Alai Bedi

Batez ere eskoletan eskaintza eginda, 6-12 urte inguruko neska-mutilak etortzen dira Hala Bedi irratira. Ordu beteko bisita egiten dute. Hasieran, irratiko estudioak erakusten zaizkie guraso eta seme-alabei; ondoren gurasoak kafe bat hartzera joaten dira, ordu bete beranduago haurren bila itzultzeko; haurrekin, 10 minututan, ipuin motz bat, txisteak, asmakizunak… ensaiatzen dira eta estudio batera sartuta Alai Bedi saio bat grabatzen dugu. Hurrengo astean igorri ohi da Hala Bedi Bi (FM 88.8) frekuentzian, larunbat edo igandean, 10:00etan.

Bestalde, guraso taldeekin watxap taldeak dauzkagu eginda eta, edozein unetan, mugikorrarekin grabatuz audio bat bidali dezakete guk irrati saioan erabiltzeko.

Harpidetu Alai Bedi irratsaiora

Eider, Edurne eta Daniel:

Ikasturte honetan Gorbea Eskolako (Gopegi) neska-mutilak etortzen hasi dira. Zigoitiko eta Zuiako ikasleak, adibidez. Aupa! Ari gara beste taldetxo bat osatzen Gorbeialdeko umeekin!

Saio honetan Edurne eta Eider entzun ahalko dituzu, lehen aldiz irratian ederki lan egiten. Bita Daniel ere, Gasteizko Odon de Apraiz ikastolakoa, pasa den urtean apuntatu arren ezin izan zuen etorri eta.

Entzun

Maddi, Eneko eta Uxune. Elkarrizketa: Mikel Ezkerro, Mairulegorretako dokumentalaz

photo280618706716960866Berriro itzuli dira Alai Bedira gure hiru lagun onak, Maddi, Eneko eta Uxue. Maddik berak sortutako ipuina ekarri zuen, Uxunek txisteak kontatu dizkigu eta Enekok kritika literarioa egin du Toti Martinez de Lezearen ipuin baten inguruan.

Horretaz gain, Mikel Ezkerro dokumentalgilea izan dugu programan. Hiru neska-mutilek elkarrizketa egin diote Mairuelegorretari egin duen dokumentalari buruz.

 

Entzun

Asier, Oladapo eta Naia:

Hirukote honen eskutik txisteak, asmakizunak, dadoen bidez inprobisatutako ipuinak… denetik entzun ahalko duzue!

bHITZikeriak atalean, berriz, hauen artean erabaki dute euskarazko hitzik politena: atximur, murtxikatu, aharrausi eta urbeldu. Zein aukeratu ote dute?

photo280618706716960855

Entzun

Imanol Urbietaz saio berezia. Naiara, Eneko, Oier, Aritz eta Uxue:

Zendu berri da euskaldun askoren haurtzaroari musika jarri zion gizona, Imanol Urbieta, eta berari eskaini diogu gaurko saioa. Izan ere Uxue Lopez de Okariz oso langile ibili da! Biografia ekarri digu prestatuta eta bere abestiak ere bai USB batean!

Bestalde, Eneko eta Naiara etorri dira aspaldiko partez… eta Oier eta Aritz esatari berriak ezagutu ditugu! Aupa, artistak!!

photo280618706716960854

Entzun

Uxue Q, Maddi, Uxue E. eta Izaro:

Hasi dugu ikasturtea!!

2016-2017 ikasturteko lehen irratsaioa duzu hemen entzungai. Irailaren 25ean igorritakoa, EAEko hauteskundeen egunean bertan. Gasteizko umeei galdetuta… Miren eta Pili Zabala ezagutzen omen dituzte. Ea ze emaitza entzuten ditugun arratsean!

Saioan zehar denetarik entzun ahalko duzu: udaran egindako bidaiak, txisteak… Irati Andari buruzkoak, musika instrumentuei, antzinako gizakiei eta galzorian dauden espezieei buruzkoak… Gauza ugari ekarri zuten lau neskato hauek etxetik prestatuta!!

Bestalde, bHITZikeriak atal berria hasi dugu aurten. Saio honetan urtaro honi deitzeko hitzik onena zein den erabaki dugu: udazkena, larrazkena, neguantza edo udagoiena. Zein ote da politena?

photo280618706716960852

Entzun

Alai Bedi irratsaioak laguntzaileak behar ditu

Orain dela hiru urte jaio zen Alai Bedi irratsaioa, 6 urtetik 12 urtera arteko umeekin egiten den irratsaioa. Ikastola ezberdinetako umeekin egiten den irratsaioa da, eta, normalean, asteburuetan grabatzen da asteburuetan ere emititzeko. Txikienekin euskara hutsean irratsaio bateratu bat egiteko aukera ez dago egunero, horretarako, guraso askoren konpromisoa eta konfiantza dute Alai Bedi irratsaiotik. Oraingoan, laguntzaile bila dabiltza, astean minutu/ordu gutxiko konpromisoa eskatuko lukeena.

Irrati batean inoiz ibili ez bazara, hona hemen aukera. Probatzeko hasieran, errepikatzeko hurrengo egunean, eta, zergatik ez, irratsaioarekin konpromisoa hartzeko hurrengo hilabetean. Interesik baldin badaukazu eta Hala Bediko proiektuan hasi nahi baduzu, idatzi alaibedi@halabedi.eus-era.

Izaro, Uxue Etxeberria eta Uxue Quintana:

Iritsi gara amaierara!! 2015-2016 ikasturteko AZKEN saioa duzu hemen entzungai. Agurainen ospatuko den Araba Euskaraz aipatu dugu saio honetan… beste gauza askoren artean!!

Irailean ikusiko dugu elkar berriro!! Beno, Gasteizko jaietan agian… 🙂

Kontaktatzeko: alaibedi@halabedi.eus

Eta adi @alaibedi twitter kontuari!

2015-2016azkensaioa

Entzun

Gurekin harremanetan jartzeko:

11 + 5 =

KULTURA

Hala Bedin

152. Alai Bedi: Uxue E., Izar eta Ekaitz

Saio honetan esatari berria izan dugu, ongi etorri Ekaitz!!

Izar eta Uxuerekin batera gauza mordoa aipatu ditugu irratsaio honetan: eskolako azterketak eta irtenaldiak, etxean eduitzeko moduko animaliak… Asmakizunak ere entzun ahalko dituzue, zinemari buruz ere aritu gara eta ipuin inprobisatu bat asmatu dugu dado magikoak erabiliz!

Espero dugu irratsaioa gustatzea, hurrengora arte!

Entzun

ERRAIETATIK vol. XXIX | Urriko Iraultza 100 urte II

ERRAIETATIK irratsaioan aurrera jarraitzen dugu Urriko Iraultzaren mendeurrena (1917-2017) ospatzeko lau irratasio bereziekin. Lehenengo saioan, Urriko Iraultzaren testuingurua jorratu genuen, eta oraingoan, eztanda historikoarekin eskuz esku zihoan iraultza kulturalari erreparatu diogu. Hau da, Errusiako abangoardia artistikoei begira jarri gara, besteak beste: margolanak, literatura, arkitektura, musika…

Lilya Brik-en erretratua (Alexander Rodchenko, 1924)


Dimitri Shostakovich (1906-1975) konpositore sobietarra, 1933. urtean

Dimitri Shostakovich konpositore sobietarraren V. Sinfoniarekin lagunduta (1937), Urriko Iraultzaren hazia erein eta honen osteko loraldia bizi zuten Errusiako abangoardia artistiko-kultural ezberdinak ezagutu ditugu. Izan ere, beste potentziekin alderatuta atzerapen handiko Errusian, XIX. mende amaieratik hasi ziren abangoardia hauek bere bidea egiten. 30. hamarkadan errealismo sozialista inposatu zen arte loratu ziren disziplina ezberdinak, iraultza eta kulturaren arteko sinergiak sortuz. Iraultzaren aldeko artea ‘fabrikatu’ zuten, mundu berri bati bidea irekiz.

«Por suprematismo entiendo la supremacía de la sensibilidad pura en las artes figurativas. Para el artista suprematista siempre será válido aquel medio expresivo que permita que la sensibilidad se exprese de modo posiblemente pleno como tal, y que sea extraño a la objetividad habitual». Kazemir Malevich

El Lissitzky – ‘Derrotar a los blancos con la cuña roja’ (1920)

Errealitatea konplexuagoa bazen ere (sakontzera animatzen zaituztegu), izen propio zein mugimendu ezberdinak identifikatu ditzakegu abangoardia hauetan. Adibidez, margolaritzan korronte ugari topatu ditzakegu, figuratibismotik abstrakzionismora bidean: neoprimitibismoa, suprematismoa, konstruktibismoa, cubofuturismoa, futurismoa, raionismoa…  Suprematismoaren korrontean, Malevich edo Lissitzky bezalako artisten izenak azpimarratuko genituzke. Bestalde, konstruktibismoa, «herritik eta herriarentzat» garatutako arkitekturarekin zerikusia duen mugimendua izan zen.

«Kaleak gure pintzelak dira, plazak gure paletak». Vladimir Mayakovsky

Vladimir Mayakovsky-ren erretratua (Alexander Rodchenko, 1926)

Literaturaren arloan, errusiar futurismoa aipatu behar dugu. 1912an, San Petersburgon, Hylaea taldeak kaleratutako ‘Publikoaren gustuari zaplastekoa’ manifestuaren harira sortu zen korronte hau. Iraultza garaian, euren artea sozialismoaren eta iraultzaren mesedetan erabili zuten. Tartean, Vladimir Mayakovsky poeta topatu dezakegu, Erraietatik-eko kideontzat ume basati kuttuna.

Datorren astelehenean, Urriko Iraultzaren mendeurrenari eskainitako 3. irratsaio berezian, abangoardia errusiarraren baitan garrantzi berezia izan zuen zinema sobietarrari begira jarriko gara.


Erraietatik vol. XXVIII | Urriko Iraultza 100 urte I

Entzun

Kasakatxan 3.04: El Mediterráneo en Kayak / Los parques nacionales del oeste de USA

Sergi Basoli abandonó en 2011 su “zona de confort” para partir en busca de Itaca. Con él, navegaremos  el Mediterráneo a bordo de un kayak acompañados de Nirvana, la perra marinera. Una navegación que les ha tenido entretenidos los últimos tres años y que sigue su curso.

En la segunda parte del programa,  nuestro ya habitual Xabier Bañuelos, periodista y guia de viajes, nos lleva de ruta por los parque nacionales del oeste de Estados Unidos, un  periplo entre Monument Valley y la costa del Pacífico.

Entzun

Kasakatxan 3.03: El gran azul a golpe de pulmón / La Armenia de Xabier Moret

Kasakatxan se sumerge en el océano. Rakel Calderer ha hecho del mar su medio de vida. Ella se acerca al medio acuático de la manera más natural posible, valiéndose únicamente del aire que cabe en sus pulmones. Esta catalana radicada en Tailandia ha hecho del buceo en apnea su modus vivendi, enseñando esta técnica en lugares como Egipto, China o Tailandia.

En la segunda parte del programa viajamos a Armenia. Xabier Moret, periodista y escritor, nos acerca su libro “La memoria del Ararat. Un viaje por este pequeño país caucásico marcado por las heridas de la historia con el monte Ararat como eterno telón de fondo del devenir del pueblo armenio.

.

 

 

Entzun

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies