Magazinak

Kantoia

Arratsaldeetan, 18:00etatik 19:00etara bitartean Hala Bedi Baten kulturari eta agendari eskainitako magazina da Kantoia.

Goizean hizpide izan diren gaien pilulatxo batzuek gaurkotasunarekin lotzen gaituzte.

Kultura aipatzen dugunean, berriz, ez gara musikaz, literaturaz, antzerkiaz edota bertsolaritzaz soilik ari. Bestelako kontu asko ere izaten ditugu gurean: alor askotako langile edota ikertzaileak ekartzen ditugu gurera, eta Arabako historiari ere tarte zabala eskaintzen diogu.

Eta irratsaioaren bigarren zutabea, agendari eskaintzen diogu, kalean zer ari den egosten kontatzeari, Araban dauden zita nagusiak entzuleari helarazteari.

Kantoitik kaleari begiratzen diogu, beraz.

Argitaratutako azken artikuluak

Una mica d’enveja als catalans

Bai, inbidia puntutxo bat badiegu katalanei, aitor dezagun.

Azken denboretan nola doazen aurrera ikusita, gainera, normala! Horrexegatik, tertuliarako gai ezin hobea iruditu zaigu. 3 puntuz aritu gara solasean: Katalunian bertan nola bizitzen ari den Espainiako gobernua nola ari den kudeatzen kontua, ea geure inguruko alderdiak nola ari diren jokatzen.

Minutuak erraz joan zaizkigu, eta ziuraski beste hainbeste ere halaxe joango zitzaizkigun, moztu behar izan ez bagenu.independencia

Entzun

Legutioko batalla: Batalla galdu bat, galdutako gerra batean

Lau bat astean behin Maitane Oyarzabal gonbidatzen dugu geurera Arabako Historiaz hitz egitera. Normalean mende batzuk egiten dugu atzera, baina oraingoan gerra zibilaren garaira eraman gaitu Maitanek, Legutioko batallara zehazki.

Ordurako faxistek hartua zuten Legutio berreskuratzeko asmoz egindako erasoaldiez aritu gara, errepublikarren eta EAJkoen arteko desadostasunek eragindako kalteaz, eta Legution utzi zituen ondorioez.

legutio

 

Entzun

[AGENDA] Ardoa eta Odola emanaldia azaroaren 10ean, Parralen.

ardoa eta odolaIaz esan zuen agur geure irratitik, hainbat urte eta gero, Celosamente Gordea irratsaioak. Hala ere, taulagainean jarraitzen dute, eta ondo lagunduta, gainera. Oraingoan, Joseba B. Lenoir eta Napoka Iriako lagunekin datoz, eta Jim Jarmusch, Neil Young eta William Blake ere beraiekin dira.

Azaroaren 10ean izango ditugu Parral Tabernan, eta guk Joseba Baleztena eta Manex Agirrerekin hitz egin dugu.

Hemen egiten dutenaren lagin bat:  [youtube]https://www.youtube.com/watch?v=9AAWZgCY0dU[/youtube]

Entzun

Arantza Arrien: “Nahikoa urrun dago hirietako jendea nekazal mundutik.”

SONY DSC

Azken boladan negozio ekologikoak ireki dira, Foru enparantzan supermerkatu ezagun bat, Bio Araba erakusketa izan da astebukaeran, Ehbilduk arabako lautadan aldaketa agroalimentario bat bultzatu nahi du, nekazaritza munduan martxan jarri da ECO-a bilatzen; bestetik, baina ECO etiketa negozioa bihurtzen ari da, “kapitalismo berdea” delakoa sortzen ari da…

Kontu hauen inguruan aritzeko eta beste hainbat puntu jorratzeko gonbidatu dugu kantoira Arantza Arrien EHNE Bizkaia, Via Campesina, Etxalde eta ElikaHerriako kidea eta baserritarra

Entzun

Imanol Ubeda: “Kantuek mantendu dute 10 urtez Peiremans+-en izena bizirik”

peiremansEz da erraza 10 urtez kantu batzuek jendearen memorian irautea; are zailagoa taldeak zuzenean jotzen ez badu. Bada, Peiremans+-ena txiribuelta da: kantuek mantendu dute bizirik taldearen izena. Eta gainera, futbol jokalari baten izena hartu taldearentzat, eta hura baino ezagunagoa izatea lortu (euskaldunon artean, behintzat). Ze bazenekien argazkikoa Frederic Peiremans dela, Peiremans “orijinala”?

Honetaz eta beste kontu askori buruz aritu gara hizketan Imanol Ubeda eta Gorka Urbizurekin, Gasteizko kontzertuaren aurretik

Entzun
25 orrietatik 22 orria« Lehena...2021222324...Azkena »
Kantoiarekin harremanetan jartzeko:
telefono_92452 945 12 88 55
telegram-vs-whatsapp 656 34 49 82
e-mail-icono-6785-96 kantoia@halabedi.eus

Zalantzarik? Proposamenik?

5 + 5 =

Araba Hizpideko elkarrizketak

Hala Bedi 2 – Goizeko 10.00etan

80 orrietatik 22 orria« Lehena...2021222324...Azkena »

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies