Magazinak

Araba Hizpide

Araba eta Gasteizko aktualitatea jorratzen duen magazina gara. 2015 urtean sortu ginen, Hala Bedi Bi irratiko goizeko tartea indartzeko. Edukien aldetik, tokiko berriak, kuadrillaz kuadrillako kolaboratzaileak, hedabide ezberdinetako kazetariak eta elkarrizketak izaten ditugu astelehenetik ostiralera, goizeko 10:00etatik 11:00etara, Hizpidea magazin nazionalaren ondoren. Hizpidea magazinarekin batera, Hala Bedi Biko goizetako tartea osatzen dugu.

Azken Artikuluak

TERTULIA – Batzar Nagusietako ordezkariak: Saioa Beistegi (PSE-EE) eta Haizea Marijuan (EH Bildu)

Haizea Marijuan eta Saioa Beistegi

Haizea Marijuan eta Saioa Beistegi

Osteguneroko tertulian, Arabako Batzar Nagusietako ordezkarien txanda izan da gaur ARABA HIZPIDEn. EH Bilduko Haizea Marijuan eta PSE-EEko Saioa Beistegi izan ditugu solaskide, eta Arabari dagozkion aktualitateko gaiak jorratu dituzte: Trebiñuk integrazio-saiakerari ekingo dio berriz, Espainiako kongresuko indar-korrelazioa aldatuta, eta martxoaren 8an erakundeek izan beharreko papera.

Entzun

IRUZKINA: Maite Asensio eta Ion Ansa

iruzkina

Aktualitatearen iruzkina

Aktualitatearen iruzkina egin dute gaur HIZPIDEAn Ion Ansa komunikazio-teknikariak eta Maite Asensio Berriako kazetariak. Ansak datorren ekainean zehar hainbat herritan egingo diren kontsultak izan ditu hizpide, Hernanin ere galdeketa egingo dutela jakin ondoren. Bestalde, Maite Asensiok martxoaren 8ak eragindako googetak ekarri dizkigu, borroka-egun gisa ulertu beharko litzatekeela gogora ekarrita.

Entzun

Alberto Barandiaran (Hekimen): “Irismenaren irizpideaz gain, bestelako aldagai batzuk ere hartu behar dira kontuan”

Alberto Barandiaran

Alberto Barandiarann

Alberto barandiaran Hekimen herri-ekimeneko hedabideen elkarteko zuzendaria da. Elkarte horrek joan den martxoaren 4an egin zuen bere Batzar Nagusia, eta bertan adierazi zuten Eusko Jaurlaritzak hedabideentzako diru-laguntzak emateko moduarekiko desadostasuna: urte bakarrerako baino, urte gehiagorako ematearekin ados aghertu baziren ere, diru-laguntzak 2012tik izoztuta daudela salatu zuten eta, era berean, Hizkuntza Politikako Sailburuordetzarekin egindako bileretan proposatutako irizpideak ez dituztela kontuan hartu adierazi zuten. Diru-laguntzen azken banaketan, “irismena” irizpidea ezarri zuten, eta horrek kalte handiak eragiten dizkie herri-ekimeneko hedabideei, izan ere, ez baita gauza bera Gasteizen edota Azpeitian zabaltzea. Beste hainbat faktore ere kontuan hartu behar direla esan du Alberto Barandiaran Hekimen elkarteko zuzendariak.

Entzun

Emilie Martin (Bagoaz): “Herritarren mobilizazioari esker askatuko dute Lorentxa Gimon”

Lorentxa Gimonen aldeko aldarria

Lorentxa Gimonen aldeko aldarria

Emilie Martin Bagoaz kolektiboko eledunarekin hitz egin du HIZPIDEA magazinak, Lorentxa Gimon larriki gaixorik den preso angeluarra askatuko dutela jakin eta biharamunean. Azarotik etxean egon beharko luke kalean Crohn gaixotasun sendaezina duen presoak, baina baldintzapeko askatasunari helegitea ipini zion fiskaltzak, eta espetxean da geroztik. Datorren martxoaren 1ean askatuko dute Lorentxa Gimon, azken hilabeteotan hiru aldiz ospitaleratu ondoren.

Entzun

Mieltxo Monfort gogoan

Mieltxo Monfort

Mieltxo Monfort

HIZPIDEA magazinaren lehen harriak jarri genituenean, inola ere ez genuen pentsatuko saioak bere historiaren unerik latzenetakoak biziko zituenik lehen urtean. Joan den urteko ekainean hasi ginen lehen harri horiek jartzen, eta urrian ekin zion bere ibilbideari HIZPIDEAk, ahizpa zahar IBAIZABAL eta ahizpa gazte ARABA HIZPIDE magazin lokalekin eskuz esku lanean.

Hala Bedi irratian elkartu ginen Bilbo Hiria irratiaren bihotz eta arima, arima eta bihotz zirenekin: Mieltxo Monfort eta Apolo. Handik gutxira utzi gintuen Apolok, ezagutzeko ia aukerarik eman gabe. Kolpe latza izan zen, noski, Bilbo Hiria irratiko eta Zenbat Gara elkarteko lagunentzat, ordurako lankide eta lagun genituen haientzat.

Mieltxo Monfortek hartu zuen harrezkero HIZPIDEA abiatzeko ardura osoa. Aktualitateko magazinak eskatzen duen abiaduran, egun batetik bestera elkarrizketak lotzen bizi-bizi aritu gara: hau bai, hau ez, hau aldatu behar dugu beste hura gertatu baita, egokiagoa da hau, hau ez da tokatzen… Metodikoa, zorrotza, perfekzionista, baina lankide eta adiskide ona, guztiaren gainetik. HIZPIDEAn kolaboratzaile aritu direnek esango dute hobeto, baina bakar batek ere ez zion ihes egiten.

Oihaneder euskararen etxean HIZPIDEA eta ARABA HIZPIDE magazinen aurkezpena egin genuenean, pozik etorri zen Mieltxo, eta harro heldu zion mikroari hitz egitea tokatu zitzaionean. Proiektu ilusionagarria zen, inondik inora, irratigintzan, belaunaldi eta herrialde arteko lotura berriak egingo zituena.

Otsailaren 25ean, HIZPIDEA hasi zenetik 5 hilabete eskas bete direnean, magazinaren sortzaile, bihotz eta arima zenak utzi gaitu, gaixotasun anker bati aurre egiten, patuak Mieltxo galtzaile irtetea erabaki duenean.

Mieltxo Monfort oso gogoan izango dugu Hala Bedi irratian, berarekin batera ekin baikenion Araban euskarazko goizetako lehen magazinari. Bilbon zein Gasteizen, euskarazko irratigintzaren erreferenteetakoa galdu dugu, baina bide berberean jarraituko dugu, nekaezin, Mieltxo bera bezalaxe.

Adio esaterakoan, silabak ongi bereizi eta azken silaba markatzea besterik ez dugu, ahots-tonua beheratuta, zeuk egiten zenuen bezala, Mieltxo: A-GÚR!

Entzun

Joseba Llano: “Aiaraldeko Euskalgintzaren Kontseilua sortzeko akordioa lortzea erraza izan da, kezka handia baitago”

Euskalgintzaren Kontseilua

Aiaraldeko Euskalgintzaren Kontseilua

Aiaraldeko Euskalgintzaren Kontseilua eratu zuten joan den otsailaren 12an Laudion egindako ekitaldian. 40 eragilek osatzen dute Kontseilua eta, Joseba Llano Kontseiluko kideak esan duenez, erraza izan da euren arteko akordioa lortzea, kezka handia baitago euskararen normalizazioari dagokionez. Euskalgintzaren Kontseiluaren xedea da Aiaraldeko euskararen normalizazioaren alde urratsak eman nahi dituzten eragile zein norbanakoen bilgune iraunkorra izatea, egiten den lanaren eraginkortasuna bilatzea, gogoetarako foroa osatzea, estrategiak diseinatzeko eta gauzatzen laguntze­ko euskarriak sortzea, erreferente izatea eta instituzioekiko eta entitate pribatuekiko interlokuzio aktiboa izatea. (Bideoa eta argazkia: aiaraldea.eus)

 

Entzun

Dani Zuazagoitia (Gasteiz Zero Zabor): “2020rako, %50 birziklatzea agindu du Europak”

Gasteiz Zero Zabor

Gasteiz Zero Zabor plataformaren ikurra

Dani Zuazagoitia Gasteiz Zero Zabor plataformako kidea izan da gaur Araba Hizpiden, Gasteizko Udalaren Hondakinen Kudeaketarako Plangintzaren balorazioa egiten. 2008-2016 epealdirako ezarritako plangintza ez dela bete esan du Zuazagoitiak: gasteiztarrok %24 birzkilatzen dugu, eta Europatik datorren agindua da 2020rako %50 birziklatzea. Udal plangintzan ezarritako helburuak ez dira bete, eta horixe jaso dute Gasteiz Zero Zaborreko kideek euren webgunean eskuragarri dagoen txostenean. Txosten horretan, halaber, emaitzak hobetzeko neurriak ere proposatu dituzte, eta horiek zabaltzeko, batzarrak egingo dituzte udalean ordezkaritza duten talde politikoekin

.

Entzun
48 orrietatik 45 orria« Lehena...4344454647...Azkena »

Zalantzak, ekarpenak,..

12 + 7 =

Hizpidea

Hala Bedi Bi 09.00etan

  • SOINUGELA: Sharon Jones-i gorazarre, Charlie Rich, Rico Rodriguez
    Pasa den azaroan hil zen behin baino gehiagotan Kafe Antzokian ikusteko parada izan dugun Sharon Jones soul kantari Amerikarra. Hori aitzaki hartuta, 100 days, 100 nights izan da gaurko Soinugelaren ateak irekitzeko aukeratu dugun urrezko kantua. AEBetako soul garaikidearen ikurraren beste zenbait kantu entzun dugu jarraian: – I Learned The ... Irakurri gehiago
    Iturria: HizpideaData 2017-01-27
  • Bilbo Hiria irratia auzoz auzo: larunbatean Otxarkoagatik arituko gara zuzenean
    Larunbatean abiatuko dugu Bilbo Hiria auzoz auzo saio berezia, hilean behin Bilboko auzo batetik zuzeneko saioa egingo dugu.  Otxarkoagatik zuzeneko bi orduko saioan hainbat lagun izango ditugu. Otxarkoagako bizilagunak izango ditugu bidaide.  Goizalde Eskaut taldeko kideak izango dira gurean. Otxarkoagako Merkatari elkartea, 1968an sortutako Otxarkoagako familia elkartea, Gazte asanbladako kideak. ... Irakurri gehiago
    Iturria: HizpideaData 2017-01-26
  • POTTO: Euskal Herrian barnako bidaia
    AGUR, BERTSOZALE! Potto irratsaioaren azkabuko ale honetan Euskal Herrian barnako bidaia proposatzen dizuegu. Oiartzunen izan zen Presoen aldeko bertso-jaialdiaren ariketa batzuk ekarri ditugu; Tolosako Leidor zineman ospatu zen jaialdiaz gozatu; Zeaniko urteroko saioa astindu; eta, bukatzeko, Donostiako Doka Kafe Antzokian jokatu zen Mikel Laboa sariketa komentatu dugu. Azken honetan, Nahia ... Irakurri gehiago
    Iturria: HizpideaData 2017-01-26
  • Endika Rodriguez “Garoñaren bizitza luzatzea erabaki politikoa da, beste zentral nuklearren bizitza luzatzea dago jokoan”
    Garoñaren ustiapen baimena 2031ra luzatzeko eztabaidak zenbait aste iraungo du, baina, ezusterik ezean, aldekoa izango da. Araba Garoñarik Gabe plataformako Endika Rodriguez izan da gurean azalpenak ematen, eta argi adierazi du atzean beste zentral nuklearren bizitza luzapena dagoela jokoan. Segurtasun Nuklearreko Kontseiluak Garoña 2031ra arte irekitzeari baietza emanez gero, Espainiako ... Irakurri gehiago
    Iturria: HizpideaData 2017-01-26
  • IBAIZABAL: Azokaren alde #love2Mayo kanpaina martxan jarri dute
    Hileko lehen larunbatean maiatzaren biko kalean  azoka ospatzen da. Duela 12 urte jarri zuten martxan azoka, bertan arropa, liburuak, vintage objektuak, artisauak denetariko kontuak topatu ahal dira. Azken hilabetetan Bilboko udalaren trabei aurre egiten dabiltza. Horren inguruan mintzatu zaigu Olatz. Bide batez Otsailaren 4ko azokara hurbiltzeko gonbidapena egin digu. http://bilbohiria.com/docs2/2017/ibaizabal/170126-hizpidea-olatz.mp3Deskargatu ... Irakurri gehiago
    Iturria: HizpideaData 2017-01-26
  • HIZPIDEA: IBEX 35 indizeak politikan duen harremana aztergai
    Gaurkoan IBEX 35 indizea zer den ezagutu dugu Endika Alabort Amundarain ekonomialariaren eskutik. Indizea testuinguru batean sortu zen 1992an , Maastrichteko ituna egin zenean. Politikan paper garrantzitsua jokatzen du eta elite ekonomikoen erremintan da. Krisian jokatu duen papera ere aztertu dugu, estatu mailan eta Euskal Herrian. http://bilbohiria.com/docs2/2017/hizpidea/170126-hizpidea-endikaalabort.mp3Deskargatu hemen. ... Irakurri gehiago
    Iturria: HizpideaData 2017-01-26
  • ZIENTZIALARI: Hautatzeko sistemak (Javier Duandikoetxea)
    Gizartean askotan jo behar izaten dugu bozetara, gauzak erabakitzeko eta zerbait egiteko pertsona egokienak hautatzeko. Politika litzateke kasurik ohikoena, baina beste arlo askotan ere erabiltzen dira hautatze sistemak. Paradoxa bat badago, hala ere: ezer bozkatu aurretik, kasu bakoitzerako hautatze sistema bera hautatu beharra daukagu. Javier Duandikoetxearen eskutik, hautatze sistema horien ... Irakurri gehiago
    Iturria: HizpideaData 2017-01-26

telefono_92452 945 12 88 55

 telegram-vs-whatsapp 640 073 613

e-mail-icono-6785-96 araba.hizpide@halabedi.eus

Kantoia

Hala Bedi Bat 18.00etan

No Results Found

The page you requested could not be found. Try refining your search, or use the navigation above to locate the post.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR