ERRAIETATIK  vol.  XX  |  Boterea  borrokatu

ERRAIETATIK vol. XX | Boterea borrokatu


Udaberriko oporraldi txikiaren ostean, ume basatiok bueltan gara. Bueltan da ERRAIETATIK irratsaioa, eta oporren aurretik agindu bezala, hip hopa eta rap musika izan ditugu hizpide aste honetan. Eta horretarako, Euskal Hip Hop Herria proiektuko kideak izan ditugu gurean, rap politikoaren hastapenak ezagutu baino lehen.

Esan bezala, irratsaioaren lehen zatian EHHH (Euskal Hip Hop Herria) proiektua ezagutu dugu, Euskal Herrian hip hop kulturak eta rap musikak izandako bilakaera ulertzeko: hastapenak, gaur egungo eszena, sortzaileen arteko sareak, euskarazko raparen garapena, emakumearen presentzia, ‘Biltzarra’, etorkizunari begirako erronkak… Horretarako Markes Iraizoz (Kodigo Norteko kidea), Iñigo Iriondo ‘GATOM’ eta Asier Martín (proiektuaren sortzailea eta atari digitaleko koordinatzailea) izan dira Hala Bediko estudioetan.

Honen ostean, AEBetan 80. eta 90. hamarkadako rap musikaren eta rap politikoaren hastapenak izan ditugu hizpide, eta hainbat talde esanguratsu izan ditugu entzungai, besteak beste: Public Enemy, Granmaster Flash & The Furious Five, The Sugar Hill Gang edo gangsta rap musikaren ikonoa diren N.W.A.


Asier, Markes eta Gatom (Euskal Hip Hop Herria): «Euskaraz rapeatu nahi duten belaunaldi berriak sortzen ari dira»

Entzun
ERRAIETATIK  vol.  XIX  |  Iragana,  geroa,  oraina

ERRAIETATIK vol. XIX | Iragana, geroa, oraina

ERRAIETATIKeko azken irratsaioan, Iñaki Landa kazetariarekin eta Gindi Auzmendi dokumentalgilearekin izan gara, irratsaioko kidea den Mikel Buruagarekin elkarlanean martxan jarri duten ‘Orainaldian’ proiektuaren nondik norakoak ezagutzeko.

Honen ostean, hurrengo irratsaioan sakonduko dugun gaiari heltzen hasi gara, rap musikaren hastapenak ezagutu ditugu 70ko hamarkadako hiru aitzindarien bitartez: Gil Scott-Heron, Afrika Bambaataa eta DJ Kool Herc.


Iñaki Landa eta Gindi Auzmendi (‘Orainaldian’): «Gasteizko kultura bizi-bizirik dago, egiten utzi behar zaio»

Entzun
Iñaki  Landa  eta  Gindi  Auzmendi  (‘Orainaldian’):  «Gasteizko  kultura  bizi-bizirik  dago,  egiten  utzi  behar  zaio»

Iñaki Landa eta Gindi Auzmendi (‘Orainaldian’): «Gasteizko kultura bizi-bizirik dago, egiten utzi behar zaio»

ERRAIETATIK irratsaioan, Iñaki Landa kazetariarekin eta Gindi Auzmendi dokumentalgilearekin izan gara, irratsaioko kidea den Mikel Buruagarekin elkarlanean martxan jarri duten ‘Orainaldian’ proiektuaren nondik norakoak ezagutzeko: Gasteizko kultura alternatiboaren storymapa osatu dute, modu batean edo bestean bertako kultura bultzatzen ari diren 70 gune jaso dituena, tartean Hala Bedi irratia eta taberna.

Storymapa abiapuntutzat hartuta, ideia garatzen ari dira, besteak beste, Gasteizko gazte sortzaileen 9 istorio jasoko dituen dokumental batekin edo APP batekin.

Proiektuari buruz aritzeaz gain, Gasteizko kulturaren egoera eta kontrakultura izan ditugu hizpide, baita ‘Orainaldian’ proiektuan jaso duten errealitate kulturala babesteko gakoak ere, etorkizunari begira.


ERRAIETATIK vol. XIX | Iragana, geroa, oraina

Entzun
ERRAIETATIK  vol.  XVIII  |  Iraultzak  bizirik  darrai

ERRAIETATIK vol. XVIII | Iraultzak bizirik darrai

Aste honetako ERRAIETATIK irratsaioa ez da monografikoa izango, dispertsioaren ondorioz Frantziako errepideetan barrena ibili garelako, eta ezin izan dugulako sakoneko edukirik prestatu. Baina inprobisazioaren munduan murgildu gara, ehun urte geroago Lenín itzuli dela aprobetxatuz. Gaurkoan, beraz, iraultza bizirik mantentzeko hainbat kantu eta liburu ekarri ditugu gurera, popurri bat osatuz.

Besteak beste, Ali Primera, Mercedes Sosa, Violeta Parra, Bauhaus, Riot Propaganda eta Estricalla entzun ditugu. Gainera, bi gomendio literario egin ditugu: ‘La Horda. Una Revolución Mágica’ (Servando Rocha – La Felguera, 2017) eleberria eta ‘Los Wrenchies’ komikia (Farel Dalrymple, 2015). Guzti hau girotzeko hainbat filmeetako korteak baliatu ditugu, ohitura onekin jarraitzeko.

Entzun
ERRAIETATIK  vol.  XVII  |  Dekadentziari  aurre

ERRAIETATIK vol. XVII | Dekadentziari aurre


Eraikin hutsak, langabezia, arrazismoa, pobrezia… Dekadentzian zegoen Detroit 80. hamarkadan. Neoliberalismoak gogor jo zuen iraganean Estatu Batuetako bihotz industriala zen Detroit. Egunez egun, desberdintasun sozioekonomikoak gero eta handiagoak ziren. Lehertzear zegoen Detroit. Eta lehertu egin zen. Technoa izan zen eztanda hori, gazteen ezintasun existentziala bideratzeko tresna kulturala.

AEBko musika tradizio beltzaren eta Europatik zetorren sintetizadoreekin egindako musikaren talka basatitik sortu zen technoa. Musika errepikakorra, minimalista, garratza, gogorra. Dantzarako musika. Detroiteko errealitate opresiboaren kontra egiteko musika aproposa. Baina urteak aurrera joan ahala, musika industriak, kapitalak, technoa asimilatu zuen etekina ateratzeko. Betiko istorio berdina.

Aste honetako saioan, Underground Resistance (UR) techno kolektiboarekin dantza egingo dugu. UR Detroiten, technoaren jaiolekuan, sortutako eta gartutako kolektiboa musikala izan zen. Eta da. Beraien helburu nagusia iraultza soniko bat abiaraztea zen; technoaren sustraietara bueltatzea. Eta lortu zuten. Gaur egunerarte luzatzen da haien iraultza musikala. Aste honetan, bai, Underground Resistance eta Detroiteko technoa hizpide izango dugu Erraietatik irratsaioan.

Entzun
ERRAIETATIK  vol.  XVI  |  Sorgin  moreak  eta  urdanga  gorriak

ERRAIETATIK vol. XVI | Sorgin moreak eta urdanga gorriak


Behin arazo teknikoak gaindituta, astero lez gure uhin kutsakorrak zabaldu ditugu zuen burmuinak pozoitzeko asmoarekin. Martxoaren 8aren gertutasuna probestuz, feminismoa izan da aste honetako irratsaioaren ardatza. Hortaz, WITCH eta Rote Zora taldeak izan ditugu hizpide. Lehena, estatubatuar kontrakulturaren mamian sortutako sorgin taldea. Bigarrena, ordea, Alemaniako mugimendu autonomotik eratorritako emakumeen talde armatu feminista izan zen. Guzti honen berri emateko emakume beltzeen kanten laguntza izan dugu.

WITCH edo Emakumeen Nazioarteko Infernuko Konspirazio Terrorista Internazionala 1968. urtean 13 sorginek sortu zuten. Kapa beltza, kapela eta erratza hartu eta heteropatriarkatuaren kontra borrokatzera abiatu ziren Halloweeneko gau horretan. Esan bezala, Estatu Batuetako kontrakulturatik sortutako taldea izan zen, hain zuzen Yippien mugimendutik, hau da hippie erradikaleetatik. Bere ekinbidearen oinarria ekintza zuzen baketsua izan zen eta okupazio eta performance desberdinak aurrera eraman zituzten.

Programaren bigarren zatian, Rote Zora talde armatua ezagutzeko parada izan dugu. RZ edo Zelula Iraultzaileen emakumeen atal baino gehiago izan ziren: emakumez osatutako erakunde armatu autonomoa. Mugimendu feministarekin harreman estua izan zuten eta bere ekintza armatuak mugimenduaren helburu politikoen menpe zeuden. 70. hamarkadan sortu zen Rote Zora eta 90. hamarkadako erdialderaino iraun zuen. Ez zuten inoiz kartzelan kiderik izan.

Entzun
ERRAIETATIK  vol.  XV  |  Bizitza  da  handiena

ERRAIETATIK vol. XV | Bizitza da handiena


2012. otsailaren 26an Geoge Zimmerman auzo-zaindariak tiro batez Trayvon Martin gazte beltza hil zuen Floridan, Estatu Batuetan. 2013an epaitu zuten Zimmerman gertakari hauengatik. Absoluzioa eskuratu zuen. Injustizia honen aurrean Black Lives Matter mugimendua sortu zen eta Fergusoneko matxinada (2014ean, poliziak Michael Brown gazte beltza hil ostean) eta gero benetako indarra hartu zuen. Bi gertakari hauek beltzen aldeko mugimendu sorta berri bat sortarazi zuten.

Aste honetako irratsaioan beltzen aldeko mugimendu sozial berriak izan ditugu hizpide. Indar polizialaren kontra egiteko jaio ziren baina egun Estatu Batuetako beltzen egoera politikoa, soziala eta ekonomikoa salatzeko helburua dute. Batetik, biztanleria beltzaren bizitza egoera aztertu dugu, pairatzen dituzten zapalkuntzak eta bazterkeria. Beste alde batetik, beltzen aldeko mugimendu berri hauetako bi mugimendu zehatz hartu ditugu ardatz moduan mugimendu berri osoaren izaera eta ekinbidea azaltzeko.

Aste honetan beste urtemuga garrantzitsu bat dugu: martxoaren 3a. 5 langile hil zituen poliziak 76. urteko egun beltz horretan. Data garrantzitsua hau, gure maiatzaren lehena. Omenadli txiki eta xume bezala, gure gurasoek garai horietan (70. hamarkada) entzuten zuten musika izan dugu aztergai. Horrela, latinoamerikako ‘Nueva Canción’ mugimendura gerturatu gara. Honekin batera Euskal Kantagintza Berria gurean lekua izan du ere.

Entzun
ERRAIETATIK  vol.  XIV  |  Girls  to  the  Front!

ERRAIETATIK vol. XIV | Girls to the Front!


Gogoekin espero dugu urtero Azkena Rock Festival-aren kartela, han joko duten taldeen zerrenda. Baina aurten kartelari errepasoa egin eta ohartu gara emakumeen presentziarik ez dela behar bezalakoa. Honen aurreran Erraietatik kideok emakumeen eta emakumeek osatutako taldeen presentzia aldarrikatu nahi dugu. Eta horretarako ‘Riot Grrrl’ mugimendua ekarri dugu 14. programa honetara.

90. hamarkadaren hasieran sortu eta garatu zen ‘Riot Grrrl’ mugimendu feminista. Musikari neska talde batek rockaren eta punkaren eszenaren kontra matxinatu egin zen eta horrela aldarrikatu musika mundua emakumeen mundua zela ere. Neskek osatutako musika talde asko eta musika zale ugari bildu ziren mugimendu honetan. Fanzineak, DIY mundua, militantzia politikoa eta, noski, musika aldarrikatzailea topo egin zuten mugimendu honetan. Haien oihua: ‘Girls to the Front!’

Tracklist

01 Le Tigre – Deceptacon
02 Bikini Kill – Rebel Girl
03 Huggy Bear – Herjazz
04 Huggy Bear – Aqua Girl Star
05 Bikini Kill – I Like Fucking
06 Bikini Kill – White Boy
07 Le Tigre – Whats Yr Take On Cassavetes
08 Slant 6 – What Kind Of Monster Are You
09 QuixOTic – Anonymous Face
10 Sleater-Kinney – Youre No Rock N Roll Fun
11 Le tigre – The The Empty (AKA Riot Grrrl)
12 Vulpess – Me gusta ser una zorra
13 Zuloak – Zuloak riot

Entzun
ERRAIETATIK  vol.  XIII  |  Kurdistan,  bizitzaren  aldeko  iraultza

ERRAIETATIK vol. XIII | Kurdistan, bizitzaren aldeko iraultza


Abdullah Öçalan preso politiko eta buruzagi kurduaren askatasuna eskatzeko nazioarteko Martxa Luzeak Luxenburgo eta Strasburgo batu ditu otsailaren 1etik 11ra. Askapena eta Hala Bediko bi kidek, Igarki Robles eta Maialen Kortabarria, alegia, martxaren nondik norakoak ezagutzera eman dituzte Hala Bedi irratiaren webgunean, sare sozialetan eta, nola ez, magazinetan.

Bertan izandako Maialen eta Igarki internazionalista gasteiztarrak izan ditugu aste honetan ERRAIETATIK irratsaioan, Öçalanen aldeko nazioarteko Martxa Luzearen xehetasunak ezagutzeko, baina baita Kurdistanen egoerara eta herri kurduaren iraultzara sakonean hurbiltzeko ere: Öçalanen garrantzi historikoa, Kurdistanen egoera geopolitikoa, konfederalismo demokratikoa, feminismoa, autodefentsa edota elkartasun internazionalistaren beharra izan ditugu hizpide, besteak beste.

* ELKARRIZKETA OSOA

Igarki Robles eta Maialen Kortabarria: «XXI. mendea apoismoaren mendea izango da. Rojava gure Vietnam»

Entzun
ERRAIETATIK  vol.  XII  |  Ez  dute  uzten  maitatzen  gauean

ERRAIETATIK vol. XII | Ez dute uzten maitatzen gauean


Duela 45 urte, 1972ko urtarrilaren 30an, ‘Bloody Sunday’ bezala ezagutzen ditugun gertakari latzak jazo ziren Derryn, Irlandako Iparraldean, britaniar indar armatuek 14 pertsona erahil zituztenean, eskubide zibilen aldeko manifestazio batean. Irlandako Iparraldeko historiaren hurrengo hamarkadak astindu zituen Igande Odoltsuak, izan ere, ehundaka gazte IRArekin bat egitea erabaki zuten, eta gatazka gogortu zen. Urtemuga triste honen historiara hurbiltzeko aukera izan dugu aste honetako ERRAIETATIK irratsaioan, ‘Bloody Sunday’-ko biktimei omenaldi xume bat eskainiz.

Honekin batera, maite dugun Irlandako Musika Errebeldea (Irish Rebel Music) ezagutzeko aukera izan dugu ere, hau da, bere hitzak irlandar errepublikanismoan oinarritzen duen musika herrikoia. Hauek dira entzun ahal izan ditugun kantuak, Irish Rebel Music-en baitan existitzen diren ehundaka kantuen hautaketa oso txiki eta pertsonal bat, besterik ez:

01 EIRE OG – Sunday, Bloody Sunday

02 THE WOLFE TONES – Sunday, Bloody Sunday

03 THE WOLFE TONES – Joe McDonell

04 BANDA BASSOTTI – Go On Home British Soldiers

05 CHRISTY MOORE – Viva la Quinta Brigada

06 CHRISTY MOORE – If They Come in the Morning (AKA No Time For Love)

BONUS TRACK | STIFF LITTLE FINGERS – Alternative Ulster

Eta, azkenik, nola ez, denbora gainean izanda, Irlandako historiara hurbiltzeko gomendatzen ditugun hainbat pelikula aipatu ditugu:

01 BLOODY SUNDAY (Paul Greengrass, 2002)

02 MICHAEL COLLINS (Neil Jordan, 1996)

03 EL VIENTO QUE AGITA LA CEBADA (Ken Loach, 2006)

04 EN EL NOMBRE DEL PADRE (Jim Sheridan, 1993)

05 EL NOMBRE DEL HIJO (Terry George, 1996)

06 HUNGER (Steve McQueen, 2008)

07 AGENDA OCULTA (Ken Loach, 1990)

 

Entzun
3 orrietatik 1 orria123

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR