Magazinak

Araba Hizpide

Araba eta Gasteizko aktualitatea jorratzen duen magazina gara. 2015 urtean sortu ginen, Hala Bedi Bi irratiko goizeko tartea indartzeko. Edukien aldetik, tokiko berriak, kuadrillaz kuadrillako kolaboratzaileak, hedabide ezberdinetako kazetariak eta elkarrizketak izaten ditugu astelehenetik ostiralera, goizeko 10:00etatik 11:00etara, Hizpidea magazin nazionalaren ondoren. Hizpidea magazinarekin batera, Hala Bedi Biko goizetako tartea osatzen dugu.

Azken Artikuluak

Errekaleor Bizirik: “Eraiste-asmoen aurrean, eraikitzen eta proiektuan sakontzen jarraituko dugu”

Denboraldiko lehen saioan, Errekaleor Bizirik-eko kideek azken hilabeteotan egindako ibilbidearen berri eman digute: Errekaleor auzo askea irla energetiko bihurtzeko crowdfundinga, eraisketa-proiektuaren erredakzioaren esleipena, erakundeen jarrera… Errekaleor Bizirik-eko kide den Jonekin hitz egin dugu horiez guztiez gaur, Araba Hizpide magazinean.

Errekaleorren aldeko “Herri adierazpena” egin zuten joan den asteazkenean

Mural berria Errekaleorren

Gutxinaka-gutxinaka, kulturaren topaleku bilakatzen ari da Errekaleor. Horren erakusle azken hilabeteetan nazioarteko artista ezberdinek egin dituzten muralak. Azkena, iraila erdian estreinatu dute: Tomás Facio artista argentinarrak mural berria egin du auzoko blokeetako batean.

.

Entzun

Tertulia | “Emakumeak oholtzan” -Izaro Andres eta Ana Iruretagoyena-

Euskal musika eszenaz, inertziez, erronkez, zailtasunez eta aukerez aritu dira Izaro Andres, Ane Bastida, Onintza Rojas, eta Olatz Salvador musikariak Klitto-k eta Topatu-k ekoitzi duten dokumentalean: “Emakumeak Oholtzan”. Kameren atzean egon da lanean Ana Iruretagoyena kazetaria eta berarekin eta Izaro Andresekin hitz egin dugu ARABA HIZPIDEn. Dokumentalaren nondik norakoetaz ez ezik, bestelako kontuak ere jorratu ditugu gurean.

Gai ezberdinen inguruan hausnartu dugu gurean:

  • Nola feminizatu musika?
  • Nola eraiki eszenatoki musika gune askeak?
  • Musikak generorik dauka?
  • Nola lortu benetan musika estilo eta eredu feminista bat?
Entzun

Caser erresidentziako langileek borrokan jarraituko dute, lan baldintzak hobetu nahian

Caser erresidentziako langileek mobilizazioak mantenduko dituzte Gasteizen, langileen erratioetan eta lan baldintzetan hobekuntzak lortu nahian. Azkenengo egunetan mobilizazio ezberdinak egin dituzte erresidentziaren inguruan, baina Arabako Batzar Nagusietan ere egon dira, Aldundia bera baita erresidentziaren kudeaketan ardura nagusiena duen instituzioa.

Egun, 110 langile daude Caser erresidentzian lanean Gasteizen, eta enpresa batzordea UGT eta ELA sindikatuek osatzen dute: orain arte ezinezkoa izan dute akordio bat lortzea. 2017ko martxotik lanuzteak egin dituzte langileek etengabe, baina enpresak ez du mugimendurik adierazi; ez enpresak, ezta Aldundiak ere.

Enpresako langileek behin baino gehiagotan salatu dute langile gehiago behar dituztela lanean, erratioak erresidentzia publikoetakoekin alderatuz. Adibidez, gainontzeko erresidentzietan 5 pertsona dituzte langile bakoitzeko; Caser erresidentzian, aldiz, 12. Caserreko plazetatik, egun, 150 pribatuak dira, 54 kontzertatuak (Aldundia) eta azken 25ak osasun zerbitzukoak.

ELA sindikatuko Bego Ozaetarekin hitz egin dugu gatazkaren inguruan ARABA HIZPIDEn. Ozaetak adierazi duenez, langileek 7 minutu dituzte agureak dutxatu ahal izateko.

Entzun

Dani Zuazagoitia (Gasteiz Zero Zabor): “Azken hamar urteetan erreziklatze mailak berdin jarraitzen du”

Gasteiz Zero Zabor elkarteko Dani Zuazagoitia eta Josu Aranbarri kezkatuta daude Gasteizko erreziklatze mailekin. Beren ustez, oso datu txarrak dira:  %21 inguru erreziklatzen da, zaborraren %80-90 inguru erreziklatu daitekeenean. Zuazagoitiak horrela dio: “Gasteizen dauden azpiegitura eta bilketa sistemek ez dute uzten birziklatze plan eraginkorrik egiten.” 

 

Entzun

Estitxu Villamor (Errekaleor): “Energia burujabetzara pausoa emateko momentu egokiaren zain geunden; orain da”

Energia berriztagarrietara salto egin nahi du Errekaleorrek, itxaron gabe. Horretarako, jada 22.000 € baino gehiago lortu dituen diru bilketa kanpaina jarri dute martxan, uztailaren 22ra arte luzatuko dena: ekarpen ezberdinak jaso dituzte Gasteizen, Araban, Euskal Herrian eta nazioartean. Gainera, energia berriztagarrien gaia beti izan dute buruan, eta maiatzaren 18ko argi mozketaren ostean, behin betiko pausoa emateko erabakia hartu dute.

Energia berriztagarriarekin lehenengo esperientziak izan dituzte Errekaleorren

Estitxu Villamor errekaleortarrarekin hitz egin dugu ARABA HIZPIDEn. Larunbateko manifestazioarekin oso pozik agertu dira Errekaleorren, jasotako babesak mugak gainditu zituelako. Energia berriztagarriak eta kanpaina albo batera utziz, argi dute auzoko kideek: ez dira auzotik mugituko.

 

Entzun

Zalantzak, ekarpenak,..

9 + 6 =

Hizpidea

Hala Bedi Bi 09.00etan

No Results Found

The page you requested could not be found. Try refining your search, or use the navigation above to locate the post.

telefono_92452 945 12 88 55

 telegram-vs-whatsapp 640 073 613

e-mail-icono-6785-96 araba.hizpide@halabedi.eus

Kantoia

Hala Bedi Bat 18.00etan

Arburuko indartsua (Ane Gebara, ipuin kontalaria)

Arburuko indartsua (Ane Gebara, ipuin kontalaria)

Ane Gebara ipuin kontalaria euskal mitologian murgildu da Arburuko indartsuaren kondaira gurera ekartzeko. Gebarak berak euskaratu du kontatu digun istorioa eta Araban, Gasteizetik kilometro gutxira dagoen Arburu herrian kokatzen...

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies