Magazinak

Kantoia

Arratsaldeetan, 18:00etatik 19:00etara bitartean Hala Bedi Baten kulturari eta agendari eskainitako magazina da Kantoia.

Goizean hizpide izan diren gaien pilulatxo batzuek gaurkotasunarekin lotzen gaituzte.

Kultura aipatzen dugunean, berriz, ez gara musikaz, literaturaz, antzerkiaz edota bertsolaritzaz soilik ari. Bestelako kontu asko ere izaten ditugu gurean: alor askotako langile edota ikertzaileak ekartzen ditugu gurera, eta Arabako historiari ere tarte zabala eskaintzen diogu.

Eta irratsaioaren bigarren zutabea, agendari eskaintzen diogu, kalean zer ari den egosten kontatzeari, Araban dauden zita nagusiak entzuleari helarazteari.

Kantoitik kaleari begiratzen diogu, beraz.

Argitaratutako azken artikuluak

“Munduko txosnan, euskaldunok zer dugu eskaintzeko?”

Kolaboratzaile berriak dauzkagu Kantoian! Hilean behin Garabide Elkarteko kide bat izango dugu gurekin hizketan, euren jardunaren berri emateko. Gaur Jon Sarasua, Garabideko lehendakariordea, hurbildu zaigu elkartea bera eta egiten duten lana aurkeztera. Zer da hizkuntza lankidetza? Zer dugu euskaldunok munduarekin konpartitzeko hizkuntza gutxituen biziberritzean? Hori eta askoz ere gehiago podcastean entzungai:

Entzun

“Euskal musikan trikitixa eta rocketik ateratzen ari gara”

Elkarrizketa tartean MARLIK musika talde Zumaiarra izan dugu gaur Kantoian, 2017 urtean plaza hartu zuena. Euskaratik abiatuta Rock-Blues erritmoekin jolasean aritzen dira eta Country eta Swing-ari ere zirika egiten diote. Joan den urtearen akaberan munduratu zuten beraien lehenbiziko diska MARLIK izenarekin eta Gasteizen zuzenekoan arituko dira otsailaren 13an, bihar, 20:30etan, Parral tabernan. Muxutruk!

Entzun

“Bi borroka horietatik, generoarena eta euskararen normaltasunarena, gizarte osoa esplikatu daiteke”

“Euskaltzaletasuna eta feminismoa: zer ikasi, hura elikatu” Jakin aldizkariak, Oihaneder Euskararen Etxeak eta UEUk elkarrekin antolatu duten ikastaro berria da. Abiapuntua uztailean Usurbilen egindako “Hizkuntza, generoa, jatorria eta klasea gurutzatzen diren lekua” Jakin-en Jardunaldian izan zen eta bide berari jarraituko dio hizkuntzaren eta generoaren gurutzaketari erreparatuko dion ikastaroak. Guztira lau hitzaldi eta mahai-inguruk osatzen dute eta hilabetean behin izango dira urtarriletik maiatzera bitartean, Gasteizen, Oihaneder Euskararen Etxean. Horri buruz hitz egiten egon dira Kantoian Lorea Agirre, antolatzaile eta lehendabiziko hizlaria izanen dena, eta Irati Iciar, UEUko Etengabeko Prestakuntzaren koordinatzailea.

Entzun

Asier Beramendi (Eraul taldea): “Nire helburua ez da abesti onak egitea, baizik eta sentimenduak kudeatzea, terapia moduan”

Eraul musika taldeko Asier Beramendi izan dugu Kantoian. Izan ere, urtarrilaren 30ean, astearte honetan bertan, Gasteizko Parral tabernan kontzertu akustikoa eskainiko baitu. Gipuzkoako talde honen ibilbideaz jardun dugu, baina ez hori bakarrik, saltoka aritu gara mapa bat marrazten, sentipenen, doinuen eta hizkuntzen artean.

Entzun

“Emakumeok ez dauzkagu hainbeste erreferente zinean, behintzat Euskal Herrian, horregatik nahi izan dut Mirentxu Loyarteren lana agerrarazi”

Heldu den asteazkenean, urtarrilaren 31n, 19:00etan Irrintziaren oihartzunak proiektatuko da Oihaneder Euskararen Etxean, Begi Belarri ikus-entzunezkoen zikloaren baitan. Iratxe Fresneda zuzendari eta gidoigilearekin solasean aritzeko parada ere izanen da proiekzioaren ondoren eta, horren harira, gaurkoan Kantoira hurbildu zaigu zuzendaria. Mirentxu Loyarteri buruz egin duen ikus-entzunezkoari buruz aritu gara hitz egiten elkarrizketa argigarri batean: “Mirentxu Loyarte, oso lan bereziak garai konplikatuetan egin zituen emakume bat erreferente bezala agerraraztea eta publikoki aitortzea nahi izan dut”.

Entzun
Kantoiarekin harremanetan jartzeko:
telefono_92452 945 12 88 55
telegram-vs-whatsapp 656 34 49 82
e-mail-icono-6785-96 kantoia@halabedi.eus

Zalantzarik? Proposamenik?

4 + 12 =

Araba Hizpideko elkarrizketak

Hala Bedi 2 – Goizeko 10.00etan

“Fikzioa denez, hizkuntzarekin jolasteko askatasuna izan dugu ‘Errementari’n, istorioa janzteko beste elementu bat balitz bezala”

“Fikzioa denez, hizkuntzarekin jolasteko askatasuna izan dugu ‘Errementari’n, istorioa janzteko beste elementu bat balitz bezala”

Martxoaren 2an estreinatuko da "Errementari" filma. Paul Urkijo zuzendari gasteiztarraren lehen film luzea da eta fantasia generoaren barruan kokatzen da. Bi berezitasun horiez gain, badu bestelako bitxikerairik: euskarari dagokionez, Arabako euskararen berreraikuntza...

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies