Magazinak

Araba Hizpide

Araba eta Gasteizko aktualitatea jorratzen duen magazina gara. 2015 urtean sortu ginen, Hala Bedi Bi irratiko goizeko tartea indartzeko. Edukien aldetik, tokiko berriak, kuadrillaz kuadrillako kolaboratzaileak, hedabide ezberdinetako kazetariak eta elkarrizketak izaten ditugu astelehenetik ostiralera, goizeko 10:00etatik 11:00etara, Hizpidea magazin nazionalaren ondoren. Hizpidea magazinarekin batera, Hala Bedi Biko goizetako tartea osatzen dugu.

Azken Artikuluak

Kike Amonarrizen hitzaldia Oihanederren, Arabako euskaldunak aktibatzeko

“Arabako euskaldunak aktibatzeko 365 arrazoi” hitzaldiaren bitartez, “11 egun euskaraz” ekimenaren berri emango du azaroaren 23an Kike Amonarriz umoregile eta telebista aurkezleak: 2018ko Euskararen Egunaren aurreko 11 egunetan, euskara hutsez bizitzeko deia egingo diete euskaraz hitz egiteko gai direnei eta euskara ulertzeko gai direnei, modu horretan bi hiztun komunitateen artean dagoen muga ikusezina ezabatzeko. Hitzaldian, gainera, ekimena lantzen hasi diren Mendialdeko eta Zuiako dinamizatzaileekin hitz egingo du Amonarrizek, euren esperientziaren berri eman dezaten.

Manuel Moreno Topaguneko kidearekin hitz egin dugu hilaren 23ko hitzaldiaz eta 2018rako aurreikusitako ekimenaz.

Entzun

Gorka Urtaran: “Gasteizen sortzen diren akordioak bertan egindakoak dira, gainerako erakundeetan gertatzen denari begiratu gabe”

Gorka Urtaran Gasteizko alkatea izan da gaur ARABA HIZPIDEn, Gasteizko aktualitatea aletzen. Pil-pilean diren Udaltzaingoaren grebaz eta aurrekontuen negoziazioaz ez ezik, Santo Domingo kalearen egoera negargarriaz, eraso matxistez eta Errekaleorren geroari buruz ere hitz egin dugu Urtaranekin. Urkullu lehendakariak PPrekiko preferentzia duela ikusirik, Gasteizen ere halako preferentziarik ba ote dagoen ere galdetu diogu.

Entzun

Maite Diaz de Heredia: “Gure seme-alabak, daramaten motxilagatik, oso ume autonomoak dira eta behar baino helduagoak”

Kartzela-politika aldatzeko mekanismoak jorratuko ditu Sarek, “Jendartea: espetxe-politikaren aldaketarako motorra” lelopean egingo dituen jardunaldietan, Gasteizen. Azaroaren 21etik 23ra, hedabideok elkarbizitzan dugun paperaz, motxiladun umeez eta bakearen artisauen lanaz jardungo dira Europa eta Goiuri jauregietan. Blanca Martinez de Sanvicente antolatzaileak eta Maite Diaz de Heredia preso ohia eta motxiladun ume baten amak hitz egin dute gaur ARABA HIZPIDEn, kartzela-politikaz eta jendarteak hori aldatzen izan beharko lukeen paperaz.

Informazio gehiago, albiste honetan.

Entzun

Iratxe Gil (Porno Eskola): “Porno komertzialak eredu ez-egokiak ematen dizkie nerabeei”

Porno Eskola abiatu dute Gasteizen, nerabeek sexuarekiko lehen kontaktua pornoan izaten dutela ikusirik. Porno komertzialean jasotzen duten eredua ez-egokia denez, berau deseraiki eta sexu-hezkuntza beste ikuspegi batetik lantzen dute Porno Eskolakoek. Iratxe Gilekin hitz egin du ARABA HIZPIDEk, Porno Eskola gehiago ezagutzeko. Azaroaren 26an egingo dute Porno Eskolaren aurkezpena eta porno feministarako sarrera Judimendiko Sumendi espazioan.

Informazio gehiago albiste honetan.

Entzun

Ivan Santamaria: “Nekazaritza-eredu klasikoa beherantz doan heinean, esperientzia interesgarriak sortzen ari dira”

Iban Santamaria kazetaria

Ekonomia kolaborazioa egiten du hilean behin Ivan Santamaria Berriako kazetariak. Gaur hasi da kolaborazioak egiten eta lehen sektorearen egoera marraztu du, bereziki nekazaritzarena. Euskal Herri nekazariaren mitoa baztertuta, gero eta landa-langile gutxiago daudela esan du Santamariak baina, hori hala izanik, bestelako eredu interesgarriak sortzen ari direla ere bai, hala nola kontsumo-taldeak eta nekazaritza ekologikora bideratzen diren ustiategi berriak.

Entzun

Txiki Muñoz (ELA): “EAJk politika neoliberalak egiten ditu, PSE eta PPrekin adostuta eta herritarren gehiengoaren aurka”

Joan den astean egin zuen ELA sindikatuak Gernikako Estatutuaren heriotza egiaztatu zueneko ekitaldiaren 20. urteurrena gogora ekartzeko ekitaldia: orain dela 20 urte, Gernikan egindako ekitaldi batean, Gernikako Estatutua eta, beraz, egungo markoa agorturik zeudela esan zuen, abertzaleen arteko elkarlana ekarriko zuen ziklo bat irekitzeko.

Urteurren horri buruz hitz egin du ARABA HIZPIDEk Txiki Muñoz ELAko idazkari nagusiarekin, baina baita Kataluniako egoeraz, EAJrekiko harremanez eta borroka sindikalaren balioaz ere.

Entzun

Unai Viana (Arabako Gazte Euskaltzaleon Topaketa): “Gazteek gazteentzat egindako topaketak antolatu ditugu eta harro gaude egindako pausoez”

Arabar Gazte Euskaltzaleon II. Topaketa egingo dute datorren larunbatean Gasteizen. Aurreko edizioan oinarrituta, esperientziak elkartrukatzea eta elkar ezagutzea ipini dute helburu Arabako lurralde ezberdinetako gazteek. Unai Viana antolakuntzako kidearekin hitz egin du ARABA HIZPIDEk.

Informazio gehiago, artikulu honetan.

Entzun

Amelia Barquin (Alde Zaharreko auzokidea): “Santo Domingo kalea usteltzen utzi dute: erakundeei ez zaizkie komeni bertako biztanleak”

Amelia Barquin Alde Zaharreko auzokidearekin hitz egin du Araba Hizpidek, Santo Domingo kalean azken egunetan gertatzen ari denari buruz: 13 familiak euren etxeak utzi behar izan dituzte, etxebizitzek egiturazko arazoak zituztelako. Horri gehitu behar zaio Udalak kale horrekiko izan duen utzikeria, atzo bertan auzokideek prentsa-agerraldian salatu zutena: dinamika bat abiatuko dute “Santo Domingo bizirik!” lelopean. Elkarretaratzea deitu dute larunbaterako, hilak 11, Santo Domingo kaleko 40.ean, eguerdiko 13:30ean.

Entzun

Zalantzak, ekarpenak,..

13 + 5 =

Hizpidea

Hala Bedi Bi 09.00etan

  • IBAIZABAL: D´Capricho bikote kubatarraren kontzertua Kafe Antzokian @kafeantzokia @erroaliburuak
    D’Capricho, Danieuris eta Daniellis Moya Ávila ahizpek osatutako Habanako duoa da. Udan han eta hemen dabiltza kontzertuak emanez eta Uztailaren 24an Bilboko Kafe Antzokian egongo dira. Gaurkoan Danieurisekin berba egiteko aukera izan dugu. Musika eta poesia ardatz dute kantuak egiterako orduan, Kubako idazleak baita euskaldunak.  Andrazkubak euskarazko kantu bilduma argitaratu ... Irakurri gehiago
    Iturria: HizpideaData 2017-07-21
  • EKT: Maite Arroitajauregi Mursegorekin bere ibilbideaz eta Oiongo herriarekin eginiko proiektu artistikoaz solasean
    Maite Arroitajauregi musikaria izan da Kulturgintzaren gradu ondoan, bere ibilbidea izan du mintzagai eta azken proiektua “%100 Oion” deiturikoa.  Biolontxeloan lizentziatua da. Zenbait taldetan parte hartu eta gero, 2009an Mursego sortu zuen, bakarkako proiektua, eta Bat diskoa argitaratu zuen. Harrezkero, bere gisako musika hizkuntza baten bila jardun du, folklorea eta ... Irakurri gehiago
    Iturria: HizpideaData 2017-07-19
  • BERBAZ: Lourdes Galarraga, : etxean harmonia, Feng Shui-a lagun
    Haizeak energia mugitu eta urak energia bildu. Haizeak eta urak osatzen omen dute Feng Shui termino txinatarra. Etxearentzeko toki egokia aukeratu eta etxe-barrua (euriak bustitzen ez duena) gizakientzako modu egokian harmonizatzera bideratutako aintzinako artea dugu. Lourdes betean dabil gai honetan azken hamarkada luzean, aholkulari, irakasle, berri emale,… eta ... Irakurri gehiago
    Iturria: HizpideaData 2017-07-18
  • EUSKARA JENDEA: Euskal kazetaritzaren aitzindariak #Xamar
    Egun, paperezkoez gain, ikus-entzunezko euskarri digitalak nagusi badira ere, euskarazko kazetaritzaren aitzindariak paperezko kazetak izan ziren, hau da, bit-etan baino, atomoetan argitaratutako egunkari eta aldizkariak. Oraindik badira paperezko kazetak, bertsio digitalen ondoan gainbeheran badoaz ere, baina  XIX. menderaino egin behar dugu atzera, osoki euskaraz ziren lehenengo euskal kazetak aurkitzeko. 1848an ... Irakurri gehiago
    Iturria: HizpideaData 2017-07-17
  • Gu bagoaz! Aste Nagusian bueltatuko gara #Oporrak
    Gaurtik aurrera irratiaren eguneroko zuzeneko jarduna eten egingo dugu, saiogile, editore eta kolaboratzaileok ondo merezitako oporrak gozatzeko. Datozen egunotan webgunean aurretiaz grabatutako gaikako saio batzuk argitaratzen jarraituko dugu, baina goizetako Hizpidea informazio saioa eta Ibaizabal magazina ez ditugu egingo. Aste Nagusian, berriz, indarberrituta bueltatuko gara, aurreko urteotan egin dugun legez, ... Irakurri gehiago
    Iturria: HizpideaData 2017-07-15
  • KANTA HIZPIDE: Lauaxeta
    Euskal poesia berriaren abiapuntua 1930 eta 35 artean ezarri behar da, ezbairik gabe. Gure lirikaren berritzea hiru olerkariren inguruan ardaztu zen urte haietan, Lauaxeta, Orixe eta Lizardiren inguruan, hain zuzen ere. Hirurek “noranahikotu” zuten gure hizkuntza larrekoa. Gaurko saioan Lauaxeta eta Lizardiren zenbait olerki gogoratuko ditugu Antton Valverde, Xabier Lete, ... Irakurri gehiago
    Iturria: HizpideaData 2017-07-14
  • IBAIZABAL: Udan euskaraz bizitzeko aukera barnetegian
    Uda gauza askotarako balia daiteke atseden hartzeko, parranda egiteko, eta baita ikastaroren bat egiteko ere. Uda sasoi ona izaten da euskara ikasteko edo hobetzeko, eta horretarako aukera ederra izaten da Barnetegia. Oporrak euskararekin uztartzeko aukera ematen digu Barnetegiak. Beste giro batean gure hizkuntzarekin bizitzeko. Hizkuntza barnetik kanpora. Gabriel aresti euskaltegiak ... Irakurri gehiago
    Iturria: HizpideaData 2017-07-14

telefono_92452 945 12 88 55

 telegram-vs-whatsapp 640 073 613

e-mail-icono-6785-96 araba.hizpide@halabedi.eus

Kantoia

Hala Bedi Bat 18.00etan

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies