Magazinak

Araba Hizpide

Araba eta Gasteizko aktualitatea jorratzen duen magazina gara. 2015 urtean sortu ginen, Hala Bedi Bi irratiko goizeko tartea indartzeko. Edukien aldetik, tokiko berriak, kuadrillaz kuadrillako kolaboratzaileak, hedabide ezberdinetako kazetariak eta elkarrizketak izaten ditugu astelehenetik ostiralera, goizeko 10:00etatik 11:00etara, Hizpidea magazin nazionalaren ondoren. Hizpidea magazinarekin batera, Hala Bedi Biko goizetako tartea osatzen dugu.

Azken Artikuluak

Tertulia | Kazetariak: okupazioa, euskaraz bizitzeko esperientziak, Hiriko kasua

Zurine Rodriguez eta Xabier Izaga izan dira gaur Hala Bediko estudioetan tertulian, eta Dani Trujillano, telefonoz. gasteizen beste eraikin bat okupatu dutela-eta, bizi-eredu berriak izan dituzte hizpide. Aiaraldea, 6.000 lagunen aho eta belarriak aktibatu nahi dituzte, eta euskara hutsez bizitzeko esperientzien onuraz ere jardun dute. Azkenik, Hiriko kasuaren jarraipena egin dute, ustelkeria kasuen inguruan dagoen datu falta salatuta.

Entzun

Paul Urkijo: “Ipuinetan, errementaria boteretsua da: elementuak moldatzen ditu eta metalen garairaino eramaten gaitu”

Errementari filma arrakasta handiarekin estreinatu zen joan den urriaren 13an Sitgeseko (Paísos Catalans) nazioarteko Zinemaldian. Paul Urkijoren lehen film luzea da, eta berarekin hitz egin nahi izan dugu estreinaldian jasotako sentsazioez: Urkijok zinea egiteko prozesuaren nondik norakoez hitz egin digu, film bat egiteak dakarren gastu eta esfortzua nabarmenduta. Izaskun Urkijo Alijo filmaren arte-zuzendariarekin hitz egiteko ere aprobetxatu dugu, Euskal Herriari XIX. mendearen itxura emateak ekarri dion lanari buruz.

Entzun

Jon Liguerzana (Etxerat): “Dispertsioaren ondorioen berri emateko beharra ikusten dugu oraindik”

Jon Liguerzana Etxerateko kideak adierazi duenez, ETAren borroka armatua amaitu zenetik, zenbait pertsonak uste du ez dagoela presorik espetxeetan. Ezjakintasun horri aurre egin nahian, “Dispertsioa argira ekarriz” erakusketa atondu dute Gasteizko Probintzia plazan, euskal preso politikoen dispertsioaren eta urrunketaren ondorioen berri emateko. Datorren igandera arte, hilak 22, egongo da Gasteizen eta, ondoren, Laudion egingo du egonaldia.

Entzun

Lander Gartzia: “Gasteizko Udalak frankismoaren krimenak eztitzeko tesia onartu du, garrantzia kentzekoa”

Frankismoaren Krimenen Aurkako Euskal Plataformak ez du begi onez ikusi Gasteizko Udalak eginiko proposamena: Gasteizko kale-izen frankistak aldatu beharrean, izen bakoitzari bere testuingurua ematea proposatu zuen Gorka Urtaranen gobernuak. Plataformak adierazi duenaren arabera, frankismoaren krimenak gozotzeko tesia onartu du Udalak, ez baita benetako testuingururik ematen. Areago, krimenak zuritu egiten direla edo ausazkoak direla esan digu Lander Gartzia plataformako kideak.

HONEKIN LOTUTAKOAK:

Entzun

Aitor (#Agur78 ekimena): “Kataluniakoa da 78ko erregimenak izan duen krisirik sakonena, eta indar hori hona ekarri nahi dugu”

 

 

Urriaren 12an aurkeztu zen #Agur78 ekimena, 1978an Espainian ezarritako eredu politikoarekiko haustura aldarrikatzeko. Katalunian ikus daiteke, egun, erregimen zahar horren arrakalarik handiena, eta Euskal Herrian ere horren antzeko mugimendua sortzea dute helburutzat ekimeneko kideek. Urriaren 12an bertan kanpaldia antolatu zuten gasteizko katedral berriko plazan eta, gauean desegin zuten arren, ekimenarekin aurrera egiteko asmoa dute.

Entzun

Xabier Gojenola (Errigora): “Kezka eta irrika ezberdinak dituztenen arteko batura da Errigora”

Zubigintza lelopeko kanpaina abiatu du Errigora ekimenak: Nafarroa hegoaldeko produktuak euskaraz etiketatu eta zabaltzen dituzte Euskal Herri osoan, etekinak Erriberako euskalgintzari bideratzeko eta bertako ekoizpena bultzatzeko, aldi berean. Xabier Gojenola Errigorako kidearekin hitz egin dugu gaur Araba Hizpiden, eta Errigorak interes ezberdinak batu egin dituela nabarmendu du, zubi lana eginez. Udazkeneko kanpainari ekingo diote aurki.

Entzun

Ivan Santamaria (kazetaria): “Hiriko kasuan, nola ulertzen da 18 milioi euro jasotzea diru-laguntzetan eta akusatuek dirurik ez galtzea?”

Iban Santamaria kazetaria

Iban Santamaria kazetaria

Ivan Santamaria Berriako kazetaria egon da gaur Araba Hizpiden, Hiriko kasuari argia eman nahian: punta-puntako teknologia zuen auto bat sortzeko 19 milioi euroko diru-laguntza eman zen, baina proiektuak porrot egin zuen. Epaiketa egiten ari da orain merkataritza-arloko epaitegian, eta akusatuak Gasteizko enpresari ezagunak dira; areago, horietako batzuk EAJren ingurukoak dira. Aldi berean, zigor-epaitegia ere ari da instrukzioa egiten.

Entzun

Gasteizen bizi den kataluniar bat eta Katalunian bizi den gasteiztar bat, aurrez aurre

Jordi Serra Gasteizen bizi da, baina Gironan jaio zen. Iñigo Rodredo Bartzelonan bizi da, baina Gasteizen jaio zen. Gasteizen bizi den kataluniar bat eta Katalunian bizi den gasteiztar bat aurrez aurre jarri ditugu Araba Hizpiden, gaur bertan aldarrika litekeen independentziaz hitz egiten. Bakoitzari, dagoen tokitik eta duen jatorritik abiatuta, Kataluniako egoerak sorrarazten dizkien sentipen eta hausnarketak ezagutu nahi izan ditugu solasaldi atseginean.

Entzun

Zalantzak, ekarpenak,..

7 + 7 =

Hizpidea

Hala Bedi Bi 09.00etan

No feed items found.

telefono_92452 945 12 88 55

 telegram-vs-whatsapp 640 073 613

e-mail-icono-6785-96 araba.hizpide@halabedi.eus

Kantoia

Hala Bedi Bat 18.00etan

Maider Zabalegi: “Diska hau askoz intimoagoa da”

Maider Zabalegi: “Diska hau askoz intimoagoa da”

Maider Zabalegi izan da gaurkoan Kantoian. Diska berria kaleratu du bakarka, "Zuei" izenekoa, urte batzuk isilean igaro ondoren. 10 kantuz osatutako diska izan dugu mintzagai, baita sorkuntza prozesua eta ibilbide berriaren nondik norakoak, besteak beste. Zuzeneko...

read more

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies