Magazinak

Araba Hizpide

Araba eta Gasteizko aktualitatea jorratzen duen magazina gara. 2015 urtean sortu ginen, Hala Bedi Bi irratiko goizeko tartea indartzeko. Edukien aldetik, tokiko berriak, kuadrillaz kuadrillako kolaboratzaileak, hedabide ezberdinetako kazetariak eta elkarrizketak izaten ditugu astelehenetik ostiralera, goizeko 10:00etatik 11:00etara, Hizpidea magazin nazionalaren ondoren. Hizpidea magazinarekin batera, Hala Bedi Biko goizetako tartea osatzen dugu.

Azken Artikuluak

Pernando Barrena: “Arnaldo Otegi askatzeak ez du ekarri behar bakoitzaren erantzukizuna alde batera uztea”

Arnaldo Otegi

Arnaldo Otegi

Astebete eskas barru irtengo da Arnaldo Otegi espetxetik, 6 urteko zigorra osorik bete ondoren. Hori dela-eta, jaialdia antolatu dute Elgoibarren, bere jaioterrian, eta martxoaren 5ean Donostiako belodromoan irribarre erraldoia osatzeko deialdia egin dute hainbat aurpegi ezagunek. Atzo bertan eskatu zuen Carlos Urkijo Espainiako Gobernuak EAEn duen ordezkariak horiek guztiak debekatzeko.

Gaur, Arnaldo Otegiri buruz hitz egin nahi genuen Hizpidea magazinean, eta Pernando Barrena Sortuko bozeramailea eta Arnaldo Otegiren laguna ekarri dugu gurera.

Entzun

Denon eskola: “Eskola guztietan bermatu behar da aniztasuna, desorekarik gabe”

Maite Huarte eta Maider Ruiz de Egino

Maite Huarte eta Maider Ruiz de Egino Denon eskolako kideak

“Euskal eskola publikoaren aldeko manifestua” kaleratu du Denon Eskola Arabako Guraso Elkarteen Federazioak, hezkuntzako sindikatuen eta etorkinen hainbat elkarteren babesarekin. Eskola publiko eta itunpekoaren artean aniztasunari dagokionez dagoen desoreka salatu dute manifestuan, baita horri aurre egiteko neurriak proposatu ere. Manifestu horri buruz hitz egiteko izan dziren atzo Araba hizpide magazinean Maite huarte eta Maider Ruiz de Egino Denon Eskolako kideak. Manifestuari atxikimenduak biltzen ari dira orain.

Entzun

TERTULIA: Zurine Rodriguez, Rikardo Otxoa eta David Mangana

Zurine Rodriguez, Rikardo Otxoa eta David Mangana

Zurine Rodriguez, Rikardo Otxoa eta David Mangana

Ostegunero bezala, tertulia izan zen atzo Araba hizpide magazinean. Zurine Rodriguez EHUko irakaslea, Rikardo Otxoa informatikaria eta David Mangana kazetaria izan dira mahai inguruan, hainbat gai jorratzen: eskola publiko eta itunpekoen artean ematen den desoreka etorkinei dagokienez eta eraso sexistak mezu xenofoboekin lotzeko saiakeraren salaketa.

Entzun

IRUZKINA: Malen Aldalur eta Iker Tubia

Marotoren txio polemikoa

Javier Marotoren txio polemikoa, gerora ezabatutakoa

Aktualitatearen iruzkina egin dute gaur Malen Aldalur eta Iker Tubia kazetariek Hizpidea magazinean. Hasier Arraiz Sortuko bozeramaileak EAEko Auzitegi Nagusian deklaratu behar zuela-eta, adierazpen askatasuna izan du hizpide Aldalurrek. Tubiak, bestalde, Javier Maroto Gasteizko alkate ohiaren txio batetik tiraka, Gasteizko mugimendu feministak eta hainbat talde antiarrazistak salatutakoaz hitz egin du: eraso matxistak eta arrazismoa ez lotzea eskatu zuten feminista eta antiarrazistek.

Entzun

Karmele Merino (Zinegoak): “Zinegoak zinemaldia LGTBI publikotik harago eraman nahi dugu”

Zinegoak 2016ko kartela

Zinegoak jaialdiaren 2016ko kartela

Karmele Merino Zinegoak Bilboko Gaylesbotrans Zinema eta Arte Eszenikoen jaialdiko kidea izan da gaur hizpidea magazinean, Zinegoak jaialdiaren 13. edizioa aurkezten. Jaialdiaren helburua lesbiana, gay, transexual, bisexual eta intersexualen errealitatea ikusaraztea da publiko zabalaren aurrean. Horretarako, 101 film izango dira zinmaldian bertan, baina horretz gain, egitarau zabal prestatu dute datorren otsailaren 22a baino lehen, eta baita zinemaldiak iraungo dituen zortzi egunetan zehar ere. Zinegoak jaialdiaren egitarau horren hainbat xehetasun eman dizkigu Karmele Merinok, besteak beste.

Entzun

Unai (Adi elkartea): “Barrongo urtegiak gainkostu handia izan dezake”

Barrongo urtegiaren proiektua

Barrongo urtegiaren proiektua (Argazkia: alea.eus)

Barrongo urtegiak zeresana ematen jarraitzen du. Joan den ostegunean proiektu horren aurkako plataforma abiatzeko asmoa adierazi zuten ingurukoek, beharrik ez zegoela argudiatuta. Adi ustelkeriaren aurkako taldeak halako azpiegitura handien eraikuntzak ekar ditzakeen ondorioez ohartarazi digu Araba hizpide magazinean. Askoz kostu txikiagoko lan batek gainkostua izan zuen, eta Barronen askoz handiagoa izan daitekeela jakinarazi digute. Acuaes, Copisa eta Tragsa enpresak dira azpiegituraren eraikuntzan egongo diren enpresak.

Joan den ostegunean, Batzar Nagusietako ordezkarien tertulian, Barrongo urtegiaren auzia jorratu zuten tertuliakideek eta txio-kate interesgarria bota zuten Adi elkartekoek, datuz jositakoa.

Entzun

Ana Galarraga (Elhuyar): “Grabitazio-uhinak unibertsoaren sorrerara hurbiltzeko tresna berria izango dira”

Grabitazaio-uhinak

Grabitazio-uhinak

Otsailaren 11n iragarri zuten zientzialariek grabitazio-uhinak frogatzeko moduan zeudela: orain dela 100 urte iragarri zituen Einsteinek, baina orain arte ez zen frogatu halakorik existitzen zenik. Ana Galarraga Elhuyarreko kidearekin hitz egin du Hizpidea magazinak, gaia gehiago ezagutzeko asmoz. Galarragak esan duenez, unibertsoa ezagutzeko argia erabiltzen zen orain arte, baina orain unibertsoaren sorrerara hurbiltzeko tresna berria izango dute astro-fisikariek, grabitazio-uhinak, alegia.

Entzun
50 orrietatik 48 orria« Lehena...4647484950

Zalantzak, ekarpenak,..

10 + 5 =

Hizpidea

Hala Bedi Bi 09.00etan

  • ARTAYORRAN #264: EKON
    90eko hamarkada gogoratzen gabiltza azken asteotan; oraingoan ere hamarkada hartako rock musikan erreferentzia izan zen EKON talde arrasatearra. (Ines Osinaga, Naiara Okina, Jon Encina, Iñigo Bakero, Xabi Rey, Yago Goronaeta, Eloy Galan, Juan Corral). Hiru lan luze argitaratu zituzten: Zurrunbilo Kaotikoa(Mil A Gritos,1997) Etnia 2000 (Mil A Gritos, 1999) eta ... Irakurri gehiago
    Iturria: HizpideaData 2017-03-17
  • HIZPIDEA: Eremu mistoa zabaltzeko proposamena tramiterako onartu du Nafarroako parlamentuak
    Nafarroako kronika ekarri digu Mikel Bujanda euskalerria irratiko kazetariak. Eremu ez euskalduneko 11 udalerri eremu mistoan sartzearen alde egin dute aldaketaren aldeko lau indarrek Parlamentuan. Prozesu honetan udalerri  gehiago sar litezke, hala eskatuz gero. Eremu ez-euskalduneko 11 udalerri eremu mistoan sartzearen alde egin dute aldaketaren aldeko lau indarrek Parlamentuan. Prozesu honetan ... Irakurri gehiago
    Iturria: HizpideaData 2017-03-17
  • HIZPIDEA: Newroz herri kurduaren eguna datorrela Askapenak elkartasun astea antolatu du
    Udaberriarekin batera dator munduko estatu gabeko herri handienaren jai nazionala. Newroz da, Kurdistango herriaren sinboloa eta askatasun egun berria dakarren jaia. Lau estatuk zapaldu eta zapaldutako 40 milioi pertsonak osaturiko herriaren eguna da. Kurdistanekin elkartasun astea antolatu du Askapena erakunde internazionalistak. Martxoaren 17ko ekitaldi eta brindis batekin hasi, martxoaren 22ko ... Irakurri gehiago
    Iturria: HizpideaData 2017-03-17
  • IBAIZABAL: Mozal legea, Kalea eta adierazpen askatasuna (Argia 2546 zenbakia )
    “Espainiako Gobernuak atzera egin du: Argia-k irabazi du mozal legea-ren auzia”. Izenburu horrekin jakinarazi zuen Argia astekariak joan den astean Axier Lopez kazetariari isuna bertan behera utzi izana. 601 euroko isuna ezarri zioten iaz, Naroa Ariznabarretaren atxiloketako irudiak zabaltzeagatik. Epaiketa egiteko egun batzuen faltan, Javier de Andres Espainiako Gobernuak Euskal Autonomia Erkidegoan duen ... Irakurri gehiago
    Iturria: HizpideaData 2017-03-17
  • EKT: Memoriaz eta identitate kulturalaz Izaro Arroitarekin
    Euskal Kulturgintzaren transmisio gradu ondoan Izaro Arroita izan da, bere tesian oinarritutako hitzaldia eman du, “Ramon Saizarbitoriaren nobelagintza memoria ikasketen ikuspegitik”. Memoria historikoa eta identitate kulturala ari da aztertzen euskal literaturan. Memoriaren garrantziaz aritu da, behar bezala konpondu gabeko historia traumatikoak, gerra, diktadura, gatazka, terrorismoa… Iragan gatazkatsuak utzitako zauriak ixteko ... Irakurri gehiago
    Iturria: HizpideaData 2017-03-16
  • BERBAZ: Iñigo Retolaza, txalaparta eredu, zubigile
    Lau urte inguru etxean bueltan dela, bertan birfinkatuta dugu, ia, kanpoan (India, Kolonbia, Bolivia, Nikaragua,..) batetik bestera aholkulari ibili eta gero urtetan, gatazka handietan tartekari. Azken aldian jardun bik erakartzen dute bidenabar: Memorialabek (euskal gizarteko urtetako indarkeriaren memoria osatzen) eta Euskaldunon Topagunearekiko elkarlanak (galder nagusia, zelan zabaldu daiteke euskararen plaza/bilgune/zubi ... Irakurri gehiago
    Iturria: HizpideaData 2017-03-16
  • ZIENTZIALARI: Zelulen autofagia
    Autofagia, funtsean, zelulek beren barnean dauden konposatuak  eta atalak degradatzeko duten ahalmenean oinarritzen da. Degradatuko dena mintzez inguratu ohi da digeritua izan orduko; egitura honi autofagosoma deritzo. Autofagosomak 60ko hamarkadan deskribatu ziren lehenengoz, baina haien eraketa prozesua sakonki aztertu zen 90eko hamarkadan. Egun, autofagia prozesuaren erregulazio okerra minbizia eta Parkinsona bezalako ... Irakurri gehiago
    Iturria: HizpideaData 2017-03-16

telefono_92452 945 12 88 55

 telegram-vs-whatsapp 640 073 613

e-mail-icono-6785-96 araba.hizpide@halabedi.eus

Kantoia

Hala Bedi Bat 18.00etan

No Results Found

The page you requested could not be found. Try refining your search, or use the navigation above to locate the post.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies