Magazinak

Araba Hizpide

Araba eta Gasteizko aktualitatea jorratzen duen magazina gara. 2015 urtean sortu ginen, Hala Bedi Bi irratiko goizeko tartea indartzeko. Edukien aldetik, tokiko berriak, kuadrillaz kuadrillako kolaboratzaileak, hedabide ezberdinetako kazetariak eta elkarrizketak izaten ditugu astelehenetik ostiralera, goizeko 10:00etatik 11:00etara, Hizpidea magazin nazionalaren ondoren. Hizpidea magazinarekin batera, Hala Bedi Biko goizetako tartea osatzen dugu.

Azken Artikuluak

UDAL ORDEZKARIEN TERTULIA: Mohamed Akbache (EAJ), Itziar Amestoy (EH Bildu) eta Jorge Tejedor (Irabazi)

tertulia

Udal ordezkarien tertulia

ARABA HIZPIDEko udal ordezkarien tertulian, EAJko Mohamed Akbache, EH Bilduko Itziar Amestoy eta Irabaziko Jorge Tejedor izan ziren ostegunean. Hiru gai jorratu zituzten, Gasteizko aktualitateari dagozkionak: alde batetik, apirilaren 9an egitekoa den “Feministok prest!” lelopeko manifestazioa; bestalde, Denon eskola Arabako guraso-elkarteen federazioak salatutako ikasleen arteko segregazioa izan zuten hizpide, eta; azkenik, Javier Maroto Gasteizko alkate ohiak udaletxean duen presentziaz aritu ziren, aspaldi salatu baitzuten udal talde ezberdinek denbora gehiago pasatzen duela Madrileko zereginetan Gasteizkoetan baino.

Entzun

Eneko Bidegain: “Hirigune-elkargo bakarrak ez du ekarriko Euskal Herriaren izaera salbatzeko behar den politikarik”

Eneko Bidegain

Eneko Bidegain

Eneko Bidegain Mondragon Unibertsitateko irakaslea egon zen ostegunean HIZPIDEAn, egunotan Lapurdi, Nafarroa Beherea eta Zuberoako herriko etxeak bozkatzen ari diren proposamenari buruz hitz egiteko: Ipar Euskal Herriko erakundetzea ekarriko duen hirigune-elkargo bakarraren proposamenarekin kritiko agertu zen Bidegain, ez omen duelako Ipar Euskal Herriaren izaera salbatzeko beharrezko politikarik. Aldarrikapen historikoa da Ipar Euskal Herriaren autonomia bermatuko duen egiturarena, eta orain bozkatzen ari diren proposamena, Frantziaren antolaketan izan diren aldaketak direla-eta, ezinbestean etorri beharreko proposamena dela uste du Bidegainek. Orain bozkatzen ari dena, prefetak berak eginiko proposamen bat du oinarri, Frantziak lurralde-kolektibitateari ezezko biribila eman ondoren.

Entzun

IRITZI-ZUTABEA: Lorena Lopez de Lacalle

Lorena Lopez de Lacalle

Lorena Lopez de Lacalle

Lorena Lopez de Lacalle EH Bilduko kidearen iritzi-zutabea entzun dugu gaur ARABA HIZPIDEn. “11eraso, 12 erantzun: FEMINISTOK PREST!” lelopean, datorren larunbatean, apirilak 9, Gasteizen egingo den manifestazio nazionala izan du hizpide Lopez de Lacallek. Eguerdiko 13:00etan izango den manifestaziora joateko deialdia egin du.

Entzun

Marta Perez (Iñigo Gogoan herri-ekimena): “Hau ez da futboleroen kontu bat, askoz zabalagoa da”

Iñigo Cabacas

Iñigo Cabacas

Apirilaren 5ean beteko dira 4 urte Iñigo Cabacas gazteak Ertzaintzaren pilotakada bat jaso zuenetik: pilotakada horren ondorioz hil zen Athleticeko zale gaztea egun batzuk geroago. Geroztik, lau urte igaro diren arren, auzia ikerketa-fasean dago oraindik. justizia eske ari dira familia eta lagunak eta hori aldarrikatzeko sortu zen Iñigo Gogoan herri-ekimena. Ekimen horretako kide Marta Perezekin hitz egin du HIZPIDEAk, gertakariaren urteurrenaren egunean berean.

Entzun

Igor Chillon (LAB): “Ez dakigu zein motatako lanpostuak izango diren SEAk sortu nahi dituenak”

Igor Chillon Gasteizko LAB-Industriako arduraduna

Igor Chillon Gasteizko LAB-Industriako arduraduna

Arabako Industria politikako Plana aurkeztu berri du SEA Arabako enpresarien elkarteak. Plan horren arabera, 9.000 lanpostu sortuko lirateke 2016-2017 epean, hainbat neurri hartuta. Igor Chillon Gasteizko LAB-Industriako arduraduna izan da gaur ARABA HIZPIDEn plan horren balorazioa egiten. Chillonen arabera, zalantzarik handiena da zein motatako lanpostuak diren sortuko direnak: alde batetik, lanaldi partzialeko kontratuak izango direla aurreikusten du Chillonek eta, bestetik, prekarietatea sortuko dutela, unibertzitatearekin zein lanbide heziketako eskolekin elkarlana proposatzen baitute planean. Horrez gain, sozietateen zerga jaistea ere proposatu dute Arabako enpresariek.

Entzun

Iñaki Ullibarri: “Ezinezkoa da Norvegiako zerbitzu publikoak izatea Bulgariako zerga-politikarekin”

Iñaki Ullibarri EH Bilduko batzarkidea

Iñaki Ullibarri EH Bilduko batzarkidea

Iñaki Ullibarri EH Bilduko batzarkidea egon da gaur ARABA HIZPIDEn, EH Bildu, Podemos eta Irabazi talde politikoek Arabako zerga-politikarako egindako proposamenak direla-eta. Hiru taldeek zerga-sistema bidezkoagoaren aldeko pausoak ematen hastea eskatu zioten joan den azaroan Foru Gobernuari, baina gobernuak eskaera bete ez duenez, proposamen zehatzak egin dituzte PFEZean, JEZean, Aberastasunaren Gaineko Zergan eta Enpresen Etekinen gaineko Zergan.

Entzun

IRUZKINA: Gotzon Hermosilla eta Irati Sarasua

HIZPIDEA - Aktualitatearen iruzkina

HIZPIDEA – Aktualitatearen iruzkina

Aktualitateko gaien iruzkina egin dute gaur HIZPIDEAn Gotzon Hermosilla Berriako kazetariak eta Irati Sarasua Hamaika Telebistako kazetariak. Iñigo Cabacas Lizeranzuren hilketaren laugarren urteurrena izango dela-eta, gai hori hartu du hizpide Hermosillak. Irati Sarasuak, aldiz, Gipuzkoan eraikiko den errauste-planta izan du mintzagai, Anberesko erraustegiaren leherketa abiapuntutzat hartuta.

Entzun
50 orrietatik 45 orria« Lehena...4344454647...Azkena »

Zalantzak, ekarpenak,..

2 + 6 =

Hizpidea

Hala Bedi Bi 09.00etan

  • SOINUGELA: Balerdi Balerdi, arima sobera eta soul apur bat
    Gaurko urrezko kanta Balerdi Balerdi nafar taldearen Arima sobera izan dugu. Laster diskoa aterako dute, taldeak berak aurreratu duenez, baina guk Ez gara galdu disko zaharragoko abestiari erreparatu diogu, baita kanta horretan agertzen diren aipamen batzuei ere. Soul esparruko erreferentziak dira, lehena Smokey Robinson eta bere The Miracles taldearena, eta ... Irakurri gehiago
    Iturria: HizpideaData 2017-03-21
  • HIZPIDEA: ETAren armagabetzea lurralde oso baten alde bakarreko prozesu gisa aurkeztu du Anaiz Funosasek
    Apirilaren 8an ETA erakundearen armagabetzea beteta egongo zela jakin genuen. Larunbatean, aldiz, armagabetzearen inguruko foroa izan zen Biarritzen. Antolakuntzan Bake Bidea eta Bake bideako kide den Anaiz Funosasekin hitz egin dugu gaurko saioan. Interes berezia hartu zuen Biarritzen antolatutako foroak. Bigarren saioan, joan den abenduan Luhuson izaniko operazioak sortutako egoera ... Irakurri gehiago
    Iturria: HizpideaData 2017-03-21
  • GOMUTAN: Vecunia hiri zaharraren bila
    Misteriozaleentzako atala dakargu gaurkoan. Harri zahar-zahar bateko latinezko idazkun ilun bat ikertzen hasiko gara, gaur egun galduta dagoen arren. Eta ildo horretatik tiraka Bilboaldean antzinatean izan bide zen hiriaren lorratzen atzetik joango gara. http://bilbohiria.com/docs2/2017/gomutan/170321_gomutan_16.mp3Deskargatu hemen. ... Irakurri gehiago
    Iturria: HizpideaData 2017-03-21
  • IBAIZABAL: Berbaro proiektua elkarrizketaren kulturaz hausnartzen
    Gaurko saioan  Berbaro proiektua ezagutu dugu Iñigo Retolaza eta Eleder Aurtenetzerekin. Kalitatezko elkarrizketak bultzatzearen asmoarekin, elkarrizketen kulturaz hausnartzeko ekimen berria jarri dute martxak. Elkarrizketa bi edo pertsona gehiagoren artean ematen den ekintza da, hitz egin eta entzutean datza. Euskal herrian bizi duen egoera ikusita, elkarrizketa sustatzeko eta asmoa dute berbaro ... Irakurri gehiago
    Iturria: HizpideaData 2017-03-21
  • IBAIZABAL: Hirukan aste honetan memoriaren plaza eta euskara eta feminismoa
    Gaur bat egin dugu Hiruka astekariarekin eta Irantzu Sagarminagak Uribe kostako eskualdeko albisteak ekarri dizkigu. Batetik Gogora institutuaren Memoriaren plaza egon da aste honetan Areetan eta bertan bildutako testigantzen berri ekarri digu. Martxoaren 8aren harira Lore Agirre “Euskara eta feminismoa” gaiaz berba egin digu elkarrizketa luzean. http://bilbohiria.com/docs2/2017/ibaizabal/170320_irantzusagarminaga.mp3Deskargatu hemen. ... Irakurri gehiago
    Iturria: HizpideaData 2017-03-20
  • HIZPIDEA: Zergatik hartzen dituzte gizon zuri dirudun bati buruzko aurreiritziak arrazakeria bezain desegokitzat?
    BBC Britainia Handiko telebista publikoan Skype bidez elkarrizketa egiten ari zen Robert Kelly, Zientzia Politikoetako irakaslea, Hego Korearen egoeran aditua. Kelly berbetan entzutean, elkarrizketaren gelako atea zabaldu eta aitarenera joan zen alaba. Kellyk eskuarekin atzera bultzatu zuen, begiratu barik. Alabaren atzean, bigarren umetxo bat ere gelara sartu zen. Azkenean, emakume ... Irakurri gehiago
    Iturria: HizpideaData 2017-03-20
  • Hizpidea: “Arrazakeriarik ez, ezta bazterketarik” aldarrikatuko dute xenofobia eta arrazakeriaren aurkako egunean
    Martxoaren 21a arrazakeriaren kontra lan egiteko konpromisoa berriztatzeko data dela gogorarazten dute Nazio Batuek. Egun horretan, 1960an, apartheidaren legeen kontra protestatzeko Hego Afrikako Sharperville hirian burutzen ari zen manifestazio baketsu baten aurka tiro egin zuen poliziak.”Europar Batasunak baditu tresna materialak eta teknikoak errefuxiatu gehiago eta baldintza hobeetan hartzeko, baina horretako ... Irakurri gehiago
    Iturria: HizpideaData 2017-03-20

telefono_92452 945 12 88 55

 telegram-vs-whatsapp 640 073 613

e-mail-icono-6785-96 araba.hizpide@halabedi.eus

Kantoia

Hala Bedi Bat 18.00etan

No Results Found

The page you requested could not be found. Try refining your search, or use the navigation above to locate the post.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies