzeko mehatxua egin dietela ere salatu dute.
Gizarte-zerbitzuetako langileak dira, baina pribatizatua dagoen zerbitzu batekoak. Urte eta erdi daramate hitzarmen kolektibo bat negoziatzen. Hitzarmenak lan-baldintzak hobetu eta sektoreko langile guztien erosteko ahalmena bermatu dezala eskatzen dute.
Salatu dute patronalak negoziazioa luzatu duela erosteko ahalmena bermatzen ez duten «neurri eskasak proposatuz». KPIaren igoera % 11.5era mugatzen dute, baldin eta hitzarmenaren indarraldiko (2021-2024) KPIen batura handiagoa bada. Sindikatuen ustez, horrek esan nahi du hitzarmen kolektiboa murriztu egingo dela, eta ez dute onartzen.
KPIari lotutako soldata igoera ez ezik, 30 orduko lanaldi-murrizketa, kontziliazio-neurri egokiagoak, lizentzien hobekuntza eta plusen arteko bateragarritasuna ere aldarrikatzen dituzte langileek.
Pribatizazioaren eta prekarizazioaren aurrean, baldintza duinen aldeko borrokan berretsi dira: «Gure lana onartu egin behar dela uste dugu, eta horretarako, sektoreari ez ezik, gizartearen zati handi bati ere egonkortasuna emango dioten hobekuntzak lortu behar dira. Horregatik, prest gaude edozein unetan negoziatzeko, betiere langileen erosteko ahalmena bermatzen bada, eta borrokan jarraituko dugu AISAren planteamendu eskasen aurrean eta Aldundiaren, Gasteizko Udalaren eta Eusko Jaurlaritzaren erantzukizun faltaren aurrean, horiek baitira pribatizatutako eta prekarizatutako gizarte-zerbitzuen titularrak.»
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
¿Quieres apoyar a Hala Bedi?
En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.
Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.
Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!
