Magazinak

Araba Hizpide

Araba eta Gasteizko aktualitatea jorratzen duen magazina gara. 2015 urtean sortu ginen, Hala Bedi Bi irratiko goizeko tartea indartzeko. Edukien aldetik, tokiko berriak, kuadrillaz kuadrillako kolaboratzaileak, hedabide ezberdinetako kazetariak eta elkarrizketak izaten ditugu astelehenetik ostiralera, goizeko 10:00etatik 11:00etara, Hizpidea magazin nazionalaren ondoren. Hizpidea magazinarekin batera, Hala Bedi Biko goizetako tartea osatzen dugu.

Azken Artikuluak

Tertulia | “Emakumeak oholtzan” -Izaro Andres eta Ana Iruretagoyena-

Euskal musika eszenaz, inertziez, erronkez, zailtasunez eta aukerez aritu dira Izaro Andres, Ane Bastida, Onintza Rojas, eta Olatz Salvador musikariak Klitto-k eta Topatu-k ekoitzi duten dokumentalean: “Emakumeak Oholtzan”. Kameren atzean egon da lanean Ana Iruretagoyena kazetaria eta berarekin eta Izaro Andresekin hitz egin dugu ARABA HIZPIDEn. Dokumentalaren nondik norakoetaz ez ezik, bestelako kontuak ere jorratu ditugu gurean.

Gai ezberdinen inguruan hausnartu dugu gurean:

  • Nola feminizatu musika?
  • Nola eraiki eszenatoki musika gune askeak?
  • Musikak generorik dauka?
  • Nola lortu benetan musika estilo eta eredu feminista bat?
Entzun

Caser erresidentziako langileek borrokan jarraituko dute, lan baldintzak hobetu nahian


Caser erresidentziako langileek mobilizazioak mantenduko dituzte Gasteizen, langileen erratioetan eta lan baldintzetan hobekuntzak lortu nahian. Azkenengo egunetan mobilizazio ezberdinak egin dituzte erresidentziaren inguruan, baina Arabako Batzar Nagusietan ere egon dira, Aldundia bera baita erresidentziaren kudeaketan ardura nagusiena duen instituzioa.

Egun, 110 langile daude Caser erresidentzian lanean Gasteizen, eta enpresa batzordea UGT eta ELA sindikatuek osatzen dute: orain arte ezinezkoa izan dute akordio bat lortzea. 2017ko martxotik lanuzteak egin dituzte langileek etengabe, baina enpresak ez du mugimendurik adierazi; ez enpresak, ezta Aldundiak ere.

Enpresako langileek behin baino gehiagotan salatu dute langile gehiago behar dituztela lanean, erratioak erresidentzia publikoetakoekin alderatuz. Adibidez, gainontzeko erresidentzietan 5 pertsona dituzte langile bakoitzeko; Caser erresidentzian, aldiz, 12. Caserreko plazetatik, egun, 150 pribatuak dira, 54 kontzertatuak (Aldundia) eta azken 25ak osasun zerbitzukoak.

ELA sindikatuko Bego Ozaetarekin hitz egin dugu gatazkaren inguruan ARABA HIZPIDEn. Ozaetak adierazi duenez, langileek 7 minutu dituzte agureak dutxatu ahal izateko.

Entzun

Dani Zuazagoitia (Gasteiz Zero Zabor): “Azken hamar urteetan erreziklatze mailak berdin jarraitzen du”

Gasteiz Zero Zabor elkarteko Dani Zuazagoitia eta Josu Aranbarri kezkatuta daude Gasteizko erreziklatze mailekin. Beren ustez, oso datu txarrak dira:  %21 inguru erreziklatzen da, zaborraren %80-90 inguru erreziklatu daitekeenean. Zuazagoitiak horrela dio: “Gasteizen dauden azpiegitura eta bilketa sistemek ez dute uzten birziklatze plan eraginkorrik egiten.” 

 

Entzun

Estitxu Villamor (Errekaleor): “Energia burujabetzara pausoa emateko momentu egokiaren zain geunden; orain da”

Energia berriztagarrietara salto egin nahi du Errekaleorrek, itxaron gabe. Horretarako, jada 22.000 € baino gehiago lortu dituen diru bilketa kanpaina jarri dute martxan, uztailaren 22ra arte luzatuko dena: ekarpen ezberdinak jaso dituzte Gasteizen, Araban, Euskal Herrian eta nazioartean. Gainera, energia berriztagarrien gaia beti izan dute buruan, eta maiatzaren 18ko argi mozketaren ostean, behin betiko pausoa emateko erabakia hartu dute.

Energia berriztagarriarekin lehenengo esperientziak izan dituzte Errekaleorren

Estitxu Villamor errekaleortarrarekin hitz egin dugu ARABA HIZPIDEn. Larunbateko manifestazioarekin oso pozik agertu dira Errekaleorren, jasotako babesak mugak gainditu zituelako. Energia berriztagarriak eta kanpaina albo batera utziz, argi dute auzoko kideek: ez dira auzotik mugituko.

 

Entzun

Joseba Legarda (Lautadako euskara teknikaria): “Kirola arlo estrategikoa da euskararentzat”

Gazteek kirol jarduera ugari egiten dituzte, Agurainen gaur egun kirol taldeen eskaintza osoa kontutan harturik 29 talde gaztelaniaz, 18 euskaraz eta 4 elebidunez daude. Talde handi eta garrantzitsuenetan gaztelania da nagusi.

Euskararen aldeko elkarteetatik eta udaletik hausnarketa bat egin eta kirol arloan euskararen presentzia handitzeko beharra ikusi da. Joseba Legardak aipatu digu kirol elkarteetan ez dela erabaki irmorik hartu euskara sustatzeko, nahiz eta begirale gehienak euskaldunak izan. Hori dela eta, euskararen presentzia handitzeko kirol taldeekin alkarlana bultzatu nahi da aurrerapausuak emateko.

 

Entzun

Alfredo Remirez: “Ez daukat esperantza askorik”

Sokak ez du etenik. Urtebeteko kartzelaratze eskaera jaso du Alfredo Remirezek: 2009ko auzi batengatik sartu nahi dut orain espetxean. Duela hilabete batzuk, terrorismoa goratzea leporatuta zigortu zuten. Aldiz, 2009an epaileek urtebetez kondenatu zuten delitu bera egotzita, Amurrioko txupinazoan preso baten irudia erakustea leporatuta. Beraz, ez da lehenengo aldia errepresio kasu bat izan behar dugula hizpide Remirezekin hitz egiterako orduan.

Espetxealdia bertan behera geratu zen eta 5 urtez utzi zuten baldintzapeko askatasunean. 2017ko epaiketaren ostean, Audientzia Nazionalaren arabera, hautsi egin dira 2009ko zigorra bertan behera uzteko baldintzak.

Remirezekin hitz egin dugu ARABA HIZPIDEn eta bizitzen ari duen jazarpena salatu du.

Entzun

Luis Casado (Berriztu): “Espainiako Minsiterioaren ebazpenak, Eusko jaurlaritzaren jarreraren aurrean, arrazoia ematen digu”

Espainiako Gobernuko Ingurumen Ministerioaka amaiera eman dio Armentia 2 putzuaren Ingurumen inpaktuko ebaluazio txostenari: Eusko Jaurlaritzak putzuak ingurumenean izango duen inpaktuaren txosten arrunta egin behar duela ebatzi du honek. Alegia, Eusko Jaurlaritza momentuz geldirik egoteko,  Madrilek “stop” esan dio Gasteizi.

Berriztu! Arabako kideek adirazi dutenez, Subilla Gasteizko putzua onartua izan dadin, proiektuak esposizio publiko eta alegazio faseak bete beharko ditu. Mugimenduko kidea den Luis Casado gonbidatu dugu ARABA HIZPIDEra, mugimenduaren balorazioa jakiteko eta hurrengo pausoen berri izateko.

Entzun

Karla Berrojalbiz (Errekaleor): “Egunerokotasunari normal egingo dio aurre auzoan”

Haserre baina indarrarekin esnatu dira Errekaleorren ostiralean, Ertzaintzaren eta Iberdorlaren argi mozketaren hurrengo egunean. Ostegun arratsaldeko indar erakustaldiaren ostean, Urtarani erantzukizuna eskatu diote auzo asketik, Iberdrolaren jarrera ere salatuz. Ertzaintzaren presentzia eta jarrera oso bortitza izan zela gaineratu dute.

Karla Berrojalbiz, atzoko gertaerak barrutik bizi izan zituen Errekaleorreko kideetako bat da eta berarekin hitz egin dugu ARABA HIZPIDEn.

Entzun
50 orrietatik 1 orria12345...Azkena »

Zalantzak, ekarpenak,..

1 + 15 =

Hizpidea

Hala Bedi Bi 09.00etan

  • IREKI GAIOLA: Fin de curso! #Galiza #Galizaleak
    Neste último Ireki Gaiola da temporada traémosvos, como xa é habitual, a nosa sección de actualidade -onde falaremos, entre outros temas, do que xa é o peor incendio da historia de Portugal- e a axenda cultural -destinada esta semana a vos poñer os dentes longos con algúns dos festivais que ... Irakurri gehiago
    Iturria: HizpideaData 2017-06-22
  • Sarean Zehar #225 #Wifi4EU Uber-Cabify eta taxiak, Futbola 4K @sareanzehar @inigosendino @borjarbosa
    Gaurko saioan Kantabrian zuntzerako azpiegitura bat eraikiko dutela kontatu dizuegu, Wifi4EU, Europar Batasunak hiriburu handietan wifi konexioa ezartzeko proiektua azaldu dizuegu. Uber, Cabify eta taxien arteko guda aipatu, Futbola 4Kn eta 2020an gertatuko diren aldaketa batzuk aipatu ditugu, bideo eta guzti egin dugun bigarren saioan. http://sareanzehar.euskadigital.net/media/sarean225.mp3Deskargatu hemen. ... Irakurri gehiago
    Iturria: HizpideaData 2017-06-21
  • EKT: Ekonomiaz eta kulturaz Xabier Alkortarekin solasean
    Kultura eta ekonomia aztertu ditugu euskal kulturgintzaren transmisioa gradu-ondoan.  Herri onen eraikuntza ekonomiaren ikuspegitik aztertu dugu. Gaurko saioan Xabier Alkorta izan dugu bide lagun. 1949an Donostiako familia euskaldun xume batean jaiotakoa. Ibilbide luzea egin du Xabier Alkortak. 1967an Donostiako Udal Kutxan sartu zenetik, Kutxan garatu du bere ibilbide profesionala. Bertan ... Irakurri gehiago
    Iturria: HizpideaData 2017-06-21
  • IBAIZABAL: Musika industriak bizi dituen argi ilunak Musikaren festa egunean
    Ekainaren 21ean Musikaren eguna ospatu da, Musika industriaren elkarteak azterketa egin du industriak aurre egin behar izango dien erronken inguruan. Argi eta itzalak dituen bidea aurre ikusten dute, jai eguna baina baita aldarrikatzeko eguna da. Ruth Manzanos MIE elkarteko kideak ekarri dizkigu.  Kezka ezberdinak dituzte, batetik BEZ kulturalaren jaitsiera noiz ... Irakurri gehiago
    Iturria: HizpideaData 2017-06-21
  • IBAIZABAL: Bilbo mugarik gabe lelopean larunbata eta Igandean Munduko jendeak jaialdia ospatuko da Areatzan
    Hormak Haustuz, Elkarguneak Eraikiz lelopean larunbata eta igandean Munduko jendean jaialdia ospatuko da Bilboko Areatzan. Bi egunetan zehar musika, dantza, tailerrak, kultur aniztasuna, gastronomia… denetarik izango da antolatutako espazio ezberdinetan. Jaialdia iragartzeko lehiaketa egin dute eta irabazlea June Taboada izan da. Gurean izan da, “ Bilbo mugarik gabe “ gai ... Irakurri gehiago
    Iturria: HizpideaData 2017-06-21
  • PIPERPOLIS: Virginie Despentes-en King Kong teoria liburuaz solasean
    Virginie Despentes idazle eta feminista frantziarrak King Kong Théorie saiakera autobiografikoan gizarte heteropatriarkala astintzen du, baita feminismoaz gogoeta interesgarriak egin ere. 2006an atera zuen saiakera frantsesez eta hiru argitaraldi izan zituen. Saiakera euskaraz Elkar argitaletxeak atera du Eskafandra bilduman eta Itziar Diaz de Ultzurrunek itzuli du.Saioan bide lagun izan dugu.  ... Irakurri gehiago
    Iturria: HizpideaData 2017-06-21
  • HIZPIDEA: Emakumeak oholtzara dokumentalean, Euskal musika eszena genero ikuspegitik aztertu dute
    Lau euskal musikarirekin batu da Topatu eta klitto agerkaria emakumeek eszenan dituzten zailtasun eta aukerez berba egiteko. Gaurkoan dokumentala eta emakumeen presentzia oholtzan aztertu dugu Izaro Andres musikaria eta Ane Iruretagoiena kazetariarekin. Euskal musika eszenaz, inertziez, erronkez, zailtasunez eta aukerez aritu dira dokumentalean,  Izaro Andres Zelaieta (Izaro), Ane Bastida Saiz ... Irakurri gehiago
    Iturria: HizpideaData 2017-06-20

telefono_92452 945 12 88 55

 telegram-vs-whatsapp 640 073 613

e-mail-icono-6785-96 araba.hizpide@halabedi.eus

Kantoia

Hala Bedi Bat 18.00etan

18 orrietatik 1 orria12345...Azkena »

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies