Magazinak

Araba Hizpide

Araba eta Gasteizko aktualitatea jorratzen duen magazina gara. 2015 urtean sortu ginen, Hala Bedi Bi irratiko goizeko tartea indartzeko. Edukien aldetik, tokiko berriak, kuadrillaz kuadrillako kolaboratzaileak, hedabide ezberdinetako kazetariak eta elkarrizketak izaten ditugu astelehenetik ostiralera, goizeko 10:00etatik 11:00etara, Hizpidea magazin nazionalaren ondoren. Hizpidea magazinarekin batera, Hala Bedi Biko goizetako tartea osatzen dugu.

Azken Artikuluak

Hibai Ollora (ELA): “Etxez etxeko laguntzen zerbitzu txarrak bezeroak eta langileak kaltetzen ditu”

Etxez etxeko laguntzen zerbitzuko langileek sei urte daramatzate lan baldintza duinak aldarrikatuz. Hibai Ollora ELA sindikatuko kidea da eta zerbitzuak sufritzen ari dituen murrizketak salatu ditu ARABA HIZPIDEn. Topiko batekin ere amaitu nahi izan du Ollorak: etxez etxeko zerbitzua eskatzen duten guztiak ez dira pertsona nagusiak.

Gainera, murrizketa hauek, alde batetik, bezeroek jaso behar duten tratua txarra izatea ahalbidetzen dute; bestetik, langileen egoerak ere txarrera egin du azken urteetan. Kontutan hartu behar da langile gehienak emakumeak direla.

Entzun

Ainhoa Garagalza (CEAR): “Kazetariek titular bat botatzen dutenean, honek izan dezakeen eragina pentsatu behar dute”

CEARek, arrazakeriaren aurkako kanpaina abiatu du, besteak beste, sarean dagoen bideo batekin.  Komunikabideen jardunaren garrantzia azpimarratu dute ere. Gaian sakondu dugu HIZPIDEAn egon den eta CEAReko kide den Ainhoa Garagalzarekin.

Arrazakeriaren aurka, hedabideok dugun paperaren garrantzia azpimarratu du Garagalzak; hori dela eta, kazetarien iritziak biltzen dituzten bideoak dituzte esku artean. Besteak beste, zurrumurru asko deslegitimatu nahi dituzte kanpaina honekin.

Entzun

Zuia, beste urrats bat memoriaren bidean

Memoria historikoa berreskuratzeko antolatutako ekitaldi sorta baten baitan, Zuiako Udalak eta pertsona eta agintari politiko ugarik ekitaldia egin zuten asteburuan Gorbeialdean. Aita Pauldarren lehengo komentuan, 1936 eta 1940. urteen artean kontzentrazio-esparru frankista izandakoaren sarrerako lorategietan, monolitoa jarri zuten.

Ekitaldian, Iñigo Arregi artistak egin eta arabar lurraldean Memoriaren marka izan nahi duen irudi eskultorikoan jarritako plaka deskubritu zen: “Eraikin hau, Aita Pauldarren komentua zelarik, hiru urte eta erdiz izan zen kontzentrazio-esparru frankista. Hiru bat mila pertsona egon zen bertan inolako epaiketarik izan gabe. Miseria, esklabutza, torturak, zigorrak… baten batzuek heriotza ere jasan zuten. Zuiako herriak omen egin nahi die pertsona hauei guztiei, gertatutakoa ahaztu ez eta euren askatasun-ametsa egia bihurtuko bada.”

Ordezkari ugari bildu ziren ekitaldian, tartean, Arabako Batzar Nagusietako ordezkaritza nabarmena eta Udaleko indar politiko guztietako ordezkariak, alkatea barne. Unai Gutierrez Zuiako alkatearen esanetan, gertatutakoa ahanzturatik aterako dela bermatu nahi dute monolito eta plaka berriarekin: “Hurrengo belaunaldiek, memoria horri eutsiko diote, askatasun-grina amets izan zuten pertsona haiek omenduz”.

 

Igor Chillon (LAB): “Sozietate zergan iruzurraren zulo beltz handi bat dago”

Arabako Foru Aldundiak 2016an 77 milioiko diru iruzurra azaleratu du. 77 milioi horietatik 53 milioi enpresek eginiko iruzurrak dira, sozietate zergan eginikoak gehienbat. Igor Chillonen arabera enpresek zekulako trikimailu fiskal eta finantzieroak erabiltzen dituzte, horregatik enpresen gaineko kontrol zorrotzagoa egon beharko luke.

Horretaz gain, Igor Chillonen ustez, enpresei zerga presioa igo beharko litzateke Aldundiek diru gehiago bildu ahal izateko.

 

Entzun

Yashna Artola (Euskal Delegazioa Kurdistanen): “Eduardo Izarzuaga deportatu dezakete, baina ez da batere ziurra”

Turkiako indarrek Eduardo Izarzugaza brigadista otxandiarra atxilotu zuten atzo arratsaldean Kurdistanen eta berarekin zegoen Yashna Artola euskalduna. Euskal ordezkaritza bateko beste bederatzi kiderekin batera zihoan autobus batean, eta kontrol batean gelditu eta atxilotu zuten Izarzuaga.

HIZPIDEA magazinean  Artolarekin hitz egin dugu, azken berriak jasotzeko. Ez dut informazio fidagarririk, baina, ziurrenik, euskal brigadista deportatu dezakete. #EHNewroz2017 traola ari dira erabiltzen informazioa sareetan zabaltzeko.

Entzun

Aitor Idigoras (STEE-EILAS): “Administrazioaren erantzunik ez badago borroka dinamika honekin jarraitu beharko dugu”

Martxoaren 22an EAE-ko hezkuntza publikoko irakasleek greba egin zuten. STEE-EILAS sindikatuko Aitor Idigorasen arabera mobilizazio handiak izan dira eta Eusko Jaurlaritzako Hezkuntza sailak erantzun bat eman beharko luke. Erantzunik ez badago borroka dinamikarekin jarraituko dutela esan du.

Entzun
46 orrietatik 1 orria12345...Azkena »

Zalantzak, ekarpenak,..

7 + 13 =

Hizpidea

Hala Bedi Bi 09.00etan

  • IBAIZABAL: “Motxilaren umea” film pedagogikoa estreinatuko da asteazkenean
    “Motxilaren umea” film pedagogikoa, “Ehunka euskal umeri ukatutako eskubideen aldeko aldarria”. Pelikulaka  Maiderren historia kontatzen digu, alegia bere ama espetxean daukan adingabeko neska batena. Beraien arteko harremana nola haurraren garapen pertsonala  zirkunstantzia honen menpe aurkitzen da. Gertaera hau  askoz larriago bihurtzen da, bere ama etxetik ehunka kilometrotara bizi delako, eta ... Irakurri gehiago
    Iturria: HizpideaData 2017-03-27
  • IREKI GAIOLA: Treboada de novidades!
    En Ireki Gaiola, igual que na Galiza, temos unha cultura musical que chega aos máis variados estilos. E así de variada é a Treboada musical desta semana, na que vos traemos unha selección de temas daqueles discos que se veñen de publicar nos últimos meses, para que esteades ben ao ... Irakurri gehiago
    Iturria: HizpideaData 2017-03-27
  • HIZPIDEA: 33 urte igarota, “Pasaiako segada” argitu gabe dago oraindik
    Duela 33 urte, Pasaiako badian Poliziak lau lagun hil zituen: Pedro Mari Isart, Jose Mari Izura, Rafael Delas eta Dioni Aizpurua, Komando Autonomo Antikapitalistetako kideak. Hildakoen senideek egia argitzeko eskatu dute hainbat ekitaldiren bidez, frogak badaudela argudiatuta, baina auzia artxibatuta dagoela salatu dute. Oroitza eta aldarrikapen ekitaldiak antolatu dituzte, eta ... Irakurri gehiago
    Iturria: HizpideaData 2017-03-27
  • AUZOZ AUZOZ: Abusu auzotik zuzeneko saioa entzungai
    Abusutik  zuzeneko bi orduko saioan hainbat lagun izango ditugu. Bilboko  Zamakola kalea eta Arrigorriagako Ollargan  auzoaren artean kokatuta dago, bere izaera ulertzeko auzoaren bilakaera ezagutuko dugu, askotan horrela jakiten dugu nola garatu diren lekuak eta bertako bizimodua. Arrigorriagako liburutegiko Gotzone Butron batu zaigu saiora. Auzoa irakurlea egitasmoaren berri eman ... Irakurri gehiago
    Iturria: HizpideaData 2017-03-27
  • GAUR EZ DAGO ESKOLARIK: Amalur
    Gaur berriro ere irratian elkartu dira Lur Hodei eta amama Felixa gozatzeko eta ikasteko prest. Lur lokartuta dago gauean amets gaiztoak eduki dituelako. Amamak, kezkak ezin direla ohera eraman esan die. Irribarre batekin lokartzen bagara iribarre batekin esnatuko gara eta eguzkilore bana oparitzen die amets gaiztoak uxatzeko. http://bilbohiria.com/docs2/2017/gaurezdagoeskolarik/02-gaurezdagoeskolarik-amalur.mp3Deskargatu hemen. ... Irakurri gehiago
    Iturria: HizpideaData 2017-03-24
  • Hizpidea: Osasuna taldeko zuzendaritzak hauteskundeak deitu ditu
    Osasunaren zuzendaritzak ez du jarraituko eta hauteskundeak egingo dituzte. Luis Sabalza presidenteak hala iragarri zuen atzo, ezohiko batzarraren barruan. Osasuna futbol taldeko berriak ekarri dizkigu Mikel Bujanda kazetariak Iruñetik.  2018ko abendura bitarte jarraitzekoa zen egungo zuzendaritza berez; baina datorren astean bildu, eta hauteskundetara dei egingo dute. Altsasuko gazteen berri eman ... Irakurri gehiago
    Iturria: HizpideaData 2017-03-24
  • IBAIZABAL: Nizuri Tazuneri taldearen “Musika ala hil” lana Rafa Ruedaren gomendioa
    Norzzone eta Fani rap abeslarien proiektua da Nizuri Tazuneri, taupakaren eskutik argitaratu berri dute lan berria “Musika ala hil” deiturikoa. Japoniar eta euskal esamoldekin hitz-jokuak egiten dituzte beraien abestien izenburuetan. Hamaika proposamen, hamaika kontzeptu, honen artean estilo, tematika ta flow anitz aurkituko ditugu, euskera ta abanguardiazko erritmoen eskutik (trap&roll), mende ... Irakurri gehiago
    Iturria: HizpideaData 2017-03-24

telefono_92452 945 12 88 55

 telegram-vs-whatsapp 640 073 613

e-mail-icono-6785-96 araba.hizpide@halabedi.eus

Kantoia

Hala Bedi Bat 18.00etan

12 orrietatik 1 orria12345...Azkena »

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR