2012-09-31: Hutsunea

Oso boteretsuek eta oso tontoek gauza bat dute komunean. Ez dute beraien ikuspuntua aldatzen gertaeretara egokitzeko. Gertaerak aldatzen dituzte, hauek beraien ikuspuntura egoki daitezen. Gauza benetan deserosoa aldatzeko beharra duen gertaeretako bat izatea egokitzen baldin bazaizu.

Entzun

2012-07-08: Nahastuak II: bihotzerreak

Munduak mundutarrago egiten nau, baina ez dut bihotzerrerik kentzea lortzen. Azoketan bazkatzen diren usoak entzuten ditut teilatuan goizero. Arrautzaren bat jarri duten ikustera irteten naiz gosaldu baino lehen. Eguzkitan lehortzen dira nire begiak barrurantz. Gainezka egin duen katiluari begira esnatzen den norbaiten falta nabari dut, mundualdiak ez du bi zentimo baino gehiago balio, usoen oinak gero eta ozenago teilatuan, babeslekurik gabe geratu gara. Azalekoak dira gure kezkak, denbora daukagu pentsatzeko, arnasa botatzen dugu faltan, urak hartzen gaitu akorduan, bustita diraugu, pareko leihoan ez da ezer aldatu momentuz.

Entzun

2012-07-01: Nahastuak 1. Bihotzerreak

Bihotzerreak jota ikusten da mundua talaia honetatik. Jaiotzear den zerbait nabari dugu barruan, ez gara izenik jartzera ausartu. Eguzkia, etxearen eta zuhaitzaren artean margotzen du umeak oraindik. Ateak itxita ikusten dira atzoko paperetan. Bihar ez da inon idazten. Eguzkia gero eta gorriagoa den zirkuferentzia baino ez da nerabearen begietan. Barrura begiratzeko leihoak gugan hasten dira. Zaharregia da gaurko mundua ezertaz harritzeko.

Entzun

2012-06-24: Orojaleak

Egia esan, zerbait guztiz desagertu dela ziurtatzeko era bakarra jatea da. Zulo batera botatzen baduzu, ametsetan azalduko zaizu oraindik, zuloan behera amiltzen. Itsasora jaurtitzen baduzu, irudikatuko duzu zurea ez den kostalde batera iristen, gatzezko perlak inguru guztian itsatsita.

Entzun

Bertxoko 12-06-13. BBTko azkeneko bi kanporaketak eta Mendukiloko saioa

Bizkaiko Bertsolari Txapelketak bukatu du eskualdekako fasea. Azken bi kanporaketen berri emango dizuegu aste honetan Bertxokon (Uribe-Butroe eta Busturialdeko kanporaketak). Baita Mendukiloko kobazuloan egindako saio bereziaren berri ere (tartean Julio Soto, Maialen Lujanbio eta Oskar Estanga).

Bertxoko, the xaguxar-s son of a bich.

Entzun

2012-06-10: Leiho bat zabalik gauez

Uzten baduzu leiho bat zabalik gauez, buru bat utziko duzu zabalik airera. Uzten baduzu leiho bat zabalik gauez, airea sartuko zaizu begietan barrena. Uzten baduzu leiho bat zabalik gauez, jada borroka egiteko indarrik ez duzulako da, ahitu egin zaizkizulako bizitzari begiratzeko moduak, merkurio hondarrak ezin harrapatuz bezala zabiltzalako, arnasa harrapatu nahian.

Entzun
35 orrietatik 34 orria« Lehena...3132333435

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR