Tertulia: udal gaiak Aitor Miguel (EH Bildu) eta Erika Martinezekin (EQUO)

Tertulia: udal gaiak Aitor Miguel (EH Bildu) eta Erika Martinezekin (EQUO)

Udal ordezkariak izan dira gaur ARABA HIZPIDEko tertulian. EH Bilduko Aitor Miguelek eta Equoko Erika Martinezek hondakinen kudeaketaren munizipalizazioa, Gasteiz Antzokiaren atzerapena eta udal langile emakume eta gizonen soldata-ezberdintasuna izan dituzte hizpide.

Entzun
AleaFM 2018-04-10

AleaFM 2018-04-10

Hilaren hasiera denez, Oihaneder Euskararen Etxearen egitarauari errepasoa emango diogu, eta datorren ostiralean bertan Ane Gebara ipuin-kontalariak aurkeztuko duen Harriek kontatu didate proiektua ezagutuko dugu.

Pil-pilean atalean, Kurdistanera joango gara, eta orain dela gutxi bertako Newroz jaialdian izan den Igarki Robles Euskal Herriko delegazioaren kidearekin hitz egingo dugu. Ondoren, Mexikora egingo dugu salto, eta bertan bizi den Maddalen Gil gasteiztarra ezagutuko dugu. Amaitzeko, Euskararen Agenda.

 

Entzun
Gasteiz Zero Zabor: “FCCk zerbitzua utzita, zabor-bilketan hobekuntzak egiteko aukera zabaltzen da”

Gasteiz Zero Zabor: “FCCk zerbitzua utzita, zabor-bilketan hobekuntzak egiteko aukera zabaltzen da”

Argazkia: Berria (Foku)

FCCk Gasteizko hondakinen kudeaketa uzteko asmoa adierazi ondoren, Gasteiz Zero Zabor taldearen iritzia jaso nahi izan dugu ARABA HIZPIDEn. Iosu Aranbarrik adierazi duenez, Udalak azpi-kontratazioa egiteko baldintzen plegua egin behar du orain, eta horrek aukera berriak ematen ditu zabor bilketan hobekuntzak txertatzeko. Hobekuntza horien artean, Europatik datorren zuzentaraua betetzera bideratutako neurriak leudeke, adibidez: 2020rako biltzen den zaborraren % 50 birziklatu behar da, horren arabera. Ereduak ez dira falta, Aranbarriren iritziz: Nafarroan onartu den plana erreferentzia bat izan daiteke Arabako hondakinen kudeaketarako.

Entzun
ANC Euskal Herria: “Kataluniako gizartea zaildu egin da eta tinkotasun handia dago”

ANC Euskal Herria: “Kataluniako gizartea zaildu egin da eta tinkotasun handia dago”

Katalunian azken hilabeteotan izandako gertakariak aztertu ditugu Begotxu Olaizola Assemblea Nacional Catalanaren Euskal Herriko koordinatzailearekin. Datorren ostiralean egingo dute Jordi Sanchez JxCat-eko hautagaiaren inbestidura saioa, baina ANCk argi esan du Puigdemont dela euren apustua, horrek prozesua nazioartekotzeko aukera emango lukeelako. Puigdemonten beraren egoera, Espainiaren bortizkeria eta Kataluniako zein Euskal Herriko gizarteen erreakzioak izan ditu hizpide, baita CDRen kriminalizazioa ere.

Entzun
“Borroka partekatua da munduko hizkuntza aktibista gazteena”

“Borroka partekatua da munduko hizkuntza aktibista gazteena”

 

Beñat Garaio hurbildu zaigu Kantoira HIGA ekimenari buruz hitz egitera, Gasteizen egingo den Hizkuntza Gutxituetako Hiztun Gazteen Topaketa, hain zuzen ere. Ekimenaren helburu nagusia elkar ezagutzea izango da, hau da, munduko hizkuntza gutxituetako hiztun gazteak harremanetan jartzea, borroka partekatua baita gure hizkuntzen aldekoa. Lau eguneko egitarauak hitzaldiak, ibilaldiak, emanaldiak eta askoz ere gehiago biltzen du. Euskaldun, zein atzerritarrak gonbidatu ditu Beñatek izena ematera, apirilaren 13ra arte dago eta epea zabalik.

Entzun
Poeta madarikatuak | Ileak tentetzeko literatura [1×05]

Poeta madarikatuak | Ileak tentetzeko literatura [1×05]

                 

Irudiak: La cámara sangrienta – Angela Carter, Alejandra Acosta (2014ko ed.) eta La condesa sangrienta – Alejandra Pizarnik, Santiago Caruso (2009ko ed.).

Bosgarren saio honetan, munstro bat gertutik ezagutuko dugu eta jorratu dugun idazle baten obra garrantzitsuena ezagutuko dugu, edota kontu handiz ibili beharko gara beste munstro batek bere haginak gure lepoan sar ez ditzan…edo kondesa baten hilketa anitz eta odoltsuak ezagutuko ditugu…azal gogorra beharko duzue saiorako, abisatuta zaudete…bihotzetik sufritzen dutenentzat gomendagarria ez den saioa izango da, literatura gotikoari buruzkoa, hain zuzen ere.

 

Literatura gotikoa XVIII. mendean Ingalaterran sortu zen, eta Erromantizismoaren korrontearen baitan sortu zen, Ilustrazioaren ideiekin apurtu nahi zuen korrontean, hain zuzen ere. XIX. mendera arte iraun zuen bere loraldiak, garaiko modak aldatu baitziren eta bestelako genero batzuek indar handiagoa hartu zutelako. Baina, gaur egunera arte oihartzuna izan du eta guztiok ezagutzen ditugun obra garrantzitsuak sortu ziren genero honen baitan. Aipagarrienak: “Frankenstein”, “Dracula”, “Kondesa odoltsua”, “Usher etxearen gainbehera” edota “Carmilla” dira.

 

Nola landuko dugu hori guztia? Atzerriko literatura atalean, munstroen inguruko obra ezagunenak landuko ditugu, “Frankenstein” eta “Dracula”, alegia. Ostean, literatura gotikoan oso erabilia izan den ipuingintzaz hitz egingo dugu, Edgar Allan Poeren eskutik. Literatura feministan, Angela Carterren ipuin beldurgarri eta odoltsuak gertutik ikusiko ditugu baita Alejandra Pizarnikek idatzitako eleberri zinez beldurgarri eta ahaztezina ere. “Carmilla” ipuin deserosoan ere, sartuko gara, nahiz eta Sheridan Le Fanuk idatzia izan, gizon batek, garairako ezohikoa den harreman-mota bertan garatu zuen, eta interesgarria delakoan gaude. Eta azkenik, Beñat Perez etorriko zaigu, berriz ere, literatura gotikoan oinarritutako abesti bitxiak eskaintzera.

Abestien zerrenda:

  • Golden Age – Union Carbide Productions (From influence to ignorance, 1991).
  • One beat – Sleater Kinney (One beat, 2002).
  • Human fly – The Cramps (Bad music for bad people, 1990).
  • Dracula ye, ye – Doctor Explosión (1996).

Liburuen/pelikulen zerrenda:

  • Frankenstein – Mary Shelley (1818).
  • Frankenstein (pelikula) – James Whale (1931).
  • Dracula – Bram Stoker (1897).
  • The fall of the house of Usher (Usher etxearen gainbehera) (1839), The Black Cat (Katu beltza) (1843) – Edgar Allan Poe.
  • The bloody chamber (La cámara sangrienta) – Angela Carter (1979).
  • The bloody countess (La condesa sangrienta) – Alejandra Pizarnik (1966).
  • The countess (pelikula) – July Delpy (2009).
  • Carmilla – Sheridan Le Fanu (1872).
  • Re-Animator – Stuart Gordon (1985).

                           

Irudiak: Frankenstein – Mary Shelley (1831ko ed.) eta Carmilla – Sheridan Le Fanu (1872).

Entzun
Poeta madarikatuak | Ondinen abestien bila [1×04]

Poeta madarikatuak | Ondinen abestien bila [1×04]

   

Marrazkiak: Jules Verneren eleberriak, Henri de Montaut, Alphonse de Neuville.

Oraingoan, 80 egunetan munduari bira emango diogu, Mississippi ibaia itsasontziz zeharkatuko dugu edota munduaren erraietaraino helduko gara! Beno, gaurkoan nahiko erraz jarri dugu, ezta? Hizpidea literatura eta bidaiak izango da, eta beraz, autore andana jorratuko ditugu, eta baliteke bidaiei bigarren saiotxo bat eskaintzea, izan ere, hain da zabala gai hori…Horretarako, ibilaldi desberdinak jorratuko ditugu, izen klasikoak landuko ditugu, Jules Verne edo Mark Twain esaterako, izan ere, ezin zaizkigu fikziozko bidaiak ahaztu, Twainen Huckleberry Finn pertsonaiak Mississippin zehar egindakoa edota Nemo kapitainak Nautilus urpekarian egindakoak ere ez. Fikziotik errealitatera, eta gugandik gertuago dagoen garai batera hurbilduz, Ernesto Che Guevarak Hego Amerika motorrez gurutzatu zueneko bidaiaren inguruko zertzelada batzuk emango ditugu, askotan, errealitatea fikzioa baino interesgarriagoa izan daitekeelako.

Baina ez zaizkigu emakumeak ahazten, ez horixe, eta Mary Wollestonecraft eta Mary Shelley hementxe izango ditugu, eta esango duzue, Mary Shelleyk eta Mary Wollestonecraftek zer zerikusi daukate bidaiekin? Ezagunagoak dira, Wollestonecraft “Emakumeen eskubideen aldeko errebindikazioa” saiakeragatik eta Mary Shelley, haren alaba, “Frankenstein” eleberriagatik, baina, Eskandinaviara eta Italiara bidaiatu zuteneko istorioak interesgarriak direlakoan gaude, eta hori dela eta, bi autore hauen beste aurpegi berri bat aurkeztu nahi izan dizuegu.

Azkenik, bitxikeria gisa, eleberrietan oinarritutako mapak aurkeztuko dizkizuegu mapa horiek guztiak batzen dituzten bi eleberriren bidez. Ahalik eta gogotsuen Huckleberry Finn edo Jules Verneren eleberrien mapak deskribatzen saiatuko gara, baina onena, betiko moduan, esku artean edukitzea eta irakurzale onenen antzera, letrak banan-banan dastatzea da. Gozatu bidaiaz!

Irudia: Trazado, Un atlas literario. Andrew DeGraff, Daniel Harmon (2016).

Abestien/pelikulen zerrenda:

  • House Of Laughter – Blowfuse (Into the Spiral, 2013).
  • MIghty Man – Mark Knopfler (Tracker, 2015).
  • Diarios de motocicleta – Walter Salles (2004).
  • Cherry Bomb – The Runaways (The Runaways, 1976).
  • Robot Stop – King Gizzard & The Lizzard Wizard (Nonagon Infinity, 2016).

Liburuen zerrenda:

  • Into the wild (Hacia rutas salvajes) – John Krakauer (1996).
  • I Could Read the Sky (Sabía leer el cielo) – Timothy O’Grady, Steve Pyke (1997).
  • Voyages extraordinaires (Viajes extraordinarios) – Jules Verne (1828-1905).
  • Huckleberry Finn – Mark Twain (1884).
  • Notas de viaje – Ernesto Che Guevara (1951-52).
  • Cartas escritas en Suecia, Noruega y Dinamarca – Mary Wollestonecraft (1796).
  • Historia de una excursión de seis semanas – Mary Shelley (1817).
  • Trazado. Un atlas literario – Andrew DeGraff, Daniel Harmon (2016).
  • Maravillosos mundos literarios – AA.AA (2017).

 

Entzun
MODA (Armentia 1. batxi)

MODA (Armentia 1. batxi)

Armentia Ikastolatik batxilergoko 1. mailako ikasleak etorri dira Hala Bedira, eztabaidarako duten gaitasuna mikrofonoetan erakustera. Entzun beheko podcast-a!

Gaur egun, fisikoarekiko obsesioa oso ohikoa da gazte zein helduen artean. Debate honetan antzeman daitekeen bezala, zenbait iritzi desberdin daude. Alde batetik, fisikoarekiko obsesioa gizarteak inposatutako kanonengatik dela pentsatzen duen “psikologo ospetsua” dago.  Horrez gain, modelo baten papera ere egin dugu, heziketa fisikoko irakaslearen papera eta pediatra baten papera antzeztu dugu, iritzi ezberdinak islatu ahal izateko.

Parte hartzaileak: Eider Herreros, Ainhoa Vazquez, Joanes Etxeberria, Nerea Balbás eta Igor Sousa.

Entzun
GREBA (Armentia 1. batxi)

GREBA (Armentia 1. batxi)

Armentia Ikastolatik batxilergoko 1. mailako ikasleak etorri dira Hala Bedira, eztabaidarako duten gaitasuna mikrofonoetan erakustera. Entzun beheko podcast-a!

Gure irratsaioan martxoak 8ko greba feministari buruz hitz egin dugu. Honetan bi pertsona (Mikel eta Elena) gizonezkoak manifestaziora joatearen alde daude eta beste bi (Asier eta Julene) honen kontra. Debatea aurrera eramateko, moderatzaileak (Iratxek) hainbat galdera egin ditu.

Entzun
EZKONTZA HOMOSEXUALA (Armentiako 1. batxi)

EZKONTZA HOMOSEXUALA (Armentiako 1. batxi)

Armentia Ikastolatik batxilergoko 1. mailako ikasleak etorri dira Hala Bedira, eztabaidarako duten gaitasuna mikrofonoetan erakustera. Entzun beheko podcast-a!

Miamiko irakasle bat lanetik bota dute beste emakume batekin ezkontzeagatik. Ikastetxe hau katolikoa da, horregatik neurri zorrotz horiek hartu zituzten. Armentiako 5 gazte elkartu dira gai honi buruz eztabaidatzeko eta beraien argudioak eman dituzte bakoitzaren ideia defendatzeko. Batzuk, uste dute gaur egungo egoerak kontuan hartuta ez dutela lanetik bota behar, hau da, bere bizitza pribatua ez duela kaltetzen ikastetxeko egoera. Besteek aldiz,egoera hori ezin dela onartu uste dute, ikastetxeko arauak bete behar dituela eta ondo dagoela zuzendaritzak hartu duen erabakia.

Parte hartzaileak: Ane Ruiz de Pinedo, Nekane Llanos eta Naroa Velasco.

Entzun

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies