Magazinak

Araba Hizpide

Araba eta Gasteizko aktualitatea jorratzen duen magazina gara. 2015 urtean sortu ginen, Hala Bedi Bi irratiko goizeko tartea indartzeko. Edukien aldetik, tokiko berriak, kuadrillaz kuadrillako kolaboratzaileak, hedabide ezberdinetako kazetariak eta elkarrizketak izaten ditugu astelehenetik ostiralera, goizeko 10:00etatik 11:00etara, Hizpidea magazin nazionalaren ondoren. Hizpidea magazinarekin batera, Hala Bedi Biko goizetako tartea osatzen dugu.

Azken Artikuluak

Samuel Pasandin (Ikasle Abertzaleak): “Eusko Jaurlaritzaz gain, ikastetxe asko ere ari dira tranpetan errebalidetako azterketekin”

Hezkuntza Plataformen Topaguneak joan zen astean berretsi zuen LOMCEren azterketei “planto” egiteko deia eta hala gertatu zen atzo. Euskal Herriko ikastetxe ezberdinetan, planto egin zuten ehundaka ikaslek. Gasteizen, adibidez, Koldo Mitxelena, Jesus Obrero eta Mendebaldea institutuetan egin zuten planto. Gurasoen babesarekin kasu batzuetan, zuzendaritzaren trabekin beste batzuetan … baina plantoaren erabakia irmoa dela dirudi.

Planto egiteko dei horren baitan, Ikasle Abertzaleak eragilea zegoen eta sindikatu honetako kide den Samuel Pasandin gonbidatu dugu gaur ARABA HIZPIDEra.

Entzun

Ainhoa Bilbao (Setem Hego Haizea): “Bidezko merkataritza benetako alternatiba bat da”.

Setem Hego Haizeako Ainhoa Bilbaok Bidezko Merkataritzaz hitz egin digu: “Ohiko merkataritzan soilik diru irabaziak hartzen dira kontutan, horri aurre egiteko Bidezko Merkataritzak hainbat arau ipintzen ditu ekoizleen baldintzak hobetzeko”. Bidezko Merkataritza bultzatzeko asmoz larunbat honetan Gasteizko Florida parkean hainbat ekintza antolatu dituzte eta ondorengo asteetan Arabako hainbat lekutan.

Entzun

Aitor Miguel (EHBildu): “FCCk ez du izaera garbirik; etekin ekonomikoak nahi ditu, Gasteizko hiriaren gainetik”

FCCk badirudi ez duela adostutakoa bete, horren erakusle,bestea beste, kaleratutako bost langileak berriz onartu ez izana. Hori dela eta, mugimendu ezberdinak hasi dira Gasteizko Udalean, alderdi politiko ezberdinen elkarlanetik. Besteak beste, Podemosek, Irabazik eta EH Bildu Gasteizek garbiketa zerbitzuaren kudeaketa zuzena eskatu dute, europako beste udalerri batzuetan egiten den bezala.

EHBildu Gasteiz koalizioko Aitor Miguelekin hitz egin dugu  gurean. Gainera, Gorka Urtaran Gasteizko alkateak irteera bat eman nahi dio egoerari eta honen inguruan hausnartu dugu ARABA HIZPIDEn.

Entzun

Izaro Arbe (Negeak): “Elkarrengandik ikasteko aukera izango dugu Gazte Feministon topaketetan”

Larunbat honetan, Arabako Gazte Feministon topaketak burutuko dituzte Aiaraldean, Amurrion zehatzago. Jai eredua, espazio feministak edo erantzun moldeak jorratuko dituzte egun guztian zehar, eragile feminista ezberdinen esperientziak elkartrukatzeaz gain. Parrandarako tartea ere izango dute eta jardunaldietan parte hartzeko hainbat ohar kontutan izatea garrantzitsua da.

Eguneko lanketan burubelarri dagoen Izaro Arbe gonbidatu dugu gaur gurera, jardunaldien inguruan hausnartzeko, aipatutako oharrak komentatzeko eta egitaraua azaltzeko.

Entzun

Izaskun Goienetxea (Askapena): “Eskuratu nahi dugun burujabetza lortzeko, internazionalismoa da tresna eraginkorrena”

30 urte Askapena Euskal Herriko erakunde internazionalista jaio zenetik. Zarautzen egin zuten euren lehenengo asanblada 1987an, eta 30 urteren ondoren, orduko eta gaurko Askapenako militanteak. Urteak pasa arren Euskal Herri  sozialista, feminista, euskaldun eta internazionalista baten alde borrokan jarraitzeko deia egin dute, brigadak, hitzaldiak, formakuntzak edota ekimen ezberdinak hartuz oinarritzat horretarako.

Erakunde <internazionalistako izaskun Goienetxearekin hitz egin dugu ARABA HIZPIDEn, iraganaz, orainaz, eta etorkizuneko erronken inguruan. urriaren 7an, 30. urteurrena ospatzeko jaialdia ospatuko dute Berriozarren.

Entzun

GES (Gazte Emantzipaziorako Sarea): “Gaur egun dauden baldintza objetiboekin, okupazioa da aukera bakarra”

Gazte talde batek Gasteizko alde zaharreko hiru eraikin okupatu dituela jakin genuen asteburuan, Ensanche 21en eraikinak hirurak. Sei urtez egon dira hutsik eraikin hauek, eta, orain, hainbat hedabidetan zabaldu dutenez, Udalak mugitzeko asmoa omen dauka.
Etxebizitzaren eta Emantzipazioaren arazoei aurre egiteko GES sortu da, Gazte Emantzipazio Sarea eta bertako kide den Maialenekin hitz egin dugu ARABA HIZPIDEn, sareaz eta azkenengo berriak mintzagai hartuta.

Entzun

Tertulia | “Gaixotasun larriak eta espetxea” -Amets Martínez de Heredita eta Gotzone López de Luzuriaga-

Bi egun baino ez dira falta Gasteizko kaleak aldarrikapenez betetzeko. Manifestazio nazionala deitu du Sare herritarrak Arabako hiriburuan, larriki gaixorik dauden presoen askatasuna eskatzeko.

Oier Gomezen kasuak titularrak hartu ditu azken asteetan, baina badira oraindik larriki gaixorik dauden beste 12 euskal preso. Zerrenda horretan, bere garaian, gure gonbidatuetako bat egon zen, Gotzone Lopez de Luzuriaga.
Beste gonbidatua, aldiz, larunbateko manifestazioa prestatzen burubelarrri dagoen Sare herritarreko Amets Martinez de Heredita da.
Biekin hitz egin dugu ARABA HIZPIDEn, manifestazioaz, eta espetxeak eta gaixotasunak batera sufritzeak suposatzen duenaren inguruan.

Entzun

Josune Aguirre (Legutioko Gure Esku Dago): “Igandeko galdeketa bagoitxo bat da; makinak martxan jarraitu behar du”

Erabakitze eskubideak olatu ugari izango ditu ikasturte honetan zehar Euskal Herrian; horietako bat maiatzaren 7an. Araban, aldiz, motel doa olatua baina etenik gabe. Aramaion, aurreko ikasturtean herri galdeketa egin ostean, igande honetan Urkabustaizko eta Legutioko herritarrek bozkatu ahal izango dute.

Hala ere, ez da prozesu erraza. Galdera prestatu, herriko eragile ezberdinak batu, egiaztatzaileak lotu … Serio hartu dute igandeko herri galdeketa Legution, eta hala transmititu du ARABA HIZPIDEn Gure Esku Dagoko kidea den Josune Aguirrek.

Entzun

Zalantzak, ekarpenak,..

13 + 3 =

Hizpidea

Hala Bedi Bi 09.00etan

  • SOINUGELA: Orchestra Baobab, Dr. John, Chuck Berryren kantutegia
    Orchestra Baobab aurten berriro grabaketa berria kaleratu dute, Tribute to Ndiouga Dieng. Afrikako rumbaren txapeldunak dira 1970ean sortu zirenetik. Senegaleko talde honek iragan azaroan hil zen Ndiouga Dieng taldekide zenari gorazarre egin dio 10 kantuko sorta honetan. Guk gaur entzun ditugunak: Foulo, Magnokouto, Sey, eta Caravana. Dr. John musikari ospetsuari ... Irakurri gehiago
    Iturria: HizpideaData 2017-07-14
  • BERBAZ: Othman Alfredo aldaketari begira
    Bizitza eten barik aldatzen. Soziologia ikasi zuen eta berezkoa du Othman Alfredok gizartearen aldaketari begiratzea. Laudion bizi da Bilboko San Inazio auzokoa azken sei urteotan eta herriko eta hiri handiko bizimoduen aldeei erreparatzen die, migrante eta tokikoen arteko harremanari, pertsonen arteko, auzoko, komunitateko bizimoduari eta abarreri eta horien guztien azken ... Irakurri gehiago
    Iturria: HizpideaData 2017-07-13
  • IBAIZABAL: Bertako Pop rock erakusketan 16 taldek parte hartuko dute
    Metal eta pop-rock musika maite dutenek Aste Nagusia 2017 izango dute hitzordu. Izan ere, ‘Bertako Pop-Rockaren XXXII. Edizioa Bilborock Aretoan ospatuko baita. Duela 32 urte, Erakusketa pop rock musikan bere tokia bilatzen ari diren Bizkaiko taldeei bultzada bat emateko asmoz jaio zen. Aurten, ehun talde inguruk izena eman dute,horietatik 16 ... Irakurri gehiago
    Iturria: HizpideaData 2017-07-13

telefono_92452 945 12 88 55

 telegram-vs-whatsapp 640 073 613

e-mail-icono-6785-96 araba.hizpide@halabedi.eus

Kantoia

Hala Bedi Bat 18.00etan

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies