Alai Bedi

Batez ere eskoletan eskaintza eginda, 6-12 urte inguruko neska-mutilak etortzen dira Hala Bedi irratira. Ordu beteko bisita egiten dute. Hasieran, irratiko estudioak erakusten zaizkie guraso eta seme-alabei; ondoren gurasoak kafe bat hartzera joaten dira, ordu bete beranduago haurren bila itzultzeko; haurrekin, 10 minututan, ipuin motz bat, txisteak, asmakizunak… ensaiatzen dira eta estudio batera sartuta Alai Bedi saio bat grabatzen dugu. Hurrengo astean igorri ohi da Hala Bedi Bi (FM 88.8) frekuentzian, larunbat edo igandean, 10:00etan.

Bestalde, guraso taldeekin watxap taldeak dauzkagu eginda eta, edozein unetan, mugikorrarekin grabatuz audio bat bidali dezakete guk irrati saioan erabiltzeko.

Harpidetu Alai Bedi irratsaiora

149. Alai Bedi: Mattin, Urtzi, Eneko, Izar eta Hodei. ELKARRIZKETA: Amaia Caro malakologoari

Kaixo entzule!!

149. Alai Bedi saioan elkarrizketa egin diogu Amaia Caro ikerlari gasteiztarrari. Zer ikertzen duen? Ez dakizu zer den malakologo bat? Ba entzun irratsaioa eta ikasiko duzu!!

Gainera esatari guztiek lehen eguna zuten gaur. Ongi etorri kuadrila!! Ze ondo egiten duten dantza Umandiko haurrek, hori ezingo dute ikusi podcastaren beste aldekoek 🙂

Eman play-ri eta gozatu… katuek bezala…

Hurren arte!

 

 

Entzun

147. Alai Bedi: Naiara, Eneko eta Unax

Kaixo lagunok!

Hementxe duzue Alai Bediren 147. saioa, 2017-2018 ikasturteko bigarrena! Erdi Aroko azoka aipatu dugu, Big Bang-a… Bazenekien izarren hautsa baino ez garela? Baina hauts dibertigarria, txisteak eta ipuinak kontatzen dakigu…

Espero dugu gustatzea, eman play audioari!

Entzun

146. Alai Bedi: Marvellous, Alazne, Izaro, Peio eta Uxue E.

Kaixo! Ikasturte berri on!!

Hementxe duzu 2017-2018ko Alai Bediren lehen saioa. Bost neska-mutil izan genituen, guztiak artistak, etxetik gauzak prestatuta ekarri zituztenak, eta bestalde… elkarrizketa bat egin genuen! Nori? Josu Santamarina arkeologoari! Eskerrik asko Josu!!

Espero dugu irratsaio hau gustatzea, aurten gure irratsaioan apuntatu nahi baduzu (6-12 urteko pertsonak) helbide honetara idatzi dezakezu informazio eske: alaibedi@halabedi.eus

Entzun

Alai Bedi: Argantzunekoak irratira (handiak)

Hiru astez irrati eramangarria Argantzun Ikastolara hurbildu ondoren, azken saioan udalekuetako umeak Gasteizera etorri ziren! Nabari da praktika hartua zutela eta benetako irrati batean egonda, oso serio hartu dute lana… Irratsaio bikaina duzue hemen entzungai, gozatu!

Mila esker begiraleei ere, antolakuntza oso erosoa izan da zuekin!

Ondo bukatu udara eta hurren arte guztioi!!

Entzun

Alai Bedi: Argantzunekoak irratira (txikiak)

Hiru astez irrati eramangarria Argantzun Ikastolara hurbildu ondoren, azken saioan udalekuetako umeak Gasteizera etorri ziren! Nabari da praktika hartua zutela eta benetako irrati batean egonda, oso serio hartu dute lana… Irratsaio bikaina duzue hemen entzungai, gozatu!

Mila esker begiraleei ere, antolakuntza oso erosoa izan da zuekin!

Ondo bukatu udara eta hurren arte guztioi!!

Entzun

Alai Bedi Trebiñun (handiak)

Kaixo guztioi!!

Zer uste zenuten? Udara iritsi eta Alai Bedi erabat geldituko zela? Ez ba! Argantzuneko Udaletik abisatu ziguten neska-mutil pila bat egoten direla udaran eta ea irrati tresneria eramangarria hurbilduko genuen bertara. Jakina baietz!!

Eta ez gara damutu, ez horixe. Esatari on pila bat aurkitu ditugu bertan. 6-12 urte bitarteko 36 ume zirenez, lehenengo txikiekin egin genuen saio bat eta, ondoren, bertsolaritza tailerretik atera berri ziren handiekin beste saio bat grabatu genuen. Handien saioa duzue hau (txikiak hemen).

Datorren ostiralean berriro joango gara eta hurrengo astean… beraiek etorriko dira Hala Bediren estudioa barrutik ezagutzera!

Entzun

Alai Bedi Trebiñun! Argantzungo Udalekuak

Kaixo guztioi!!

Zer uste zenuten? Udara iritsi eta Alai Bedi erabat geldituko zela? Ez ba! Argantzuneko Udaletik abisatu ziguten neska-mutil pila bat egoten direla udaran eta ea irrati tresneria eramangarria hurbilduko genuen bertara. Jakina baietz!!

Eta ez gara damutu, ez horixe. Esatari on pila bat aurkitu ditugu bertan. 6-12 urte bitarteko 36 ume zirenez, lehenengo txikiekin egin genuen saio bat eta, ondoren, bertsolaritza tailerretik atera berri ziren handiekin beste saio bat grabatu genuen. Txikien saioa duzue hau (handiak hemen).

Datorren ostiralean berriro joango gara eta hurrengo astean… beraiek etorriko dira Hala Bediren estudioa barrutik ezagutzera!

Entzun

Alai Bedi: Lucia, Arnaitz eta Ander

A ze hirukote etorri zaigun ikasturteko azken irratsaioa egitera!! Zizta Euskara Taldeak ipuin lehiaketa bat antolatu zuen, Txagoko Jaietan sariak banatu ziren eta irabazleak Hala Bedira etorri dira beraien ipuinak irakurtzera.

Bastidan aurtengo Araba Euskaraz ospatzen den bitartean, ipuin ederrak entzun ahal izan ditugu FM88.8an!

Luis Dorao ikastetxekoak dira hirurak: Ander, Arnaitz eta Lucía. Etortzekoa zen Marouah ere, baina datorren urtean izan beharko du!

Eskerrik asko Zizta Euskara Taldeko Markeli eta hiru txapeldunei.

Asko irakurri eta idatzi, udara ona pasa guztiok!!

Entzun

Alai Bedi: Izaro, Peio, Asier eta David

Itzela gaur eskainitako irratsaioa!!

Asmakizunak, buruko hura nork egin zion jakin nahi zuen satorra, Barras barraskiloaren ipuina eta molusku horiei buruzko bitxikeria batzuk… Saharako bi ipuin trikuak internazionalki estimatuak direla frogatuz…

Entzun gure irratsaioa online eta zabaldu zure lagunen artean!

Entzun

Gurekin harremanetan jartzeko:

11 + 15 =

KULTURA

Hala Bedin

EZKONTZA HOMOSEXUALA (Armentiako 1. batxi)

Armentia Ikastolatik batxilergoko 1. mailako ikasleak etorri dira Hala Bedira, eztabaidarako duten gaitasuna mikrofonoetan erakustera. Entzun beheko podcast-a!

Miamiko irakasle bat lanetik bota dute beste emakume batekin ezkontzeagatik. Ikastetxe hau katolikoa da, horregatik neurri zorrotz horiek hartu zituzten. Armentiako 5 gazte elkartu dira gai honi buruz eztabaidatzeko eta beraien argudioak eman dituzte bakoitzaren ideia defendatzeko. Batzuk, uste dute gaur egungo egoerak kontuan hartuta ez dutela lanetik bota behar, hau da, bere bizitza pribatua ez duela kaltetzen ikastetxeko egoera. Besteek aldiz,egoera hori ezin dela onartu uste dute, ikastetxeko arauak bete behar dituela eta ondo dagoela zuzendaritzak hartu duen erabakia.

Parte hartzaileak: Ane Ruiz de Pinedo, Nekane Llanos eta Naroa Velasco.

Entzun

KOLONIZAZIOA (Armentia 1. batxi)

Armentia Ikastolatik batxilergoko 1. mailako ikasleak etorri dira Hala Bedira, eztabaidarako duten gaitasuna mikrofonoetan erakustera. Entzun beheko podcast-a!

Hurrengo debate honetan kolonizazioari buruz hitz egingo da. Planetak, sateliteak eta asteroideak helburu eta helmuga garrantzitsu bihurtu dira azken urteetan. Gai honetan gehiago sakonduz, etorkizunean Marte gizakiaren bizitokia izan daitekeen eztabaidatuko dugu. Gai hau jorratzeko, Neil Armstrong astronauta, Lexuri Gonzalez de Heredia filosofoa, JL dibulgatzaile ezaguna etorri dira gure irratira eta Mikel Bengoetxea moderatzailea.

Parte hartzaileak: Joseba Guerenabarrena, Lexuri Gonzalez de Heredia, Mikel Bengoetxea eta Alex Ocio.

Entzun

ARMAK (Armentia 1. batxi)

Armentia Ikastolatik batxilergoko 1. mailako ikasleak etorri dira Hala Bedira, eztabaidarako duten gaitasuna mikrofonoetan erakustera. Entzun beheko podcast-a!

Guk armei buruzko eztabaida egin dugu eta honetan hainbat ikuspuntu ezberdin egon dira. Alde batetik, armen alde dagoen ikaslea, bestetik, armen kontra dagoen ikaslea eta azkenik armak onartzen dituena baina bakarrik esparru batzuetan. Eztabaida honetan jorratu ditugun puntuak honako hauek dira; Estatu Batuetako armei buruzko legeak, Donald Trumpek ezarri nahi dituen lege berriak eta armarik gabeko bizitzaren aurrean nola konponduko ginatekeen.

Parte hartzaileak: Alba Perez, Ainhoa Barrio eta Irati Garitano izan dira.

Entzun

ESTEREOTIPOAK (Armentia 1. batxi)

Armentia Ikastolatik batxilergoko 1. mailako ikasleak etorri dira Hala Bedira, eztabaidarako duten gaitasuna mikrofonoetan erakustera. Entzun beheko podcast-a!

Alex Ramirez, Jokin Campo, Nagore Abad, Uxue Zurbano eta Aroa Arrizubietak eskainitako tertulia honetan estetikarekiko obsesioa da gai nagusi. Bertan, modelo izateaz, depilazioaz, iragarkiez eta abarrez hitz egingo dute, gai hauekiko dauzkaten jarrera ezberdinak erakutsiz. Bukaeran, adostasun batera helduko dira eta ohartuko dira berez guztiz barneratua dugula obsesio hau, estereotipoak… Eta hori aldatu beharreko zerbait dela.

Parte hartzaileak: Alex Ramirez, Aroa Arrizubieta eta Uxue Zurbano.

Entzun

BOTILOIA (Armentia 1. batxi)

Armentia Ikastolatik batxilergoko 1. mailako ikasleak etorri dira Hala Bedira, eztabaidarako duten gaitasuna mikrofonoetan erakustera. Entzun beheko podcast-a!

Gure gaia botiloia da. Gai honi buruz, gaur egun asko hitz egiten da. Botiloia gazteek kalean alkohola edateari deitzen zaio, gazte guztiak parkean lurrean eseri eta inongo helburu barik edateari. Gure kasuan, zahar batek botiloaiaren erruz ezin duela deskantxatu dio eta gazteak hori ez dela beraien errua erantzuten dio, hau da, zaharra botiloiaren kontra dago eta gaztea, berriz, botiloiaren alde. Debatearen amaieran, akordio batera iristen dira bi elkarrizketatuak.

Parte hartzaileak: Ivan Seisas, Julen Gerrikaetxebarria eta Unai Lopez de Alda.

Entzun

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies