Magazinak

Araba Hizpide

Araba eta Gasteizko aktualitatea jorratzen duen magazina gara. 2015 urtean sortu ginen, Hala Bedi Bi irratiko goizeko tartea indartzeko. Edukien aldetik, tokiko berriak, kuadrillaz kuadrillako kolaboratzaileak, hedabide ezberdinetako kazetariak eta elkarrizketak izaten ditugu astelehenetik ostiralera, goizeko 10:00etatik 11:00etara, Hizpidea magazin nazionalaren ondoren. Hizpidea magazinarekin batera, Hala Bedi Biko goizetako tartea osatzen dugu.

Azken Artikuluak

Unai Viana (Arabako Gazte Euskaltzaleon Topaketa): “Gazteek gazteentzat egindako topaketak antolatu ditugu eta harro gaude egindako pausoez”

Arabar Gazte Euskaltzaleon II. Topaketa egingo dute datorren larunbatean Gasteizen. Aurreko edizioan oinarrituta, esperientziak elkartrukatzea eta elkar ezagutzea ipini dute helburu Arabako lurralde ezberdinetako gazteek. Unai Viana antolakuntzako kidearekin hitz egin du ARABA HIZPIDEk.

Informazio gehiago, artikulu honetan.

Entzun

Amelia Barquin (Alde Zaharreko auzokidea): “Santo Domingo kalea usteltzen utzi dute: erakundeei ez zaizkie komeni bertako biztanleak”

Amelia Barquin Alde Zaharreko auzokidearekin hitz egin du Araba Hizpidek, Santo Domingo kalean azken egunetan gertatzen ari denari buruz: 13 familiak euren etxeak utzi behar izan dituzte, etxebizitzek egiturazko arazoak zituztelako. Horri gehitu behar zaio Udalak kale horrekiko izan duen utzikeria, atzo bertan auzokideek prentsa-agerraldian salatu zutena: dinamika bat abiatuko dute “Santo Domingo bizirik!” lelopean. Elkarretaratzea deitu dute larunbaterako, hilak 11, Santo Domingo kaleko 40.ean, eguerdiko 13:30ean.

Entzun

Ibai Intxaurrondo (LAB): “Planeta finito batean, ezinezkoa da hazkunde infinitoa: eredua aldatu behar dugu”

“Lan duina, bizi duina” lelopean, ekimen ibiltaria abiatu zuen LAB sindikatuak joan den urriaren 16an. Arabako luraldean Gasteiztik sartuko da azaroaren 10ean, eta Oionen eta Agurainen ere izango ditu geltokiak,  “bizitzaren sostengarritasuna erdigunean jarriko duen eredua eraikitzeko” helburuarekin. Abenduaren 6an amaituko da ekimena, eta hitzaldiak, tailerrak eta informazio-guneak antolatzeko asmoa dute LABeko kideek.

Informazio gehiago HEMEN

Entzun

Araban, euskararen biziberritzean gako izan diren 16 geltoki

Araban euskararen biziberritzeak egin dituen pausoen inguruan berbaldi bat enkargatu zioten Vigoko unibertsitatekoek Txerra Rodriguez soziolinguistari, gero, Santiagoko unibertsitatean ere gauza bera errepikatzeko. Azkenean, galdera horri zuzenean erantzuna eman beharrean, 16 geltokiko bidaia proposatu du Araban barrena.

Mapa osoa eta bere 16 geltokiak ikus daitezke HEMEN

Entzun

Mikel Resa (Sidalava): “Hiesa dutenen estigmatizazioak bere horretan jarraitzen du 30 urte igaro ondoren”

30 urte darama lanean Sidalava-Arabako Hiesaren Aurkako Batzordeak. Tarte horretan, hies gaixotasuna zuten pertsonekin lan egitetik jendarte-bazterkeria pairatzen ari diren pertsona ororengana zabaldu dute euren jarduera. Presoak, sexu-langileak, gazteak, etxerik gabeko pertsonak… dira euren lanaren hartzaileak. Hiesa dutenen estigmaz eta gaixotasuna kutsatzeko garaian dagoen erlajazioaz hitz egin du Mikel Resa Sidalavako kideak Araba Hizpiden, Zapatagile kaleko 91ko egoitza berritik.

Entzun

Zalantzak, ekarpenak,..

7 + 7 =

Hizpidea

Hala Bedi Bi 09.00etan

No Results Found

The page you requested could not be found. Try refining your search, or use the navigation above to locate the post.

telefono_92452 945 12 88 55

 telegram-vs-whatsapp 640 073 613

e-mail-icono-6785-96 araba.hizpide@halabedi.eus

Kantoia

Hala Bedi Bat 18.00etan

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies