Jai  eredu  alternatiboaren  asanblada:  “Gasteizko  jaietan  hutsune  bat  ikusi  dugu  eta  gu  alternatibak  eraikitzera  goaz”

Jai eredu alternatiboaren asanblada: “Gasteizko jaietan hutsune bat ikusi dugu eta gu alternatibak eraikitzera goaz”

Gasteizko jai eredu alternatiboa eraikitzen hasi diren asanbladako hiru gazte izan dira gaurkoan Kantoian; Itziar, Jon eta Unai. Duela hilabete batzuk hasi ziren biltzen, Gazte Eraiki topaketen harira, jai eredu alternatibo bat eraikitzerako bidean hainbat hausnarketa emanez. Auzo ezberdinetako gazteak biltzen dira asanbladetan, elkarren arteko harremana landu zein jai ereduaren baitan identifikatu dituzten hainbat hutsuneren inguruan bide berriak zabaltzeko asmoz.

Hau da zabaldu duten testua:

“Jai ereduaren inguruan eztabaidatzen hasi garen hainbat eragile eta auzotako gazteak gara. Gasteizko jai eredua lantzeko zein eraldatzeko taldea sortu dugu, alde batetik, Gasteizko gazteon arteko harreman falta sumatu dugulako eta, bestetik, jai ereduan hutsune eta kontraesanak nabaritzen ditugulako: musika eredu komertziala eta sexista agerikoa da gure jaietan; edalontzi berrerabilgarriak erabili arren, ez dugu ekoizten den zaborra murrizteko bestelako planteamendurik martxan jartzen; ez dugu jai eremuan euskara nahi genukeen bezainbeste entzuten ezta indartzen ere; zaila egiten zaigu zaintza erdigunean jartzea ; orokorrean multinazionalei erosten diegu, bertako produktuak zaindu gabe; kontsumo burugabe batean oinarritzen dira jaiak…

Hori guztia aldatzeko eta eztabaidatzeko, pixkanaka urratsak emateko apustua egiten dugu Gasteizko gazteon arteko koordinazioaren bidez. Gure jaiek dituzten hutsune eta kontraesanen aurrean, gazteon parte hartze aktiboa eta konpromisoa beharrezkoa dela uste dugu. Gaur egungo jai eredua errotik apurtu eta gazteok gure jai eredu propioa eraikitzera goaz, autogestioan eta parte hartze zuzenean oinarrituta.

Edonola ere, ez genuke nahi sortuko dugun alternatiba auzoetako eta Gasteizko jaietara soilik mugatzerik, bestelako egun eta guneetan ere eragitea baita gure asmoa.

Hainbat dira orain arteko eztabaidetan ateratako ideiak. Adibidez, Euskal Herriko gainerako herri eta hirietan bezala, Gasteizen ere hiriko gazteak batzeko koadrila, talde, konpartsa edo dena delakoa sortzea eta gaur egun Gasteizko jaietan eta gainontzeko egun berezietan (San Prudentzio, Santiago, inauteriak) egiten diguten eskaintzari alternatibak ezartzea.

Jakin badakigu proiektu honen atzean ikaragarrizko lana dagoela, baina jasoko dugun uztak merezi du: auzo, eragile eta gazteon arteko harreman berriak sortuko dira eta gazte mugimenduak indarra hartuko du; gainera, zentzua emango diogu Gasteizko jai ereduari, ikuspegi alternatibo eta eraikitzaile bat praktikan jarriz.

Bukatzeko, deia luzatzen diogu proiektu honekin identifikatuta sentitzen den gazte orori, guztion indarrak batuz soilik izango baita posible Gasteizko jai eredua eraldatzea.”

 

GASTEIZKO JAI EREDUA ERALDATZERA GOAZ!

Entzun
Nerea  Atxa  (Arteko  Antzerki  Taldea)  “Bizitzan  aukerak  dauden  edo  ez,  horri  buelta  bat  ematea  da  Aukerak  antzerkia”

Nerea Atxa (Arteko Antzerki Taldea) “Bizitzan aukerak dauden edo ez, horri buelta bat ematea da Aukerak antzerkia”


Gaur Arteko antzerki taldearen kidea den Nerea Atxa izan dugu Kantoian. Igande honetan 19:00etan Gasteizko Arraiga gizarte etxean aurkeztuko duten Aukerak antzezlanari buruz aritu gara gaurkoan.

Nereak Aukerak zer nolako gaiak jorratzen dituen azladu digu.Bestalde, antzelana garatzeko jarraitutako bidearen inguruan hitz egin digu. Gainera, Arteko antzerki taldearen hasierak, iraganean egindako antzerkiaz eta taldearen etorkizunak aztertu ditugu berarekin.

Bukatzeko, Euskal Herrian antzerki alternatibo munduak pairatzen duen egoera kaxkarraren inguruan, Nereak honen inguruan dituen hausnarketak partekatu ditu gurekin.


Entzun
Iñaki,  Gindi  eta  Mikel  (Orainaldian):  “Gasteiz  bizi  bizirik  dago”

Iñaki, Gindi eta Mikel (Orainaldian): “Gasteiz bizi bizirik dago”

Gaur Kantoian Iñaki Landa, Gindi Auzmendi eta Mikel Buruaga izan ditugu, Orainaldian proiektua aurkeztuz.
Gasteizen kultur eredu alternatiboa bilatu eta sustatzen duten gune, kolektibo eta ekimen ezberdinak bildu nahi izan dituzte mapa interaktibo batean, instituzioen eskaintzatik kanpo Gasteizen ematen den eskaintza oparoa erakusteko eta irisgarri egiteko asmoz.

Gasteiz bizi bizirik dagoela frogatu du mapa honek, eta hau gutxi balitz, “Orainaldian laisse faire” deituko den dokumentala egiten ere hasi dira, Gasteizko kultur sortzaile ezberdinen bizipenak kontatzeko, eta mapan ikusten den oparotasun horren errealitatea gerturatzeko asmoz.

 

Entzun
1 orrietatik 1 orria1

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies