Arkaitz  Virumbrales  (FCC-ko  LAB):  “Inori  ez  zaio  gustatzen  grebara  joatea,  baina  zaila  ikusten  dugu  lehenago  konpontzea”

Arkaitz Virumbrales (FCC-ko LAB): “Inori ez zaio gustatzen grebara joatea, baina zaila ikusten dugu lehenago konpontzea”

Iragarpenak betetzen badira, eta badirudi beteko direla, FCCko langileek greba hasiko dute martxoaren 6tik aurrera Gasteizen. Hala ere, greba ez da zeozer definitboa, gauzak aldatzen badira, berta behera gelditu daitekeelako hau. Arkaitz Virumbrales FCCko langilea eta LAB sindikatuko ordezkaria da; ARABA HIZPIDEn ez da oso baikor agertu hurrengo egunetako egoeraren aurrean.

Enpresarekin harremanak izoztuta daudela adierazi du; gainera, kontziente dira zer suposatu dezakeen greba honek Gasteizen. Horregatik, herritarren konpresioa eskatu dute. Gasteizko Udalari egoera konpontzeko inplikazioa eskatu diote, baina FCC enpresa da errudun handiena Virumbralesen esanetan.

 

Entzun
Olatz  Alonso  (Rompiendo  Moldes):  “Emakumezkoen  kirola  ikuspegi  positibo  batetik  landu  nahi  dugu  dokumentalean”

Olatz Alonso (Rompiendo Moldes): “Emakumezkoen kirola ikuspegi positibo batetik landu nahi dugu dokumentalean”

Asteburuan Arabako hiriburuan egon zaretenok, ikusiko zenuten Gasteiz erabat gelditu dela. Baskoniak jokatzen zuen: dirutza iragarkietan, 15.000 zale baino gehiago partidu bakoitzean, eta instituzioen babes itzela. Aldiz, aurreko astean, Araski talde gasteiztarrak ere Erreginaren Kopa jokatu zuen Gironan, eta finalerdietan kaleratu zuten, Baskonia bera bezala. Baina hau ez da albistegietako gai nagusietakoa izan. Askoz babes gutxiago dauka.

 

Hau, soilik adibide bat da, baina askoz gehiago topa ditzakegu Araban bertan. Egoera hau aldatu dezakeen proiektuetako bat “Rompiendo moldes” dokumentala da, baina hobeto azaldu digu honetan burubelarri dagoen Olatz Alonso kazetariak. Arantzazu Alonso eta Maitane Carballorekin batera Arabako emakume kirolariak bilduko dituzte “Rompiendo Moldes” dokumentalean. Apirilean aurkeztea da hauen asmoa.

Entzun
Irati  Zubizarreta  eta  Iñaki  Cañamares  (Gasteizko  Kanpusa):  “Euskal  Herriko  langile  herriak  dituen  jakintza  beharrei  erantzuten  die  Herri  Unibertsitateak”

Irati Zubizarreta eta Iñaki Cañamares (Gasteizko Kanpusa): “Euskal Herriko langile herriak dituen jakintza beharrei erantzuten die Herri Unibertsitateak”

Gasteizko Kanpusaren egunerokotasuna izan dugu mintzagai ARABA HIZPIDEko elkarrizketarako tartean. Izan ere, astelehenetik hasita, Herri Unibertsitateari ekingo diote. Ostegunean amaituko da, baina San Mamesen, Bilbon, emango diote amaiera kanpus ezberdinetako ikasleek. Antolatu dituzten hamaika ekimenen eta ikasle mugimenduaren egunerokotasunaren inguruan hitz egin dugu kanpuseko ikasleak diren  Iñaki Cañamares eta Irati Zubizarretarrekin.

Besteak beste, egitarauan, Nekane Balluerkari egindako elkarrizketa baten proiekzioa edota hedabide ezberdinen arteko mahaingurua aipatu daitezke, zeinetan Hala Bedi Irratiak parte hartuko duen.

 

Egitaraua osorik eta informazio gehiago: http://haraba.info/badator-herri-unibertsitatea/

 

Entzun
Enborra  |  “Teknologia  eguneroko  bizitzaren  gidari”  -Joseba  Fernández  de  Landa-

Enborra | “Teknologia eguneroko bizitzaren gidari” -Joseba Fernández de Landa-

Asko aldatu dira gauzak azkenengo 20 urteetan; komunikazioaren arloan, zer esanik ez. Lagunekin harremanetan jartzeko tinbrea jotzen genuen, telefono fijora deitu, eta aurrerago, Messengera edo Tuentia erabili. Baina azkenean, berehalakotasuna (onerako eta txarrerako) eskatzen duten smartphoneak. Garapen hori aztertu dugu bi astetik behin ARABA HIZPIDEn Enborra atalean Joseba Fernández de Landarekin egiten dugun kolaborazioan.

Gaia hobeto ulertzeko, pantailara begira jarri gara kolaborazioarekin amaitzeko. Black Mirror telesailaren kokapena egin digu Fernández de Landak, baina pilula gorrien hausnarketarekin amaitu dugu: “Matrix” pelikula.

Entzun
[Iritzia]  “Gizarte  politikak:  gastua  ala  inbertsioa?”  –  Álvaro  Castillo  –

[Iritzia] “Gizarte politikak: gastua ala inbertsioa?” – Álvaro Castillo –

Maiz hala ez badirudi ere, hitzek sekulako indar semantikoa dute. Berba egiten denean hitz bate edo bestea aukeratzea ez da apeta kontua, inolaz ere. Izan ere, ele baten edo bestearen aldeko hautuak zama edo kutsu politiko nabarmen izan dezake atzean.
Konplexua dirudien arren, adibideen bidez aunitz argi geratzen da. Pasa den astean, sare-sozialetan nenbilela, horra non Vitoria-Gasteizko PPko burua den Leticia Comerón-en tweet batekin topo egin nuen. Honek, erdara hutsez, noski, alkatea kritikatzen zuen. Hori ez da, alta, aho bete hortz utzi ninduena. Harrigarria suertatu zitzaidana, ostera, gizarte-politikak indartu izana kritikatzeko armatzat erabiltzea izan zen.
Eta hau da hizkuntzaren kutsu politikoa azpimarratzea dagokigun unea. Izan ere, horri erreferentzia egiteko “dispara el gasto en ayudas sociales mientras se reduce en paro” hitzak erabili zituen. Tweet honi jarraiki, Vitoria-Gasteizko PPk, galdera- eta harridura-marken artean, “el gasto en ayudas está disparado” idatzi zuen. Ez al da arraroa gizarte-politikak areagotu izana negatibotzat jotzea? Ideologiaren arabera erantzun beharko litzaioke galdera horri.
Lehenengo eta behin, politika sozialei erreferentzia egiteko “gastu” hitza erabiltzeak norberaren printzipioak argi uzten ditu arras. Elkartasuna, zergen progresibotasuna, egoera okerrean daudenak lagundu behar direla… eta horrelako sinesmenak dugunontzat, gehiengo oso zabal batentzat esango nuke, gizarte-politikak ez dira gastu bat, inbertsio bat baizik. Gizarte-politikak justizia-sozialean, duintasunean eginiko inbertsio beharrezkoa besterik ez dira. Agerikoa da, alta, hiri honetan batzuk ez dituztela uste horiek elkarbanatzeen, eta, horrela gastutzat dutela justizia-soziala indartzea.
Bigarrenik, “gastu”-tzat duten hori hazi izana berri kezkagarritzat hartzea ere Gasteizko PPren lehentasunak eta sinesmenak salatu besterik ez ditu egiten. Halaber, ekonomiari buruzko ezagutza minimoa duen orok jakin badaki, elkartasunaz haratago, laguntzak ezinbestekoak direla kontsumoa egon dadin.
Hirugarrenik, laguntzek %12 inguruko hazkundea izatea Leticia Comerónentzat “estar desbocado” eta “estar disparado” den bitartean, Gasteizko gehiengo sozialarentzat harro egoteko arrazoia da, pozik egoteko arrazoia. Beste era batean esanda, Gasteizen haien politikak bukatu direneko sintoma, aldaketa eman deneko froga eztabaidaezina. Ulergarria da ANVISA eta TUVISA pribatizatu nahi zutenentzako gizarte-politiken hazkundea berri ona ez izatea, baina, zorionez, horiek ez dute Gasteizko gehiengo sozial aurrerakoia ordezkatzen.
Dialektikaren auzi korapilatsua alde batera utzita, batek pentsa lezake PPren posizioa zilegi dela, eskuin politiko liberal-kontserbadorea ordezkatu nahi duen heinean. Ba, zilegi izango litzateke alderdi politiko liberal-kontserbadore baten eredua jarraituko balu, baina, ez ote diote ideologia horretakoek gastuek ezin dituztela diru-sarrerak gainditu? Horra hor paradoxa! Diru-laguntzen hazkundea berri kezkagarritzat duen PP
berak Gasteiz historia izan duen zorpetze altuenarekin utzi zuen. Aski ezaguna da Maroto jaunak utzitako 68 miloi €-ko zulo ekonomikoa.
Politikan, eta bizitzan, hizkuntzak garrantzi handia duela ukaezina da. Errespetuaren defendatzaile sutsu garenok, onar dezakegu, latza den arren, eragile jakin batek justizia-soziala irmoki kritikatzea. Aitzitik, ulertu ezin duguna koherentzia falta hau da.
Bitartean, aldaketaren alderdiei Gasteizen erantzukizun zail bezain garrantzitsua dagokie: justizia-soziala sustatzen jarraitzerena; PPren borondatearen aurka, PPk utzitako diru-egoera trakets baten testuinguruan, baita PPk sortutako zor handia murrizterena ere. Baina, hizkuntzaren iluntasunetik ihesi, eta sinesmenak lehenetsiz: elkartasuna eta gizarte-politikak indartu.

Entzun
[Iritzia]  “Euskaldunberria  naiz”  –  Oier  Azkarraga  –

[Iritzia] “Euskaldunberria naiz” – Oier Azkarraga –

Amak deitu ninduen telefonoz, galdera bat zuen buruan bueltaka: “Oier, ¿tu que eres? ¿Euskaldunberri o euskaldunzahar?”. Euskaldunberria nintzela erantzun nion orduan, nire hizkuntza ez baita jaiotzez euskara izan. Anaiari galdetuta ordea, bera euskaldunzaharra zela erantzun omen zion.
Eztabaida hori lagun batzuengana eraman nuen eta euren erantzunak oso anitzak izan zirenez, Wikipedia santura jo nuen begiratzera. Euskaldunzahar: “Euskara ama hizkuntza duena.” Ama hizkuntza: “Gizabanako batek jaiotzetik ikasi duen hizkuntza da”.
Honen arabera, nire lehenengo definizio hura egokia izan zela pentsatzen dut. Gurasoak erdaldunak izanik, euskara ikasteari eskolan ekin nion. Euskarazko lehenengo hitzak orduan entzungo nituen, eskolatzearekin batera eta ordutik, euskalduntasunerako etengabeko prozesua egin izan dut. Oraindik da eguna Euskaraz ez naizela nahiko nukeen bezain ongi moldatzen eta Euskal Herritik kanpo eman dudan denboran, euskara maila okertu dela ere nabaritu izan dut.
Euskararen inguruko debateak jarraitu izan ditut azken aste eta hilabeteetan, interesa sortzen didan gai berezia baita. Batzuk ezagutza mailan kasik topea jo dugula diote, edo bide onean gaudela gutxienez, erabilera da ordea, denak kezkatzen dituena. Erabilera omen arazoa, eta aurrekoan; erabiltzen ez dutenengan lupa jartzea gomendatzen zituzten ahotsak entzun nituen, bereziki gazteengan, haiek baitira euskarari uko egin diotenak, ikasleak, gazteak umeak…
Ez naiz bizkar gainean kulparen zama botatzea gustatzen zaion horietakoa, uste dut nahikoa zama badaramagula guk, beti perfektuak izan nahi dugun horiek. Baina ez dut uste besteen bizkar gainean ere jarri behar dugunik. Erakargarria ez den hizkuntza da gurea, zaharra, betikoa, tradizionala… delako hitz egin eta zaindu behar dugula da diskurtso nagusia, eta horrela gazte moderno, inkorformistak, nola erakarriko ditugu?

Sarriri irakurri nion behin, bere generazioan euskarak aurrera egin izan bazuen, errebeldia puntua zuelako izan zela, horrela izaten jarraitu beharko du gazte belaunaldi berriak erakarri nahi baditugu. Euskara klasetik atera eta egunerokotasun hizkuntz bihurtu behar dugu, Nik prest nago, zertarako prest zaude zu?

Entzun
Iñaki  Lertxundi  (Legutiko  Gazte  Asanblada):  “Alkatesak  ez  ezik,  Legutioko  Udal  taldeek  ere  kaleratzeak  babestu  dituzte”

Iñaki Lertxundi (Legutiko Gazte Asanblada): “Alkatesak ez ezik, Legutioko Udal taldeek ere kaleratzeak babestu dituzte”

Argazkia: alea.eus

Legutioko Udalak herri honetako gazteekiko duen jarrera salatu du Legutioko Gazte Asanbladak. Hasiera batean, ohar baten bidez, eta ostean, Legution otsailaren 4an egin zuten elkarretaratze jendetsu batekin; elkarretaratze honetan, herriko gazteak eta ez hain gazteak bildu ziren, besteak beste, kaleratutako bi langile beriz kontratatzeko eskatuz. Herriko gazteen babesa izateaz gain, beste herritar askoren babesa izan zuen elkarretaratzeak; izan ere, herriari ekarpen handia egin dio Asanbladak urteetan zehar, San Blasak aurrera ateraz. Gazte Asanbladako kidea den Iñaki Lertxundirekin hitz egin dugu ARABA HIZPIDEn.

Lertxundi, Legutioko liburutegitik kaleratu duten gazteetako bat da; gainera, azaldu digunez, bi langile ez ezik, lau gazte kaleratu ditu jada Udalak. Momentuz, ez dute alkatesarekin hitz egiteko asmorik, baina aukera suertatzen bada, baloratuko dute. Gainera, alktasearen erabaki unilateral bat ez dela izan argitu digu, Udaleko beste zinegotzi batzuen babesa izan duelako erabakiak.

Entzun
57 orrietatik 5 orria« Lehena...34567...Azkena »

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR