Tertulia: Zurine Rodriguez eta Xabier Izaga kazetariak

Tertulia: Zurine Rodriguez eta Xabier Izaga kazetariak

Ostegunero bezala, tertuliaren tartea zabaldu dugu ARABA HIZPIDEn. Gaur kazetarien txanda izan da: Zurine Rodriguezek eta Xabier Izagak aktualitateko azken berriak aletu dituzte, azken hilketa matxistatik abiatuta, Kataluniako egoeraraino, Alfredo Remirezek jasotako zigorra eta adinekoekiko mespretxua tarteko.

Entzun
Ane Zelaia (Goian): “Alde Zaharreko aniztasuna aisialdian islatzea eta komunitatea indartzea dira gure helburuak”

Ane Zelaia (Goian): “Alde Zaharreko aniztasuna aisialdian islatzea eta komunitatea indartzea dira gure helburuak”

Urteroko programazioari ekin dio Goian Gasteizko alde zaharreko proiektu komunitario hezitzaileak. Ane Zelaia Goianeko kideak eman digu aurtengo programazioaren berri: aniztasuna, hezkidetza, euskara eta parte-hartzea ardatz hartuta, haur eta helduen aisialdiaren bitartez, komunitatea indartu nahi dute hainbat jarduera antolatu dituzte.

Entzun
Begotxu Olaizola (ANC Euskal Herria): “Independentziarako bide berria da hau Europan; lasaitasuna eta elkarrekiko konfiantza beharko dira”

Begotxu Olaizola (ANC Euskal Herria): “Independentziarako bide berria da hau Europan; lasaitasuna eta elkarrekiko konfiantza beharko dira”

Begotxu Olaizola Kataluniako Biltzar Nazionalaren Euskal Herriko ordezkaritzaren koordinatzailea da. Joan den urriaren 1eko erreferendumaz eta etorkizun hurbilean emango diren pausoez hitz egin dugu berarekin, Araba Hizpide magazinean. Kataluniakoa independentziarako prozesu berritzailea dela esan du, eta horrek lasaitasuna eta elkarrekiiko konfiantza izatea eskatuko diela eragile ezberdinei.

Entzun
Txema Ramirez de la Piscina: “Kataluniarren jokabidea dagoeneko Zientzia Politikoetako fakultateetan aztertzen ari den mugimendu berritzailea da”

Txema Ramirez de la Piscina: “Kataluniarren jokabidea dagoeneko Zientzia Politikoetako fakultateetan aztertzen ari den mugimendu berritzailea da”

Txema Ramirez de la Piscina EHUko irakaslea egon da gaur Araba hizpiden, Katalunian egiten ari diren diskurtso mota ezberdinak hizpide hartuta. Bartzelonako atentatuen kudeaketa komunikatibotik egungo diskurtsoetara bitarteko mezuak aztertu ditu Ramirez de la Piscinak, komunikazio politikoan aditua den aldetik. 

Entzun
Lagrango euskarazko toponimo eta hitzak bildu ditu Andoni Llosak liburu batean

Lagrango euskarazko toponimo eta hitzak bildu ditu Andoni Llosak liburu batean

Arabako Mendialdeko Lagran herrian XV. mende inguruan galdu zen euskara, baina gaur arte iraun duten euskarazko toponimo ugari daude. Areago, gaztelaniaz mintzatzen direnek ere euskarazko hitzak tartekatzen dituzte, gaztelaniaratuta, eta hori ere bada euskararen presentziaren adierazlea.

Toponimo eta hitz horiek bildu eta liburu batera ekarri ditu Andoni Llosak (‘Palabras y topónimos de origen vasco en el municipio de Lagran’). Joan den irailaren 23an aurkeztu zuten liburua Lagranen bertan eta txangoa egin zuten ondoren, toponimo horiek ikusteko. Lagrandarren arbasoen euskaltasunaz ohartaraztea izan da Llosaren asmoa.

Entzun
Alfredo Remirez: “Presoen alde edo egia bakarraren aurka egiten dugunon kontrako herra berezia dute”

Alfredo Remirez: “Presoen alde edo egia bakarraren aurka egiten dugunon kontrako herra berezia dute”

Alfredo Remirez amurrioarrari urtebeteko kartzela-zigorra ezarri diote euskal preso baten kartoizko panpin bat ateratzeagatik. Sare sozialetan @erreharria izenez ezaguna, zigor horrek eragindako sentimenduez eta adierazpen askatasunaz hitz egin digu Alfredok Araba Hizpide magazinean.

Ostiralean mobilizazioak izango dira epai horren aurka protesta egiteko: 20:00etan Amurrion bertan eta 20:30ean bizitoi duen Bilbo Zaharrean.

Entzun
Ainhoa Villaverde (AskeRock): “Arabako errepresaliatuei babesa adieraztera gonbidatzen dugu gizartea”

Ainhoa Villaverde (AskeRock): “Arabako errepresaliatuei babesa adieraztera gonbidatzen dugu gizartea”

AskeRock jaialdia egingo dute datorren urriaren 21ean Mendizabalako aparkalekuan. Herritar talde batek antolatuta, errepresaliatuekiko elkartasuna eta euren egoeraren salaketa egitea ez ezik, senideen egoera ekonomikoa arintzea ere badu helburu jaialdiak. Herritar talde horren izenean, Ainhoa Villaverderekin hitz egin du gaur Araba Hizpidek.

Entzun
Europari Begira | Madril (Oihan Vitoria)

Europari Begira | Madril (Oihan Vitoria)

Atal berri bat zabaldu dugu gaur Hizpidean: azken egunotako gertakariek (Alemaniako hauteskundeek, Kataluniako erreferendumak, errefuxiatuen egoerak…) zein etorkizunean etorriko direnek (Brexita, Europako Batasunaren nondik norakoak…) Europari begira jartzen gaituzte, ezinbestean.

Zer esanik ez euskal herritar gisa: aldian behin Madrili eta Parisi begiratzea ez zaigu gaizki etorriko. Hori dela-eta, Europari eskainitako tartea izango dugu gaurtik aurrera: Madril, Paris, Atenas eta Oxfordera joko dugu hilean behin, hango berri jakiteko.

Gaur, lehenengoz, Madrilera jo dugu Oihan Vitoria kazetariaren eskutik.

Entzun
Ernai Gasteiz: “Ez dugu inoren baimenik behar independentziarako eta aske izateko”

Ernai Gasteiz: “Ez dugu inoren baimenik behar independentziarako eta aske izateko”

Ernai gazte erakundeak kanpaina abiatu zuen joan den irailaren 7an, “Baimenik ez aske izateko. Euskal Herriak, independentzia!” lelopean. Kataluniari elkartasuna adieraztea eta Euskal Herriaren independentzia grina sustatzea du helburu kanpainak, eta irailaren 28an joko du goia: manifestazioak deitu dituzte datorren ostegunerako Euskal Herriko hiriburuetan. Gasteizko manifestazioa Andre Maria Zuriaren plazatik abiatuko da.

Entzun
147. Alai Bedi: Naiara, Eneko eta Unax

147. Alai Bedi: Naiara, Eneko eta Unax

Kaixo lagunok!

Hementxe duzue Alai Bediren 147. saioa, 2017-2018 ikasturteko bigarrena! Erdi Aroko azoka aipatu dugu, Big Bang-a… Bazenekien izarren hautsa baino ez garela? Baina hauts dibertigarria, txisteak eta ipuinak kontatzen dakigu…

Espero dugu gustatzea, eman play audioari!

Entzun

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies