Magazinak

Araba Hizpide

Araba eta Gasteizko aktualitatea jorratzen duen magazina gara. 2015 urtean sortu ginen, Hala Bedi Bi irratiko goizeko tartea indartzeko. Edukien aldetik, tokiko berriak, kuadrillaz kuadrillako kolaboratzaileak, hedabide ezberdinetako kazetariak eta elkarrizketak izaten ditugu astelehenetik ostiralera, goizeko 10:00etatik 11:00etara, Hizpidea magazin nazionalaren ondoren. Hizpidea magazinarekin batera, Hala Bedi Biko goizetako tartea osatzen dugu.

Azken Artikuluak

Lander García (Memoria – Gasteiz ekimena): “Udalak, sei hilabete eta gero, ez du lantaldean adostutakoa bete”

Urtaranek ez ditu aldatuko alkate frankisten kaleen izenak. Astelehenean jakin genuen berria. Gainontzeko alderdiekin kontrastatu gabe hartu du erabakia, besteak beste, Hala Bedi Irratia kokatuta dagoen Bueno Monreal kalearen izena aldatzeko. Modu aldebakarrean, eta sare sozialen bitartez gainera. Gogoratu behar dugu Memoria Historikoa berreskuratzeko txostenak diola frankismoari lotutako kaleen izenak aldatu edo testuinguruan jarri behar direla.

Lander Garcia Memoria – Gasteiz ekimeneko koordinatzailea da eta gaiaren inguruan hitz egin dugu berarekin ARABA HIZPIDEn. Kritiko agertu da Garcia Udalaren jarrerarekin, eta, besteak beste, aldatu nahi ez dituzten kaleen izenen atzean dagoen historia elkarbanatu du.

Entzun

Izaskun Goienetxea (Askapena): “”Marokoren inpunitatea babesten dutenek ere Gdeim Izikeko ekintzaileen aurkako epaiketa ahalbidetu dute”

2010ean Sahararen askatasunaren alde hilabeteko kanpaldia burutu zuten milaka sahararrek El Aaiun kanpoaldean. Honen harira Marokok hamarnaka gazte atxilotu, jipoitu eta espetxeratu zituen. 2013an epaiketa militarra izan ostean, astelehenean hasi zen beste behin ere epaiketa eta elkarretaratze ezberdinak egin dira jada Euskal Herrian, besteak beste, Marotoren inpunitatea salatzeko eta Saharako errepresaliatuei elkartasuna adierazteko. Askapenak ere, elkarretaratzeetan parte hartu du, hauetako deitzaileetako bat izanik.

Izaskun Goienetxea Askapenako kidea da eta urteetan zehar gaia hurbiletik jarraitu dute, besteak beste, Saharara brigadak antolatuz ia urtero. Besteak beste, gogoratu digu Hassanaa Aalia gaztea ere ordutiko gertaerengatik izan behar zela epaitua.

Entzun

Erika Martínez (EQUO): “Ez da diru kantitatea; beste proiektuei lehentasuna eman behar zaie Mendizorrotza handitu aurretik”

Gasteizko Udaleko politika ere mintzagai izaten dugu ARABA HIZPIDEn. Irabazi Gasteizek herri kontsula bat eskatu du Mendizorrotzaren handitzea konfirmatu aurretik. Izan ere, beste espazio batzuetan inbertitu beharko litzateke dirua, taldearen ustez, auzoetan indarra jarriz eta hobekuntzak eginez existitzen diren guneetan. Irabaziren baitan Equo alderdia dago eta Equoko kidea den Erika Martinezekin hitz egin dugu gai honen eta bestelako gaien inguruan.

Besteak beste, Zabalganak eta Salburuak kirol gunerik ez dutela gogoratu du Martínezek. Gainera, auzoetako bizitzan inbertitzeko eskatu dute EQUOtik, “beste auzo batera joan behar ez izateko kirola egiteko”. Amaitzeko, “kirola, soilik profesionala ez dela” adierazi dute Irabazitik.

Entzun

Enborra | “Sare sozialak: erabilpena, kontrola eta profilak” – Joseba Fernández de Landa –

Sare sozialek berebiziko garrantzi hartu dute gure egunerokotasunean. Enborra atalean, Joseba Fernández de Landarekin datu orokor batzuk desglosatu ditugu:

  • Nork erabiltzen ditu?
  • Ze ordutan erabiltzen dira gehien? Eta Gutxien?
  • Ze erabilpen ematen zaio sare sozial bakoitzari?
  • Adin tartearen arabera, zer erabiltzen da gehien?

Hala ere, gaiak luzerako ematen du. Orain dela bi aste BIg Data izan genuen hizpide, kontrol soziala nabarmenduz. Sare sozialek ere, zalantzarik gabe, kontrol sozialerako tresna handia dira, batzuk beste batzuk baino gehiago. Aurrerapen gisa, bi aste barru, Gasteizen gazteen artean Fernández de Landak egin duen ikerketa ekarriko du gurera, eremu lokalean ematen zaien erabilpena zehaztuz.

Entzun

AEB-tako hauteskundeak eta Trumpen garaipena ikuspuntu komunikatibotik Txema Ramírez de la Piscinarekin

Hauteskunde kanpaina polemikoaren ostean, hautagai harroak igarota eta behin Trumpen isilatasuna amaituta, AEB-ek presidente berria izango dute urtarrilaren 20tik aurrera. Gutxik espero zuten azkenean gertatu zena, alegia, hautagai matxista, arrazista eta dirudun batek irabaztea 2016ko hauteskundeak. Txema Ramírez de la Piscinarekin arrazoiak bilatu dizkiogu garaipena; analisi politikoak alde batera utzi eta ikuspuntu komunikatibotik aztertu dugu Trumpen garaipenari.

 

Entzun

[Iritzia] “Bermeak eta aldebikotasuna” -Álvaro Castillo-

Duela pare bat hilabete, Nicola Sturgeon, Scottish National Party-ko buru denaren adierazpen interesgarri batzuk entzun nituen. Abertzale eskoziarrak azpimarratu zuen Independentziaren inguruko bigarren referendum bat egotekotan, 2014ko galdeketaren emaitzarekiko errespetu faltagatik izango ez zela, eskoziarrei emandako hitza bete ez izateagatik baizik.

Sturgeonen hitzak ezin aproposagoak dira, alde batetik, Eskoziaren burujabetza kanpaina izuaren mezuek markatutako testuinguruan eman baitzen. Izan ere, Europatik at geratzearen mehatxupean erabaki behar izan zuten eskoziarrek. Eta, egun, Erresuma Batuan, eta hortaz Europan, geratzearen alde jo dutela, haien borondatearen aurka Europatik aterarazi nahi dituzte; eskoziarrak Erresuma Batuan gelditzea eragin zuen Europan gelditzeko zina indargabetuz.
Aitzitik, zalantzarik gabe, abertzale eskoziarraren hitzen garrantzia hain da esanguratsua EZetzaren aldeko kanpainan Cameronek erabilitako armarik boteretsuenetariko bat Eskoziarrei eginiko zinak direla eta: Erresuma Batuaren barne, inolako arriskurik gabe autogobernu handiagoa izateko zinak. Zin hauek hain izan ziren erabakigarriak, ezein Ezetzari garaipena eman zioten, fede oneko boto emaile zalantzatiei esker. Izu mezuek beldurtuta, ziurgabetasunaren beldur, eta Europan geratzearren, autogobernu zabalagoa izateko Cameronen eskaintzari heldu zioten boto emaileak.
Arazoa, alta, zinak besterik ez zirela izan da; afalondoko kontuak. Etsipen egoeran murgilduta dagoenean, politikari batek, hainbeste zaildu zaion garaipena erraztuko dioten botoen bila dagoenean eginiko promesak. Betetzeko asmoarekin ez eginiko zin pozoituak. Euskal esaerak dioenez, urrutiko intxaurrak, hamalau; alderatzean, lau.
Tamalez, betetze falta honen aurrean Eskoziarrek ez dute zinak betearazteko inolako mekanismorik. Katalanek Estatut-a berritzen saiatzean pairatutako subiranotasun murrizketak islatzen duen aldebikotasun falta bera sufritzen ari dira. Ibarretxe lehendakariak, gehiengo absolutu batek babestua, Itun Politiko berria Madrilera eraman zuenean Estatuak negoziatzera ukatzeak adierazten duen aldebikotasun falta berdina.
Guzti honetatik, 2017ko euskaldunok makina bat ondorio atera baditzakegu ere, nire aburuz, badago bat lehentasuna izan behar duena. Gure herriaren markoa definituko duen Estatus berria ituntzear gauden honetan, gizarte eragile eta alderdi politikoen jarrerak desberdinak izatea zilegia den arren, guztiei eskaera bat egin behar diegu: adosten duzuena adosten duzuela, izan dezala berme mekanismo indartsu bat. Eskoziarrei, Katalanei, eta gu geuri aitzinean gertatutakoa gerta ez dakigun. Jakin badakigu zeinen frustragarria den euskaldunon arteko akordio bat ez betetzearen esperientzia. Badakigu ia 40 urte ondoren, Gernikako Estatuaren 35 eskumen ez zaizkigula oraindik kudeatzen utzi, eta horrek zenbateko porrota suposatzen duen. Eskumen hauen artean, euskal herritarrentzat hainbesteko garrantzia duten pentsioak, Gizarte Segurantza, trenbide sareak, Fogasa, zinema, aseguruak … eta beste asko daude. Eta, nola ez, euskal gatazkari amaiera emateko ezinbestekoa den espetxe politika.

Entzun

Aitor Corres (Salhaketa): “Kartzelan, urtean, 230 pertsona hiltzen dira urtean; Serranoren kasua ez da kasualitatea”

Jose Angel Serrano Benitez presoaren gorpua Zaragozako gorputegian daukate, joan den hiruhilabetean.  Gainera, Salhaketak jakinarazi duenez, “berme autopsia oso baten esperoan”, Zaragozan daukate  Serrano Benitezen gorpua, urriaren 14an hil zenetik. Bakartuta eduki dute hemezortzi urtean eta horrek ere, ziur asko, eragin zuzena izan du gertakeri lazgarrietan. Gaia askoz gehiago kontrolatzen du Salhaketak eta elkarteko kidea den Aitor Corres izan da ARABA HIZPIDE  magazinean.

Familiak legea betetzeko eskatu du hasieratik, Corresen esanetan, gardentasuna bermatuz. Autopsia espetxeko medikuen egiten dutenez eta “historiak erakusten duenez gauzak argi azaltzen ez direla”, konfiantzazko medikuaren autopsia eskatu dute. Salhaketatik ere kontu korronte bat ireki dute, froga perizialak aurrera eraman ahal izateko: ES66 2095 3150 2310 9280 7584.

 

Entzun
50 orrietatik 14 orria« Lehena...1213141516...Azkena »

Zalantzak, ekarpenak,..

10 + 9 =

Hizpidea

Hala Bedi Bi 09.00etan

  • HIZPIDEA: Ametsetako gizarte ereduetan lanean Euskal herria Zuzenean jaialdian
    Euskal Herria Zuzenean jaialdia aurten  22. Edizioa izango da. Ekainaren 30ean, uztailaren 1ean eta 2an, Lekorneko  Garro gazteluaren inguruko zelaietan ospatuko da. Gaurkoan Jon Irazabal izan da gurean jaialdiaren filosofia eta helburuen inguruan berba egin dugu. Baina EHZn dena ez da musika, eta aurten ere gogoetari tarte zabala egingo diote. ... Irakurri gehiago
    Iturria: HizpideaData 2017-05-31
  • IBAIZABAL: Atara Zarata antzerki taldeak “Eingo al deu?” antzezlana estreinatuko du Bilbon
    Durangoko Atara Zarata antzerki taldeak ,ostiralean  Bilboko Pabiloi 6an  “Eingo al deu’” antzezpen berria aurkeztuko du. Kepa Gallegoren testuan oinarritutako antzezlana da. Euskal sexualitatea aitzakia hartuta, bidaia ludiko sexual batera gonbidatzen gaitu obrak. Egia ote da kontatu diguten guztia? Egia al da euskaldunok ez dugula egiten? Zer da aurreiritzi eta ... Irakurri gehiago
    Iturria: HizpideaData 2017-05-31
  • IBAIZABAL: Larunbatean Bizkaiko Eskolarteko finala eta taldekako finala Markinan
    Bizkaiko Bertsolaritzaren jaia ospatuko da, ekainaren 3an, Markina-Xemeinen. Goizean eskolarteko finalak idatzizkoa eta bat-batekoa eta arratsaldean taldekako finala. Bazkaria, txosna, erromeria…Jone Narbaizak ekarri dizkigu eguneko xehetasunak.  Jai honekin Bizkaiko Bertsozale Elkarteak Bizkaiko bertsolaritzaren ekosistema osoa, eskualdez eskualde, eta  etenik barik elikatzeko helburua dauka. Baita, bertsogintzaren oinarria motibatu, finkatu eta garatzea ... Irakurri gehiago
    Iturria: HizpideaData 2017-05-31
  • PIPERPOLIS : Balerdi Balerdiren galtzen ikasteko metodoa
    25 urte musikan murgilduta eta indar berrituta heltzen dira berriro ere Balerdi balerdi taldeko kideak. Disko berria aurkezten dabiltza Galtzen ikasteko metodo. Gaurkoan Toño Muro izan da Piperpolis saioan.  2000. urtean berriro jarri zuten arte taldea martxan Murok eta Sergio Ibarrola Zara bateria jotzaileak. Karlos Ortiz baxu jotzailearen laguntzarekin, Hegoko ... Irakurri gehiago
    Iturria: HizpideaData 2017-05-31
  • BERBAZ: Olatz Gonzalez Abrisketa, pelota eskutan
    Pelota partidaren aurretitxuko egun baten han batuko dira frontoian pelotariak, intendenteak, pelota aukeratzailea,… alde biek aukeratutako 100 bat alerekin. Egun horretan, prozedura jakin bati jarraituz pelotarik egokienak aukeratuko dituzte. Orduan partida hasita dago jada. Eta aurpegian irakurriahal zaie pelotariei norantza jo dezakeen. Hari horri helduta Pelota II dokumentala burutu dute ... Irakurri gehiago
    Iturria: HizpideaData 2017-05-30
  • MUSIBLA: 15 Napoka Iria, Aldous Harding, The Big Moon
    Napoka Iriak agur esango digute aurki beste proiektu batzuetan murgiltzeko, gaur ekarri nahi izan dugu euren musika aurrera duten bidean zorterik onena opatzeko aitzaki gisa. Honetaz gainera Zelanda Berritik datorkigun Aldous Harding-en barnerakoitasun eta intentsitatea disfrutatzeko aukera ere izango dugu, The Big Moon, Aquaserge eta beste hainbat musika proposamen artean. ... Irakurri gehiago
    Iturria: HizpideaData 2017-05-30
  • DE MICA EN MICA: Llegendes, riures i una mica de sucre #Katalunia #CasalBilbao
    Voleu conèixer les característiques d’una vibria? Us ve de gust menjar-vos una deliciosa crema catalana? Voleu riure-us una mica? Doncs esteu al programa indicat, benviscuts a el de “mica en mica”. (Imatge: Viquipedia) Vibria baten ezaugarriak ezagutu nahi dituzue? Krema katalan gozoa jan nahi? Barre pixkat egin nahi? Bada, saio ... Irakurri gehiago
    Iturria: HizpideaData 2017-05-30

telefono_92452 945 12 88 55

 telegram-vs-whatsapp 640 073 613

e-mail-icono-6785-96 araba.hizpide@halabedi.eus

Kantoia

Hala Bedi Bat 18.00etan

18 orrietatik 14 orria« Lehena...1213141516...Azkena »

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies