Hardcore  gaua,  Los  Zopilotes  Txirriaos  eta  Munduko  Arrozak,  Zaramagako  jaietako  protagonista  nagusiak

Hardcore gaua, Los Zopilotes Txirriaos eta Munduko Arrozak, Zaramagako jaietako protagonista nagusiak

Astean zehar hasiko dituzte aurten jaiak, Herrialde Katalanetako prozesu independentistari keinu bat egitearekin batera. Ostiralean eta larunbatean txosnaguneko kontzertuek izango dute indarra, auzoan ospatzen duten Munduko Arrozak jaialdiarekin batera.

Ikasturte amaieran ospatzen dira gehienbat Gasteizko auzoetako jaiak: ekaina hasieran Aranakoekin hasi eta uztaila amaiera arte jaiak ospatzen dituzte Txagorritxun, Judimendin edota Zabalganan. Hala ere, ikasturtea hasi bezain pronto badira beste jai batzuk: Zaramagakoak. Martxoaren 3ko auzoan txosnagunea egongo da ostiralean eta larunbatean, baina beste urte batez, Munduko Arrozek berebiziko garrantzia izango dute larunbatean.

Asteazkenean hasiko dira ekimen ezberdinak. nahiz eta txosnagunea ostiralean ireki, Herrialde Katalanetako prozesuari euren alea jarri nahi diote auzoan. Hori dela eta, “Terra Lliure, punt final” dokumentala eskeiniko dute irailaren 13an M3moria Gunean, 19:00etan.

Musikari dagokionez, ostegunean, Silvio Rodriguezen abestiak joko ditu “Silvio eta Rodriguez” kantautoreak Jaione tabernan. Asteburuan, aldiz, Iparralde gizarte – etxean kokatuta egongo den txosnagunetik talde ezberdinak pasako dira. Ostiralean, adibidez, Hardcore gaua izango da eta hiru talde ezberdin egongo dira. Larunbateko kontzertu nagusia, aldiz, Los Zopilotes Txirriaos talde nafarra izango da.

Munduko Arrozak jaialdia Laudio plazan ospatuko dute, larunbatean. 12:00etan hasi eta 19:00ak arte luzatuko da: umeentzako sukaldaritza tailerra, dastatzea, “La Encina” abesbatza, dantzaldia… eta beste hainbat ekimen egongo dira zazpi orduetan.

Egitaraua osorik

Irailaren 11tik 16ra Argazki lehiaketako argazkien erakusketa BOGA BOGA tabernan (lehiaketan parte hartzeko apuntatu abuztuaren 15tik
irailaren 10era BOGA BOGA tabernan, Vitoria kalea 4).

Irailak 12 asteartea
17:00 Adin guztietarako Aerobic saioa Amurrio parkeko osasun parkean, Zaramagako adinekoentzako zentro soziokulturalaren eskutik.
17:30 Egurrezko jokoak. Zuberoa plaza.

Irailak 13 asteazkena
19:00 “Terra Lliure. Punt final” dokumentalaren emanaldia. M3 Memoria Gunea (Fermin Lasuen 5).
Irailak 14 osteguna
17:30 Umeentzako ikuskizuna. Ane Gebara ipuin kontalaria. Iparralde 2 G.E. (erabilera anitzeko gela).
19:30 “Silvio eta Rodriguez” kantautorea. Jaione taberna (Zuia koadrila kalea).

Irailak 15 ostirala
18:00 Karate ikuskizuna. Martin de Salinas plaza (Iparralde parkeko pasealekua).
22:00 Rock kontzertuak. Zuberoa Plaza:
LAZY DAISY BAND / THE FAITHLESS / LOMOKEN HOBOKEN

Irailak 16 larunbata
Egun guztian zehar liburu trukea eta Koussane (Mali) herrixkara materiala bidaltzeko elkartasun azoka. Laudio plaza.
10:00-18:00 8 eta 14 urteko umeentzako Xakeko mate lehiaketa handia. Laudio plaza.
12:00-14:00 Umeentzako margo lehiaketa. BOGA BOGA taberna (apuntatzeko irailaren 12ra arte BOGA BOGA tabernan, Vitoria kalea 4).
12:00-14:00 Fanfarrea auzoko kaleetan zehar.
12:00 Munduko arrozak kultur arteko Jaialdiaren hasiera. LAUDIO PLAZA.
 12:00 Umeentzako sukaldaritza tailerra Su-alairen eskutik.
 12:30 Dantzatzera ikasi, Zaramagako adinekoentzako zentro soziokulturaleko dibertimendurako batzordearen eskutik.
 14:00 Arroz ezberdinen dastatzea.
 15:30 kometa tailerra.
 16:30-19:30 Umeentzako puzgarriak Laudio plazan.
 17:00 Banakako igela lehiaketa
 17:30 Jolastuko dugu?herrialde ezberdinetako pertsonek proposatutako jolasak, ASVE elkartearen eskutik.
 18:00“Cocadak” prestaketa eta dastatzearekin, ASVE elkartearen eskutik.
 18:00 “La Encina” abesbatza eta dantza taldearen emanaldia, Hogar Extremeñoaren eskutik.
 19:00 Dantzaldia: “Las Palmeras” orkestrarekin.
22:00 Kontzertuak. Zuberoa plaza.
ODOLKIAK / NAKBA / LOS ZOPILOTES TXIRRIAOS / DJ KOMANDO KLITORIX

Irailak 17 igandea
Egun guztian zehar liburu trukea eta Koussane (Mali) herrixkara materiala bidaltzeko elkartasun azoka. Laudio plaza.
10:00-18:00 8 eta 14 urteko umeentzako Xakeko mate lehiaketa handia Laudio plazan.
12:00-14:00 Familia ginkana. Laudio plaza.
12:00 Emakume, gizon eta haurrentzako bolo txapelketa Martxoak 3 plazako boleran, Arabar Boloaren Elkartearen eskutik.
12:00 X. Maskota lehiaketa eta animalien inguruko Marrazki lehiaketa. Martin de Salinas plaza.Izen emateak: Irailaren 16ra arte TXAKURZAIN
dendan (Fermin Lasuen kalea 3).
12:30-14:30 Danborrada auzoan zehar auzoko DANOK BAT eta AZKENEAN elkarte gastronomikoen eskutik.
17:00-19:00 Tortilla txapelketa. Laudio plaza. (Izena ematea irailaren 16ra arte BOGA BOGA tabernan, Vitoria kalea 4, lekuak bete arte).
18:00 Euskal dantzen emanaldia. Laudio plaza.
19:30 Country dantza tailerra. Laudio plaza. (Cowboy eran jantzita datorrenen artean opari bat zozketatuko da).
20:30 Sarien banaketa eta tonbolaren zozketa. Laudio plaza.

Txosnaguneko egitaraua

 

“Mozal  Legea  ez  da  gure  eguneroko  bizitza  baldintzatuko  duen  ezer”

“Mozal Legea ez da gure eguneroko bizitza baldintzatuko duen ezer”

Hala Bedi Irratiko kazetari bat Mozal Legearen aplikazioz zigortua izan zen Errekaleorreko argi mozketaren berri emateagatik. Irratitik jasotako isuna ez ordaintzeko erabakia hartu dugu eta horrek ere zabalpena izan du hedabide ezberdinetan. Está Pasando en Gasteizek Hala Bediko bi kide elkarrizketatu ditu honen berri izateko. “Adierazpen askatasuna murrizteko legea dela” argi utzi dugu elkarrizketan eta hau soilik “harri txiki bat” besterik ez dela izango badakigu. “Ez da gure eguneroko bizitza baldintzatuko duen ezer”.

Bideoa: Está Pasando en Gasteiz

Gasteizko  Alde  Zaharrean  oinarrituta  dagoen  Goian  proiektuaren  programazioa  urriaren  2an  jarriko  da  martxan

Gasteizko Alde Zaharrean oinarrituta dagoen Goian proiektuaren programazioa urriaren 2an jarriko da martxan

12 urte bete dituen proiektuak parte-hartzea, euskara, hezkidetza, kultur aniztasuna eta elkar zaintza izango ditu lan ardatz nagusi. 18 urtetik gorako bizilagunen arteko harremanean ere indarra jarriko dute.

Goian proiektuak, Gasteizko Alde Zaharreko auzo ikuspegia duen gizarte hezkuntza proiektua, Alde Zaharreko elkarbizitza hobetzea du xede. Aniztasuna egitate gisa ulertzen duten heinean, auzoaren errealitatean oinarritu eta bizikidetza sustatu eta praktikatzea dute helburu. Parte-hartzea, euskara, hezkidetza, kultur aniztasuna eta elkar zaintza dira lan ardatz nagusiak.

Proiektuak 12 urte betetzen dituenean, argitu dutenez, auzoko espazio ezberdinak erabiliko dituzte jolasteko eta ezagutzeko: Landatxoko polikiroldegia, Auzolana Pilotalekuan eta gizarte etxea. Udalak eta Goian Kirol eta Kultur Elkarteak sinatutako hitzarmenaren bultzada ekonomikoarekin hasiko dute ikasturtea.  “Proiektua egonkortzeaz gain, erronka eta helburu berriei heltzeko aukera ematen digu”.

Amaitzeko,18 urtetik gorako bizilagunak elkar topatzeko programazioa osatu dute. “Helduok ere izango dugu auzoan elkar ezagutzeko parada sukaldaritza tailer, haziera talde, futbol talde edota emakumezkoentzako gorputz adierazpen tailerren bitartez”, azaldu dute.

Informazio gehiago: www.goian.org

Tailerrak

 

 

Memoriarekin  hitzordua,  La  Tejerako  bihurgunean,  Añanan

Memoriarekin hitzordua, La Tejerako bihurgunean, Añanan

Frankistek hil zuten Primitivo Fernandez de Labastida, Monica Barron del Val eta Florentino Garcia omenduko dituzte irailaren 9an, 13:00etan. Primitivo Fernandez de Labastidaren familiaren eginahalari esker, lurpetik atera zituzten gorpuzkiak 2010eko ekainean.

Alea.eus bidez

Primitivo Fernandez de Labastida, Monica Barron del Val eta Florentino Garcia Valenciaren gorpuzkiak 2010. urtean atera zituzten La Tejerako mendateko bide bazterreko zulotik. Ordutik, urtero, fusilatutako nekazarien senitartekoak eta lagunak bertan biltzen dira. Datorren irailaren 9an, Ahaztuak elkarteak deituta omenaldia egingo diete, 13:00etan.

Gesaltza-Añana eta Paul herriak lotzen dituen errepideko bihurguneari  “El hoyo de los muertos” esaten zioten añanarrek; ageriko sekretua zen bertan hiru pertsona hil eta hilobiratu zituela Tuestako eta Bovedako erreketeen talde batek, 1936ko irailaren 3an. Toki horretan, errepide bazterrean, egun, monolito bat dago, beti lorez apainduta; frankismoaren hiru biktima hauek gogoratzen ditu harriak eta hilketa lazgarriaren historia jasotzen du.

Primitivo Fernandez de Labastidaren familiaren  eginahalari esker, lurpetik atera zituzten gorpuzkiak 2010eko ekainean. Urteak joan urteak etorri, Fernandez de Labastidaren emazteak, bi alabek, eta ilobak irailaren 3ko gau hartan gertatutakoari buruzko testigantzak jaso zituzten. Eskualdeko herritarrek, gauzak kontatzeaz gain, babesa eta maitasuna ere agertu zietela nabarmendu dute behin baino gehiagotan senideek.

Familiaren eginahala 

Bada, informazio guztia eskuetan zutela, Ahaztuak 1936-1977 elkartearekin harremanetan jarri ziren, indusketa egiteko laguntza eske. Maiatzaren 29an hasita, hiru asteburutan egin zituzten lanak. Ekainaren 12an, etsitzear zeudela, garezur zati bat aurkitu zuten, eta astebete beranduago Aranzadiko teknikariek hiru gorpuzkiak atera zituzten bertatik. Fernandez de Labastidarekin batera aurkitu zituzten Monica Barron del Val eta Florentino Garcia senar-emazteak. 

Hirurak ziren nekazariak, eta hirurak Arabako Añana Kuadrillatik kilometro gutxira dauden Burgosko herri txikietako bizilagunak: Fernandez de Labastida Santa Gadea del Ciden bizi zen eta 35 urte zituen, Barron del Val eta Garcia Villanueva de Soportillakoak ziren; emakumeak 45 urte zituen eta gizonak 47. Gauez atera zituzten hirurak etxetik, La Tejerako mendatera eraman zituzten, eta bertan fusilatu.

Països  Catalans:  Ley  de  referendum  aprobada  en  Catalunya  y  movilizaciones  de  apoyo  en  Gasteiz

Països Catalans: Ley de referendum aprobada en Catalunya y movilizaciones de apoyo en Gasteiz

La ANC que trabaja en Euskal Herria ha convocado concentraciones en las cuatro capitales de Hego Euskal Herria este sábado a las 12:00. Pretenden de esta manera apoyar la convocatoria del referendum dos días antes de la Diada.

Bajo el lema “Kataluniarekin Diadan eta erreferendumean”, ANC (Assemblea Nacional Catalana) Euskal Herria saldrá a las calles de las capitales de Euskal Herria el próximo sábado 9 de septiembre. La convocatoria de Araba será a las 12:00 en la Plaza de la Virgen Blanca. Por otra parte, desde la dinámica “asCATasunera” que se presentó el 8 de abril, se ha convocado una concentración el 11 de septiembre, día de la Diada, en la misma plaza a las 12:30.

No son las primeras movilizaciones que se hacen los últimos meses en Gasteiz en apoyo al momento histórico que está viviendo el pueblo catalán. Gure Esku Dago también se concentró bajo el lema “Demokrazia” en la capital alavesa el pasado junio para apoyar la convocatoria de referendum y a las encausadas por convocar el referendum del 9N. 

Convocatoria del sábado 9 de septiembre

Convocatoria del 11 de septiembre

Eskean  Kristok  egin  du  Aske  Rock  jaialdiaren  bideoklipa

Eskean Kristok egin du Aske Rock jaialdiaren bideoklipa

Dispertsioaren testigantzak jaso dituzte Gorbeia Euskadin grabatu duten bideoarekin batera. Urriaren 21eko jaialdirako sarrerak salgai jarri dituzte antolatzaileek: askerock.eus webgunean dago informazio guztia.

Eskean Kristö taldeak, urriaren 21eko jaialdian parte hartzeaz gain, Gsteizen egingo den jaialdiaren bideoklipa eta abestia egiteko konpromisoa hartu du. Bideoklipan ikus daitekeenez, Gorbeia Euskadin grabatu dute bideoaren zati handi bat, dispertsioa pairatzen dutenen testigantzak ere bilduz.

Uztailean egindako aurkezpenean azaldu zutenez, “pertsona errepresaliatu ezberdinek pairatzen duten giza eskubideen urraketarekin arduratuta dauden norbanako ezberdinek” sortu dute jaialdi hau. 

Helburu ezberdinak izango ditu jaialdiak. Haietako bat, euskal preso eta iheslariek pairatzen duten egoera sozializatzea izango da; bestea, aldiz, dispertsioak eragiten dituen gastuei aurre egiteko dirua biltzea izango da.

Egun, 29 pertsona daude preso Araban. Batez beste, etxetik 660 kilometrotara daude; hau da, senide eta lagunek 1.300 kilometro baino gehiago egin behar dituzte bisita bakoitzeko. Beste modu batean esanda, 20.000 € suposatzen die dispertsioak senide eta lagunei urtero.

“Ez gara libre izango haiek ASKE izan arte” leloa izango duen jaialdian zortzi talde egongo dira: Willis Drummond, Eskean Kristo -bideokliparen abestia egingo dute-, Esne Beltza, Bad Sound, Riot Propaganda, Mafalda, Txarango eta Zoo. Sarrerak Euskal Herriko txoko ezberdinetan salgai daude jada. askerock.eus-en ere erosi daitezke.

Marina  Sagastizabal:  “Garrantzitsua  da  bizitzarako  tartea  utziko  duen  jendarte  bat  eratzea”

Marina Sagastizabal: “Garrantzitsua da bizitzarako tartea utziko duen jendarte bat eratzea”

Marina Sagastizabal (1989) soziologo gasteiztarraren lanean bat egiten dute kaleko kezkek eta ikerketa akademikoak. Zergatik parte-hartze politikorako eremu formalenetan txikitzen da emakumeen presentzia, haien bizi-zikloak aurrera egin ahala? Sagastizabalek gakoetako bat azpimarratu du: denboraren banaketa.

Argia.eus bidez | Uxue Apaolaza

“Presentzia hirukoitzaz” ari zara zeure lanean. Zer esan nahi du?

Presentzia hirukoitz horrek hartzen ditu etxeko eta zaintza-lanak, enplegua eta parte-hartze soziopolitikoa. Hiru horiek eguneroko bizitzan nola uztartzen diren aztertu dut, tesiaren helburua baita hori lortzeko egunerokoan zer aukera, oztopo eta estrategia dauden ikustea.

Presentzien banaketa hori oso lotuta dago denboraren banaketarekin.

Bi alderditatik aztertu dut denboraren banaketa: kuantitatibotik, inkesten bidez, eta kualitatibotik. Presentzia hirukoitzaren planteamenduak zerikusia du Italiako soziologo batzuen ikerketekin: haiek presentzia bikoitzaz hitz egiten dute. Hau da, emakumeen presentzia hazi egin da lan-merkatuan, baina ez diote utzi etxeko eta zaintza-lanen protagonista izateari. Bi lan hartzen dituzte beren gain egunerokoan, eta hori ez da bi lanen batuketa hutsa, lan horiek koordinatu eta kudeatu egin behar baitira. Eremu batetik bestera ibili behar dute, eta horrek ezinegona sortzen du, ez daukate denborarik beste ezertarako.

Industria Iraultzatik honako garaian kokatu duzu ikerketa.

Bai, baina bereziki Bigarren Mundu Gerraren ondorengo aldian eta Mediterraneoko herrialdeetan. Euskal Herria ere testuinguru horretan dago, ongizate-zerbitzu murritzekoak eta oso familistak diren lekuen multzoan. Horietan, zaintzaren alorreko politikak oso gutxi garatu dira, ziurtzat jotzen baita lan horiek musu truk egingo dituen familia bat –batez ere emakumeak– dagoela. Interesgarria da Italian 80ko hamarkadan egin zuten lege proiektua, denbora politikaren lehen pausoa.

Zertan zetzan?

Kontziliazio politikak kritikatu ziren eta bizitzaren denboraz hitz egin zuten. Gure jendartea lan merkatuaren inguruan dago antolatuta eta horrek esan nahi du ez dagoela beste ezertarako denborarik. Zaintza eta etxeko lanak ez dira kontuan hartzen, baina ezta parte-hartze soziopolitikoaren denbora ere. Azpimarratu zuten garrantzitsua dela bizitzarako denbora utziko duen jendarte bat eratzea, gure bizitzaren erdigunea lan merkatua ez izateko eta gure bizi ibilbidea lan merkatuaren arabera ez antolatzeko.

Zergatik da garrantzitsua Eustatek adibidez denboraren banaketa hori jasotzea?

Eustaten denbora aurrekontuen inkestak 1993tik 2013ra egin dira eta ikusi da erabilgarriak direla etxeko eta zaintza lanen eremua ikusgai egiteko. Krisi ekonomikoaren garaian, adibidez, ikusten da maila sozialean denbora gehiago ematen zaiola etxeko eremuari eta gure ongizatea hein handiagoan datorrela etxeko eremuan ekoizten denetik, lan merkatutik baino. Aldiz, gure imajinarioetan askoz pisu handiagoa du lan merkatuak. Inkesta horien muga handi bat da erabiltzen duten denboraren kontzepzioa hegemonikoa dela, batuketa hutsa. Kantitateaz ari dira, ez kalitateaz, eta zaintzen eremuan oso garrantzitsua da hori. 

“Langile txanpiñoia” esamoldea erabili duzu zuk eta erabiltzen du feminismoak. Zer esan nahi du?

Hainbat ekonomialari feministak erabiltzen dute kontzeptu hori, tartean Amaia Pérez Orozcok. Hark dio “langile txanpiñoia” dela egunero lan merkatura ateratzen den langilea, prestasun osoz. Egunero esnatzen da beharrizan guztiak aseta: jatekoa, arropa garbia eta lisatua, segurtasun psikologikoa… Dena bermatuta dauka eta ez du ardurarik lan horiek guztiak egiteko. Badu beste pertsona bat etxean, emakume bat, bere beharrizan guztiak bermatzen dizkiona berak lan merkatuan aritu ahal izateko prestasun horrekin. Kapitalismoarentzat ezinbesteko figura da. 

Emakumeen helburua ere izan da txanpiñoi izatea.

Bai, kapitalismoaren eta patriarkatuaren arteko ezkontza da, eta sistemak figura hori erreproduzitzera bideratzen gaitu. Mundu guztiak kopiatu behar ditu eredu horiek. Gainera, parte-hartze soziopolitikoa aztertzean, ikusi dut eremu horretan ere militante txanpiñoia dela protagonista. Normalean gizon bat, patroi berarekin: politikan parte hartzeko prestasun guztia dauka, batzar guztietan egotekoa… Zergatik? Beste pertsona bat daukalako beste beharrak bermatzen. 

Eremu horietan badira horri aurre egiteko estrategiak, haurtzaindegiak kasu.

Bai, baina azkenean eredua berbera da. Eta oro har, eremu maskulinizatu edo formalenetan gizonak izan dira protagonista, hein handi batean prestasun horri esker. Eta militante txanpiñoiekin batera ama txarraren figura aurkitu dut: zaintza lanaren inguruko ardurak izanda parte-hartze soziopolitikotik irten ez direnak, presentzia hirukoitz horren protagonistak, hein handian. Oztopo askorekin egin dute aurrera, estigma handia dagoelako oraindik emakume horiekiko. Beren inguru guztiak bultzatzen ditu eremu soziopolitikoan ez parte hartzera, bikotekideak, familiak, lagunek, baita seme-alabek ere. Autoafirmazio esfortzu handia egin behar dute, estigmari eta erru sentimenduari aurre egiteko. Seme-alaba batzuek abandonu sentimendua transmititzen diete ama horiei, ez dute ulertzen zergatik ez dagoen ama, zergatik dagoen batzarretan eta heltzen den hain berandu gauean. Ez da gauza bera gertatzen falta dena aita denean. Horrek erakusten du zer nolako legitimitatea duen militante txanpiñoiaren figurak gizonen kasuan.

“Elkarrizketa sakona egin diet hainbat profiletako hamalau pertsonari, zaintza-esparruan ardura maila desberdinak dituztenei, hiru ibilbide kontuan hartuta: parte-hartze soziopolitikoarena, lan merkatuarena eta zaintza-lanarena. Hiru horien artikulazioa izan da lanaren ardatza, parte-hartzea era zabalean ulertuta. Maiz parte-hartzean pentsatzen dugunean eremu formalenetan geratzen gara, ikusgarrienetan. Horrek eramaten gaitu esatera emakumeok gutxiago parte hartzen dugula, edo ez gaudela parte-hartze soziopolitikoaren eremuetan, baina begirada zabaldu behar da. Askotan, hain politikotzat hartzen ez ditugun eremuetan daude emakumeak. Eremu informalagoak dira, ezkutuko lanekin zerikusia dutenak, zaintzari lotuak, eguneroko bizitzari: guraso elkarteak, auzo elkarteak… Bi eremuak dira garrantzitsuak, formalak eta informalak”.
Tren  turistikoa  baliatu  du  Ernai  Gasteizek  “Herria  Bizirik”  dagoela  aldarrikatzeko

Tren turistikoa baliatu du Ernai Gasteizek “Herria Bizirik” dagoela aldarrikatzeko

Ia ikasturte osoan zehar Gasteiz erdialdea zeharkartzen duen arren, udan betetzen da “Gasteiztxo” tren turistikoa Gasteizen. Alde Zaharra, plaza nagusiak, erdialdeko kaleak… zeharkatzen ditu trenak, gune bakoitzean zer dagoen azaltzen duten bitartean. Gehienak, turistak dira, Gasteizera eguna(k) pasatzera datozen turistak.
Abuztu partean, aldiz, ez ohiko ibilbidea egin zuen turista talde batek. Izan ere, “Gasteiz eta Herria Bizirik daudela” aldarrikatzeko,  Ernai gazte antolakundeak tren turistikoaren inguruan ekimen ezberdinak egin zituen, bideo formatuan bilduz. Irudietan ikus daitezkeenez, Martxoaren 3ko langileak, EAJ – PP akordioa, memoria, emakumeen aurkako zapalkuntza… eta beste hainbat aldarrikapen kalera atera zituen Ernaik.

Azaldu dutenez, “turismoarena sistema politiko eta ekonomiko zehatz baten adierazlerik garbiena da, gazteak esplotaziora, lan prekarioetara eta etxebizitzarako sarbiderik ez izatera kondenatzen dituena”. Modu honetan, Euskal Herriko hainbat txokotan turismo ereduari buruz eginiko adierazpen desberdinetara gehitu da hau ere.

 

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies