Magazinak

Araba Hizpide

Araba eta Gasteizko aktualitatea jorratzen duen magazina gara. 2015 urtean sortu ginen, Hala Bedi Bi irratiko goizeko tartea indartzeko. Edukien aldetik, tokiko berriak, kuadrillaz kuadrillako kolaboratzaileak, hedabide ezberdinetako kazetariak eta elkarrizketak izaten ditugu astelehenetik ostiralera, goizeko 10:00etatik 11:00etara, Hizpidea magazin nazionalaren ondoren. Hizpidea magazinarekin batera, Hala Bedi Biko goizetako tartea osatzen dugu.

Azken Artikuluak

Alberto Legido (Osakidetzako ELAko ordezkaria): “Ikuztegi zerbitzua pribatizatzeak zerbitzuaren kalitatea kaltetuko du.”

Osakidetzak Lezako ospitaleko ikuztegi zerbitzua “esternalizatu” nahi du, horren aurrean langileak mugitzen hasi dira. Alberto Legidok -Osakidetzako ELA-ko ordezkariak- dio azken urteetan gaur egungo agintarien asmoa dela gero eta zerbitzu gehiago pribatizatzea.  

Entzun

Aiala Zaldibar (Bilgune Feminista): “Urteetan isilpean egindako lanaren ondorioa da mugimendu feministaren gorakada”

Hamabost urte bete ditu Bilgune Feministak, eta orain arte egindako ibilbideari begiratu eta aurrera begirako urratsak zehazteko baliatuko dute 2017. urtea. Ekitaldiak eta ekimenak prestatzeaz gain, Bilgune Feministak gogoeta ugari ere egingo ditu astebete barru hasiko den urtean. Aiala Zaldibar Gasteizko Bilgune Feministako kidea da eta berarekin hitz egin dugu ARABA HIZPIDEn. Besteak beste, aipatzekoak dira Bilgune Feministatik jorratuko dituzten VII. Topaketa Feministak.

Mugimendu feministaren azken urteetako gorakadaz, Bilgune Feministatik antolatu duten espetxe martxaz edota hilabetean behin Gasteizen ospatuko duten ostegun feministaz hitz egin dugu Zaldibarrekin.

*Gaiarekin lotutako albisteak:

‘Ostegun Feministak’ Gasteizen, Bilgune Feministaren 15. urteurrenaren harira

 

Entzun

Irantzu Lekue: “Kaletik urrun dago artea; Joan Etorrian herritarron parte hartzea bilatuko dugu”

10.000 botila, 10.000 mezu, milaka lagun, goizak eta arratsaldeak, Hernani, Donostia, Bergara, Elgeta … Ezaugarri hauek batzen baditugu 10.000 Joan Etorrian proiektuaren laburpentxo bat egin daiteke, agian. Proiektu honetan burubelarri dabil hilabete amaierara arte Irantzu Lekue artista arabarra eta berarekin hitz egin dugu ARABA HIZPIDEn.

 

Informazio gehiagorako, webgunea jarri dute martxan: joanetorrian.com

 

Entzun

Kike Fernandez de Pinedo (EH Bildu): “Uste dugu akordio onargarria dela”

Kike Fernandez de Pinedo eta Ramiro Gonzalez (Arabako Diputatu Nagusia).

Arabak aurrekontuak izango ditu 2017an EH Bilduk eta EAJ-k akordioa lortu ondoren.  Kike Fernandez de Pinedok, EH Bilduko Arabako batzarkideak, ontzat jo du EAJ-rekin lorturiko akordioa. Hainbat gauza lortu eta aurrerapausuak eman direla uste du: “Pozik gaude lortutakoarekin”. Hala ere, urtean zehar adostutakoaren jarraipena egingo dutela dio.

Entzun

Zalantzak, ekarpenak,..

6 + 2 =

Hizpidea

Hala Bedi Bi 09.00etan

No feed items found.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies