“Langabezia jaitsi dela diote, baina lanaldi osoko kontratua egin beharrean, lau egiten badira, kotizazioak ere jaitsi egiten dira”

“Langabezia jaitsi dela diote, baina lanaldi osoko kontratua egin beharrean, lau egiten badira, kotizazioak ere jaitsi egiten dira”

Arabako Pentsionistak Lanean plataformako Armando Aulestiartek bi astean behin egiten du kolaborazioa ARABA HIZPIDEn. Gaur, joan den larunbateko manifestazio arrakastatsuaren balorazioa egin dugu berarekin, baita aurrera begirako pausoak errepasatu ere. “Por una vida digna” plataformarekin elkarlanean egindako mManifestazioa amaitu ondoko adierazpenean pentsio duinak aldarrikatu zituzten, baita 1.080 euroko gutxieneko pentsioak eskatu eta emakumeen egoera zaila salatu ere.

Entzun
Poeta madarikatuak | 1984, urte madarikatua [1×02]

Poeta madarikatuak | 1984, urte madarikatua [1×02]

Marrazkiak: Anna eta Elena Balbusso (2012).

Gaurkoan, berriz, literaturaren bazterretako bat landuko dugu, genero berezia, iluna, apokaliptikoa…etorkizuna ote? Beharbada, bai, distopia baita jorratuko den gaia. Baina zer ote da distopia? Berez, etimologikoki “ez-leku txarra” esan nahi du, fantasiazko mundu beldurgarri eta saihestu beharrekoa.

Izan ere, distopiek etorkizuneko gizarte edo mundu bati erreferentzia egiten diote, inola ere ez desiragarriak direnak. Oro har, erregimen totalitario, ekologikoki jasanezin eta tradizionalak izan ohi dira. Eta, literaturan ideia horiek genero propioa garatu dute, literatura distopikoa, alegia.

Generoaren ikur izango diren autoreak, esaterako, Margaret Atwood, George Orwell, Ursula K. Le Guin, Aldous Huxley edo Joanna Russ dira. Obrarik famatuenak, eta ziur nago, entzule batek baino gehiagok irakurriko zituela, “1984”, “Neskamearen ipuina”, “Bai mundu berria” edo “Fahrenheit 451” dira.

Beraz, gaurkoan, mundu berri eta perfektu batetik, 1984. urtera igaroko gara, urte zinez madarikatura, eta hortik etorkizuneko Gilead errepublikara bidaiatuko dugu, non emakumeak koloreka, klaseka eta funtzioka sailkatzen diren. Azkenik, literatura distopikoan oinarritutako abestiak entzungo ditugu. Prest bidaia liluragarri eta durduzagarri honetan murgiltzeko?

Abestien zerrenda:

  • Another brick in the wall – Pink Floyd (The Wall, 1979).
  • One more hour – Sleater Kinney (Dig me out, 1997).
  • 1977 – The Clash (White riot single, 1977).
  • Testify – Rage Against the Machine (The Battle of Los Angeles, 1999).
  • Manifiesto Guernika – TNT (Manifiesto Guernika, 1983).

Liburuen zerrenda:

  • 1984 – George Orwell (1949).
  • Bai mundu berria (Un mundo feliz) – Aldous Huxley (1932).
  • The handmaid´s tale (Neskamearen ipuina) – Margaret Atwood (1985).
  • The male female (Gizon emea) – Joanna Russ (1975).
  • The power (Boterea) – Naomi Alderman (2016).
  • The left hand of darkness (Iluntasunaren ezker eskua) – Ursula K. Le Guin (1969).
Entzun
Tertulia: udal gaiak Ane Aristi (EH Bildu) eta Alvaro Castillorekin (EAJ)

Tertulia: udal gaiak Ane Aristi (EH Bildu) eta Alvaro Castillorekin (EAJ)

Osteguneko tertulian, udal ordezkarien txanda izan da gaur. Ane Aristi EH Bilduko zinegotzia eta Alvaro castillo EAJko ordezkaria ergon dira ARABA HIZPIDEn, Gasteizko Udaltzaingoaren grebaren amaieraz, De Miguel auziaz, eta eraztun berdearen 25. urteurrenaz hitz egiten.

Entzun
AleaFM 2018-03-13

AleaFM 2018-03-13

Pil-pilean atalean, erretinosi pigmentarioari buruz hitz egin dugu Valentin Simon, Erkuden Larrauri eta Estibaliz Simonekin. Ondoren, martxoaren 8ko greba feministaren balorazioa egin digu mugimendu feministako kide Eukene Ruedak. Hamaika Saltsa atalean ETS taldeko Iñigo Etxezarrarekin solasteko tartea hartu dugu. Izan ere, dokumentala eta diska kaleratuko berri du talde arabar ezagunak. Josune Velez de Mendizabalen iritzia izan dugu Ahoz Aho atalean, eta bukatzeko, hurrengo egunetan Euskararen Agendak dakarkigunari errepasotxo bat eman diogu.

Entzun
“Mozal Legearen isunak azkar ordaintzea merkeagoak izateko injustizian sakontzea baino ez da; jolas bat da beraientzat”

“Mozal Legearen isunak azkar ordaintzea merkeagoak izateko injustizian sakontzea baino ez da; jolas bat da beraientzat”

Atzoko albiste batean jakinarazi zuen halabedi.eus webguneak Gasteizko tabernari bati 730 euroko isuna ezarri ziotela, Mozal Legea baliatuta, bezero bat babesteagatik. Gaur, ARABA HIZPIDEn egon da Zumai Olalde tabernaria, eta gertatutakoa azaldu digu: udaltzain talde bta hurbildu zen Txapelarri tabernara eta bezero bat atxilotu zuen, bere zakurra lotu gabe eta mozalik gabe zegoela argudiatuta. Osagai arrazista duen atxiloketatzat jo du Olaldek, eta udaltzainek ipinitako isuna ez ordaintzea erabaki zuen, nahiz eta goiz ordaintzeagatik isuna 300 eurora jaitsi: “Injustizian sakontzea litzateke hori onartzea”. Gertatutakoa salatzeko elkartasun-jaialdia antolatu dute Txapelarri tabernan ostiral honetan.

Entzun
“Medio txiki batek uste baino indar handiagoa egin dezake AHTren aurka, sinergia egokiak baliatuz gero”

“Medio txiki batek uste baino indar handiagoa egin dezake AHTren aurka, sinergia egokiak baliatuz gero”

Urko Apaolazqa Argiako kazetaria izan da gaur HIZPIDEAn, Zuloan. Bidaia bat AHT eta lan-esplotazioan barrena liburua Gasteizen aurkeztuko duen egunean. Liburuan jasotzen dira AHT eraikitzeko lanetan gertatzen ari diren irregulartasunak: langileen lan-baldintza kaskarrak, arau-hausteak, eskubideen urraketak… Langile gehienak kanpotarrak dira eta baldintza prekarioetan egiten dute lan. Bestalde, Aldi Baterako Enpresa Elkarteek dakarten ilunkeria izan du hizpide, azpi-kontrataziora jotzen baitute, horrek dakarren lan-baldintzen okertzearekin. Liburua Manu Robles-Arangiz Institutaren eta Argiaren arteko elkarlanaren fruitua da. Aurkezpena gaur izango da, arratsaldeko 19:00etan Oihaneder euskararen etxean, ADI ustelkeriaren aurkako elkarteak antolatuta.

Entzun
“Ebaluazio-sistemak kontrol-sistema bihurtu nahi dituzte, hezkuntza merkatuaren logikan instrumentalizatzeko”

“Ebaluazio-sistemak kontrol-sistema bihurtu nahi dituzte, hezkuntza merkatuaren logikan instrumentalizatzeko”

Greba-dinamika berri bati ekingo diote hezkuntzako publikoko langileek datorren martxoaren 14tik aurrera: martxoaren 14 eta 15ean grebara daude deituta sukalde eta garbiketako langileak, haurreskolak partzuergokoak, heziketa berezikoak eta irakasleak. Ia urte eta erdiko mobilizazio-aldiari ekin ziotenetik, egoera ez dela aldatu salatu du Aitor Idigoras Steilaseko kideak. Greba deialdiaz gain, beste gai batzuk ere izan ditugu hizpide Idigorasekin, hala nola segregazioa eta LOMCE eta HEZIBERRIren aurkako planto dinamikak.

Entzun
Poeta Madarikatuak | Beat Generation probokatzailea [1×01]

Poeta Madarikatuak | Beat Generation probokatzailea [1×01]

Beat mugimenduaren zirrikituak landuko ditugu gaurkoan. Zirrikituak diogu Estatu Batuetako 50eko hamarkadako gizartearen zirrikitu ilun, probokatzaile eta lizuntzat hartua izan zelako, izan ere, idazle talde horrek, jendartearen erraiak astindu eta puritanismoa eta american dream delakoaren argi-itzalak agerian utzi zituen, droga, alkohola, askatasun sexuala eta espiritulitatea zutabe gisa aldarrikatzen zituelarik. Eta, ezin zaigu ahaztu jazz musika lazgarria bikote kide izan zutela mugimendu hori osatzen zuten hainbat idazlek, batez ere, haien poesia irakurketak girotzerako orduan.

Ibilbide azkarra, bat-batekoa izango da, Beat Generationaren sinbolo diren idazleen biografiak, poemak eta bitxikeriak jorratzen ditugun bitartean; Jack Kerouac, Diane di Prima, Elise Cowen, William S. Burroughs, Joyce Johnson eta Allen Ginsbergenak, alegia. Horretaz gain, gure kolaboratzaileen ahotsak bidai-lagun izango dira, idazle horien poemaren bat errezitatzen dutelarik. Hortaz, drogak, orgiak, poesia, jazza, budismoa edota adierazpen askatasunaren aldarrikapenez jositako saioa dugu! Goza ezazue bideaz.

Abestien zerrenda:

  • Lust for life – Iggy Pop (sintonia, Lust for life, 1977).
  • San Francisco – Jack Kerouac Jazz and Prose (The mad ones, brief history of the Beat Generation, 2009).
  • Nik ere – Napoka iria (Arnasten ikasteko berriz, 2013).
  • If you want the smoke be the fire – Maidavale (Tales of the wicked west, 2016).

Liburuen zerrenda:

  • On the road (1957), The Dharma Bums (1958), The Subterraneans (1958), Doctor Sax (1959), Big Sur (1962) – Jack Kerouac.
  • Ulua (1956), Kaddish (1961) eta The Fall of America (1973) – Allen Ginsberg.
  • Naked lunch (1959), Junkie (1953), Nova Express (1964) eta Queer (1985) – William S. Burroughs.
  • The floating bear (1973) eta Memoirs of a beatnik (1969) – Diane di Prima.
  • Minor characters (1983) – Joyce Johnson.
  • The ladder, Fuck you eta City lights (60ko hamarkada) – Elise Cowen.
Entzun
Energia kontsumoan % 20 aurreztea lortu du Asparreneko Udalak, eguneroko jokabideak aldatuta

Energia kontsumoan % 20 aurreztea lortu du Asparreneko Udalak, eguneroko jokabideak aldatuta

Asparreneko Udaletxeko energia kontsumoa % 20 murriztea lortu du Udalak, Europako PrEEt programari esker. Eguneroko jokabideak moldatzea du helburu programak, hala nola ordenagailuetako pantailak itzaltzea, geletako argiak itzaltzea (bi minutuz ateratzeko bada ere) edota inpresorak itzaltzea. Halako ekintza txikiei esker energia fakturan aurreztea lortu dute Asparreneko Udaletxeko eraikinean. Asmo berari eusteko asmoa dutela esan du ARABA HIZPIDEn Arkaitz Gobantes udal teknikariak.

Entzun

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies