Magazinak

Suelta la Olla

Suelta la olla es el magazíne matinal que comenzó a emitirse en las ondas de Hala Bedi Irratia hace más de 20 años. Actualmente se coproduce entre la 97 FM de Bilbo, Eguzki Irratia de Iruñea y la alavesa Hala Bedi. Además gracias a muchas radios libres de Euskal Herria  se puede escuchar en diferentes puntos de la geografía vasca.
Son 4 horas de directo, de lunes a viernes, de las 10 de la mañana a las 2 de la tarde y en ellas repasamos prensa, noticias y actualidad. Solemos ir de lo global a lo local e intentamos profundizar en varios temas a través de entrevistas y convocatorias de agenda.
Tratamos de ofrecer información que se escape de la manipulación de los grandes medios de masa que la oligarquía informativa trata de imponernos.
Analizamos la realidad desde diferentes puntos de vista dando voz a quienes no tienen cabida en grandes medios comerciales enfatizando y teniendo en cuenta a interlocutores y valores transversales como el ecologismo, el feminismo, el anticapitalismo entre otros, buscando otros puntos de vista tratando de hacer visible realidades que muchas veces ven la luz exclusivamente a través de los medios alternativos.

Últimos artículos publicados

37 orrietatik 5 orria« Lehena...34567...Azkena »
Para contactar con Suelta la olla:
telefono_92452 945 12 88 55
telegram-vs-whatsapp 656 34 49 82
e-mail-icono-6785-96 sueltalaolla@halabedi.eus

Recomendados

Cualquier duda o sugerencia pónla aquí

4 + 9 =

Albiste gehiago:

Eider, Xabi eta Patxus (Makulu ken): “Euskoafrobeat-a entzuteko aukera asko ez dago, baina denei gustatzen zaien musika da”

Makulu ken musika taldeko Xabi, Eider eta Patxus izan ditugu gaur Kantoian. Euskoafrobeat estiloan trebea den talde honek gerriak mugitzeko aukera ezinhobea aurkeztu digute larunbaterako, 21:00etan kontzertua emango baitute Gasteizko Gaztetxean. 2016an kaleratutako azken diskoa (kalè kalè) izan dugu mintzagai; estiloa, letrak, izenak…
Taldearen hasiera, bilakera, diska grabatzeko prozesua eta egun hauetan dituzten aurkezpenen inguruan aritu gara, besteak beste.

Entzun

Mikel Saenz de Buruaga eta Igor Goikolea (Grabatzea ez da delitua): “edozein herritarrek dugu informatzeko eskubidea”

Hala Bideoko kideak diren Mikel Saenz de Buruaga eta Igor Goikolea izan dira gaur Kantoian “Grabatzea ez da delitua” kanpainaren nondik norakoak azaltzeko. Ahotsa, Argia, Topatu, Hala Bideo, Ekinklik eta Eleak/Libre komunikabide eta herri mugimenduek aurkeztu duten kanpaina da “Grabatzea ez da delitua”. Informatzeko eskubidea aldarrikatzeko sortu dute 4 bideoz osatutako kanpaina komunikatiboa eta astelehenero bideo berri bat aurkeztuko dute. Mozal Legeak informatzeko eskubidean izan duen eraginaren inguruan, kazetari zein herritarrek polizia grabatzerako orduan jasan ditzaketen egoeren inguruan zein herri komunikabideek poliziaren bidegabekeriak salatzerakoan duten garrantziaren inguruan hitz egin dugu haiekin.

Entzun

Askapena erakunde internazionalistaren brigadak aurkeztu dituzte Gasteizen

Askapenak 2017ko brigadak aurkeztuko ditu martxoan zehar Gasteizen. Erakunde internazionalistako kidea den Igarki De Roblesekin hitz egin dugu gaur ARABA HIZPIDEn. Aurten, hiru bloketan banatu dituzte brigadak:

  • Palestina.
  • Brasil, Argentina/Uruguay, Bolibia, Venezuela, Brasil, Kuba eta Mexiko.
  • Italia, Bretainia eta Herrialde Katalanak.

Brigadekin, internazionalismoa praktikan jartzeko aukera itzela eskaintzen dute erakunde internazionalista ezberdinek eta, akaso, Euskal Herriko brigada potenteenak Askapenaren eskutik datoz. Gainera, brigadak aitzaki, formakuntza eta aurkezpen saio ezberdinak planteatu dituzte Gasteizen, gaur bertan hasiko diren saioekin. Arabako hiriburuan, martxoaren 1ean, Gasteizko Kanpusean, martxoaren 9an Hala Bedi Tabernan eta martxoaren 23an Errekaleorren egingo dituzte aurkezpenak.

Entzun

Luis Galdos (Medikua): “Oier Gómezek daukan metastasia ez da sentitzen eta espetxeak prozesu diagnostikoa atzeratzen du”

Jaiki Hadik jakinarazi duenez, larriki gaixorik duten euskal presoen egoerak okerrera egin du. Okerrera eta zerrendak gainera gora egin du. Horren adibide  da Oier Gomez Gasteizko presoa: Ewing sarkomaz gain, metastasiak antzeman dizkiote buruan eta pelbisean. Eta are gehiago, Gasteizko presoa ospitaleratu behar izan zuten. Luis Galdos medikua eta Sareko kidea da eta Gomezen egoera kontrolatzen du.

Metastasia zertan datzan azaldu digu Galdosek, eta espetxeak honetan daukan eragin zuzena ere elkarbanatu du gurekin. Gainera, Sare herritarrak martxoaren 25ean Baionako mobilizaziora jaoteko deia egin du. Gasteizen ere, Gomezen askatasuna lortzeko aktibazio batzarrak martxan daude.

Entzun

[Iritzia] “Normaltasuna” -Mikel Ayllon-

Ez nuke jakingo zehatz esaten noiz gertatu zen, ez zenbat denbora igaro den bera ez dagoenetik. Ez nuke, ordea, dramarik egin nahi. Aitortuko dizuet, nahi baduzue, bera gabe orduren bat pixka bat luzeagoa egin zaigula, edo isiluneren bat pixka bat pisuagoa. Baina zeinen hutsunea ez da sikiera apur bat nabaritzen, orain beste norbaiten ondoan barre egiten duen aspaldiko maitale hark utzitakoa baino txikiagoa bada ere?

Nolanahi ere, eta beharbada ez didazue sinetsiko, baina nago bera ez dagoenetik zoriontsuagoak izan garela. Labrit pisukideak behin baino gehiagotan esan izan du bera gabe altuagoak eta ederragoak izan garela. Akaso, auskalo, izango da gu aski baxuak eta itsusiak garelako.

Baina Telmok ezin izan du kulpa sentimendua gehiago eraman. Berak atera zuen gure etxetik, baimenik ere eskatu gabe, bere performance horietako batean erabiltzeko. Bizirik zegoen oraindik eraman zuenean, kolore argi distiratsutan zoriontsu. Bueltan ekarri zuenetik, baina, ez zuen barrerik erakutsi berriro. Ilun egoten zen, itzalita, barrurantz bilduta balego bezala. Inork ez zuen hitz erdirik esan, baina denok genekien, baita Telmok berak ere, hark izorratu zuela.

Atzo, azkenean, teknikariari deitu zion, eta harengana joan beharrean, etxera etortzeko esan zion, aurreko mendean biziko bagina bezala. Bi ordu igaro aurretik, etxean geneukan teknikaria, gure egongelan, belauniko, bere bihurkin-ezpatarekin kable eta txip artean borrokan, eta gu hirurok ikusle.

-Telmo, nola zuen izena egin zenuen performance hark? –bota zion Labritek, ustekabean.

-Akabo telebista –erantzun zion Telmok.

-Ya… -atera zitzaigun Labriti eta bioi.

Berriro geratu ginen isilik eta zain, begiak zabal-zabalik, teknikariaren deabruzko magiari begira. Harik eta bat-batean, aurretik seinalerik edo abisurik eman gabe, lurretik altxatu eta irribarre zabal bat loratu zitzaion arte gure buzodun mago inprobisatuari. “Kito, orain funtzionatu beharko luke” esan zuen, eta eskuan zeukan urrutiko agintea luzatu zion Telmori, zeremonialki, hark izan zezan telebista konpondu berria pizteko ohorea.

-Beno, itzuli gara normaltasunera –ausartu nintzen esaten, konbentzimendu doiz.

Nigana jiratu zen Telmo, eta zalantza egin barik esan zidan:

-Van Goghek esaten zuen normaltasuna bide asfaltatu bat dela; oso erosoa da ibiltzeko, baina ez da lore bakar bat ere jaiotzen bertan.

Teknikariaren eskuetatik urrutiko agintea hartu zuen behingoz Telmok, eta, dardara txikienik egin gabe, telebistaren kontra bota zuen. Mila zati txikitan hautsi zen pantaila. Denok geratu ginen isilik, baina teknikaria izan zen eskuak burura eraman zituen bakarra.

Entzun

Zigor Olabarria (Txapa Ahotsa): “Auzolaneko proiektua defenditzeko modurik onena eguneroko martxan jarraitzea da”

2017an baliteke behin baino gehiagotan hizpide izan behar izatea hurrengo gaia: Auzolana pilotalekua. Frontoia kudeatzeaz arduratzen den Txapa Ahotsa asanblada auzokideak informatzen hasi da, besteak beste, babesa lortzeko asmoarekin. Larunbat honetan, inflexio puntu moduko bat dute: argazki masiboa egingo dute 12:30tan frontoian. Auzokideak eta eragile ezberdinak hurbiltzeko deia egin dute.

ARABA HIZPIDEn Txapa Ahotsa asanbaldako Zigor Olabarriarekin hitz egin dugu. Gutxinaka – gutxinaka, auzokideak egoeraren inguruan informatzen hasi dira. Jende guztiarentzako ateak irekita daude oraindik ere, eta proiektuan parte harzten jarraitzeko deia egiten jarraitzen dute.

Entzun

Bel Pozueta (Altsasuko Gurasoak): “Gero eta haserreago eta tristeago gaude, baina lanean jarraitzeko gogotsu gaude”

100 egun baino gehiago bete dira muntai poizial baten ondorioz Altsasu nahi baino ezagunagoa egin zenetik. Polizia operazioak, epaiketa azkarrak eta espetxeratzeak. Hala ere, elkartasunak ere ez du etenik izan; horren erakusle, etengabe egin dituzte mobilizazio eta ekimen jendetsuak. Bel Pozueta, egun, muntai horren ondorioz espetxean dagoen Adur Ramirezen ama da, Altsasuko Gurasoen taldekoa. Altsasuko ihauterietan, hiru pertsona falta dira aurtengoan; Pozuetaren semea horietako bat da.

Jaso duten babesa eskertu du HIZPIDEA magazinean. Bilerak egin dituzte eragile eta alderdi ezberdinekin eta berdin jarraitzeko asmoa dute gainera. Gazteen eta bere semeaz galdetuta, argi adierazi du: “Espetxeratuta daude, hori nahikoa da egoera ulertzeko”.

Entzun

Leire Altuna (AiLaket!!): “Espainiako barne-arazoetako ministerioaren 2003-2013 urte bitarteko txostenetan ez da behin ere azaltzen ‘burundanga’ espainiar estatuan”

AiLaket!!-eko kidea eta Kantoiako kolaboratzailea den Leire Altuna gurean izan dugu. Burundanga edo eskopolamina bezala ezagunagoa den droga entzutetsuaren inguruan mitoak deseraiki ditu. Esate baterako ez dela droga berria, ez dagoela ziurtatuta burundangak amnesia eragiten duenik edo borondatea ezabatzen duenik. Hala ere, komunikabideetan maiz ageri da, kasu askoren arrazoi gisa, baina, hala ote?

Entzun

[Iritzia] “Akabo krisia” -Iñaki Lazkano-

Abisatu gintuzten, jakinaren gainean geunden, halako batean krisia amaituta zegoela esango ziguten eta iritsi da eguna. Akabo krisia, sartu gara berriro ere hazkunde garai batean, hemendik aurrera denok elkarrekin arraun egitera eta ekonomia hauspotzera gonbidatuko gaituzte.

Baina ez gaitezen engaina, abisua bikoitza zen-eta: egunen batean krisia amaituko zela esango ziguten baina horrekin batera langile eskubideak eta soldatak murriztuko zituzten erabat. Eta horrela izan da zoritxarrez.

Eskubide murrizketa beharrezkoa zuten, langile arrunten soldatak jaistea helburu nagusia zen eta egin egin dute. Ondorioz, eguneroko ogia da fabrika, lantegi eta sektore guztietan: kaleratzeak eta zapalkuntza kapitalista bortitza.

Duela gutxi Intermon Oxfam Gobernuz Kanpoko Erakundeak ederto salatu du: munduko 8 pertsona aberatsenek gizateriaren erdiak haina diru dute. Bai ondo entzun duzue….8 aberatsenek 3600 milioi pertsonak adina dute.

Zer nolako sistema motak baliatzen du hori, ahalbidetzen du honelako egoera bat?

Eta ez daitezela milonga zaharrekin etorri, aberatsak lan handia egindako pertsonak direla, arriskuak hartzen jakin dutenak etab, etab…

Modu bakarra dago hainbesteko dirutzak egiteko: besteen bizkar irabaztea, besteen zapalkuntzari esker irabaztea. Hemengoak edo hangoak eta giza edo natura baliabideak ustiatu baino bidegabeki xahutuz egindakoak.

Tamalez, mundua etengabe aberastu nahi duten gizaki ase ezinez beteta dago, eta okerragoa dena, egunero erakutsi nahi digute hori dela jarrera bidezkoa, bizitzan egin beharrekoa: Bill Gates edo Amancio Ortega izan, Carlos Slim edo Richard Buffet.

Beste aldean, zapalduen aldean, bien bitartean gehiegikeria da antza zure lana ondo egin nahi izana eta gutxieneko soldata duin bat eskatzea. Larregi hilean ondo egindako lanagatik 1200€ kobratzea aldarrikatzea.

Eta gure agintariak beste alde batera begira, arazoa beraiena izango ez balitz bezala, zuzenean erakunde publikoekin zerikusia duen Bizkaiko nagusien egoitzen gatazkan.

Datorren astean, martxoaren zortziarekin berriro hasiko dira greban Bizkaiko nagusien egoitzetako langileak, gehienak emakumeak, eta egun berean ahaldun nagusi Unai Rementeriak, egun horretako ekitaldiren batean, Emakumearen eguneko ospakizunen batean, berdintasunaren alde dagoela esango du.

Azal gogorra izan behar da eta bihotza are gogorragoa.

Entzun
47 orrietatik 5 orria« Lehena...34567...Azkena »

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR