“Hezkuntza sistema honek zapaldu eta inbisibilizatu egiten gaitu emakumezkoak garelako”

“Hezkuntza sistema honek zapaldu eta inbisibilizatu egiten gaitu emakumezkoak garelako”

Martxoaren 8ko greba feministaren ardatzei buruzko solasaldiak egiten ari da HIZPIDEA, greba eguna iritsi bitartean. Joan den astean zaintzari buruzko solasaldia egin ondoren, hezkuntza arloaren txanda izan da gaurkoan. Gaiaren inguruan aritzeko, Gasteizko Unibertsitateko Emakume Taldeko Maite Idoate eta Eneritz Zengotitabengoa eta ELAko irakaskuntza arloko kide Miren Zubizarreta izan dira saioan, nor bere alorreko ikuspegia ematen.

Entzun
Urko Aierbe (EHE): “Bere helburuen erdira ere iritsi ez den egitasmoa izaki, ereduen sistemak porot egin duela esan daiteke”

Urko Aierbe (EHE): “Bere helburuen erdira ere iritsi ez den egitasmoa izaki, ereduen sistemak porot egin duela esan daiteke”

Hezkuntza-sistemaren A, B eta D ereduen araberako banaketaren ikerketa aurkeztu zuten atzo Euskal Herrian Euskaraz mugimenduak eta Aztiker soziologia-kabineteak. Hezkuntza esparrua eta euskalduntzea EAEn (1983-2016) ikerketaren emaitzen arabera, azken urteotan ikasleen erdia ez da iritsi euskara-maila egoki batera. Urko Aierbe EHEko kideak emaitza horien balorazioa egi du HIZPIDEAn. Bere hitzetan, ereduen sistema porrot nabarmena izan da, baita lege-iruzurra ere, ez baitu bermatu ikasleek euskara menperatzea derrigorrezko eskolaldia bukatuta. Ikerketa Araba, Bizkai eta Gipuzkoan egin bada ere, Nafarroa, Lapurdi eta Zuberoara ere estrapola daitezke emaitzak. Euskal Herri osoan ereduen sistema gaindituko duen proposamen baten aldeko aldarria egin du Aierbek

Entzun
“Egungo gizarte-ereduak merkatua kokatzen du erdigunean; guk, bizitza jarri nahi dugu, eta horri garrantzia eman”

“Egungo gizarte-ereduak merkatua kokatzen du erdigunean; guk, bizitza jarri nahi dugu, eta horri garrantzia eman”

Datorren martxoaren 8rako deitutako greba feminista dela-eta, atal berri bat zabaldu dugu HIZPIDEAn: asteartero, 09:30ean, grebak jorratuko dituen lau ildo nagusiei buruzko solasaldia egingo dugu, gaian adituak diren emakumeekin. Zaintza, hezkuntza, enplegua eta kontsumoari buruz arituko gara, beraz, eragile feminista ezberdinekin. Gaurkoan, zaintza-lanen gaiari heldu diogu, Mugarik gabe elkarteko Aitziber Romerorekin eta Bizkaiko Etxeko Langileen Elkarteko Isabel Otxoarekin. Etxeko langileen egoeraz ez ezik, soldatapekoak ez diren zaintza-lanez ere hitz egin dugu, baita zaintza-lanei bisibiklizazio handiagoa emateaz ere.

 

 

Entzun
“Gastu-araua betetzen ez bada, ekonomiaren bitartez erabaki politikoak ere har ditzake Espainiak”

“Gastu-araua betetzen ez bada, ekonomiaren bitartez erabaki politikoak ere har ditzake Espainiak”

Iban Santamaria kazetaria

Gastu-araua da, defizit-muga eta zorpetze-mugarekin batera, erakunde publikoen finantzak gidatzen dituen arauetako bat. Krisia bete-betean jotzen ari zenean ezarri zen, eta egoera ekonomikoa hobetuz joan den heinean, arazo bilakatu da, izan ere ez du gasturik egitea baimentzen ehuneko kopuru batetik aurrera. Udalak, diputazioak eta EAE zein Nafarroako gobernuak eskuak lotuta daude horren aurrean, hori gaindituz gero, Espainiak esku-hartzeko aukera baitu. Hala, erakundea gidatzen duen alderdiaren arabera, “arrazoi politikoetan oinarritutako erabaki ekonomikoak hartzea” ere gerta daitekeela esan du Iban Santamaria BERRIAko kazetariak.

 

Entzun
“Bakea interaktiboa da: baten urratsak bestearenak erraztu behar ditu”

“Bakea interaktiboa da: baten urratsak bestearenak erraztu behar ditu”

Nafarroa Behereko Gamarte herrian sortua, azken hilabeteetan Euskal Herriko bake-prozesuak izandako bultzadarik handienaren aktoreetako bat da Mixel Berhokoirigoin. Euskal Herriko Laborantza Ganbarako presidente izandakoa, Euskal Laborarien Batasuneko kidea eta laboraria, guztiaren gainetik. Baina Bakegile gisa ere ezagutu dugu, eta paper garrantzitsua jokatu du ETAren armagabetzean eta Frantziako kartzeletan diren euskal presoak Euskal Herrira hurbiltzean. Espainiako kontuetan ez direla sartzen esan digu, baina Frantziako gobernuarekiko izandako bileretan Espainiak guztiaren berri zuela adierazi diete gobernuko solaskideek. Gertaera horiek izan ditugu hizpide, denborak behartutako elkarrizketa laburrean.

Entzun
Kataluniako hauteskundeetako tertulia: Asier Etxenike, Txema Ramirez de la Piscina eta Maria Colera

Kataluniako hauteskundeetako tertulia: Asier Etxenike, Txema Ramirez de la Piscina eta Maria Colera

Kataluniako hauteskundeen biharamunean, emaitzak eta kanpaina aztertzeko tertulian izan dira Maria Colera Herrialde Katalanetan bizi den itzultzailea, Asier Etxenike soziologoa eta Txema Ramirez de la Piscina EHUko komunikazio irakaslea. 155 artikuluaren menpeko hauteskundeak izan dira, Espainiak mekanismo guztiak aktibatuta zituen eta, hala ere, bloke independentistak lortu du gehiengoa Kataluniako Parlamentean. Emaitzez, kanpainaz eta etorkizunaz mintzatu gara adituekin.

Entzun
Koldo Alzola: “AEB da munduko herrialde bakarra, Jerusalem Israeleko hiriburutzat duena”

Koldo Alzola: “AEB da munduko herrialde bakarra, Jerusalem Israeleko hiriburutzat duena”

Trumpek esana da: “Jerusalem Israelgo hiriburu ofizialtzat aitortzeko garaia heldu da”. Joan den abenduaren 7an egin zituen adierazpenak eta AEBetako enbaxada Tel Avivetik Jerusalemera aldatzeko erabakiaren berri ere eman zuen. Koldo Alzola Uhintifada saioko lankidea izan da gaur HIZPIDEAn, Ameriketako Estatu Batuek hartutako erabakiak dagoeneko izan dituen ondorioak eta etorkizunean izango dituenak azaltzeko. Palestinako herritarren apartheid egoeran sakontzeko beste modu bat dela esan zuen Alzolak, besteak beste.

Entzun
Agora elkartea: “Beharrezkoa da hezkuntza-sisteman filosofiari eta galdera irekiei lekua egitea”

Agora elkartea: “Beharrezkoa da hezkuntza-sisteman filosofiari eta galdera irekiei lekua egitea”

Eusko Jaurlaritzak eta Espainiako Gobernuak diseinatutako hezkuntza planek Filosofia geletatik kanpo uzten dute. Heziberri 2020k eta LOMCEk Filosofia ikasgaia zokoratzen dute. Zergatik ote? Zergatik murriztu galderak egiteko eta pentsamendua garatzeko tartea? Filosofia hezkuntza planetara itzultzeko sortui zen orain dela bi urte Agora elkartea, eta jardunaldiak antolatu dituzte abenduaren 19 eta 20rako, “Filosofia plazara!” lelopean.

Hona jardunaldien egitaraua, Arabako Aleako artikuluan.

Entzun
Maider Likona: “Teknologiaren sarbiderako aukera berdintasuna behar da, eta Interneten neutraltasuna behar-beharrezkoa da horretarako”

Maider Likona: “Teknologiaren sarbiderako aukera berdintasuna behar da, eta Interneten neutraltasuna behar-beharrezkoa da horretarako”

Joan den astean Interneten neutraltasunarekin amai dezakeen legea onartu zen Estatu Batuetan: ordaintzen denaren arabera, webgune batzuetarako sarbidea izango dugu eta beste batzuetarako ez, abiadura ezberdintasuna ezarriz eta, de facto maila sozial ezberdinen arteko arrakalan sakonduz. Legea behin betikoa ez bada ere (oraindik AEBetako senatuan onartzea falta da), agerikoa da gurean ere ondorioak izango dituela. Joan den asteburuan artikulu interesgarriak argitaratu zituzten Edu Lartzangurenek Berriabn eta Joxe Rojasek bere blogean, eta gaiaren inguruko azalpen eta xehetasun gehiago eman dizkigu gaur HIZPIDEAn Maider Likona GISA elkarteko kideak.

Entzun
Iban Santamaria: “Kontzertua eta kupoa okupazio militarraren ondorioa dira”

Iban Santamaria: “Kontzertua eta kupoa okupazio militarraren ondorioa dira”

Iban Santamaria kazetaria

Hilean behin hitz egiten dugu ekonomiaz ARABA HIZPIDEn Iban Santamaria Berriako kazetariarekin. Oraingoan, Euskal Autonomia Erkidegoaren eta Espainiaren arteko kontzertu ekonomikoaz eta kupoaz hitz egin dugu berarekin, baita horrek Espainian zein Euskal Herrian bertan eragindako erreakzioez ere. Kontzertuaren erro historikoak, kupoa kalkulatzeko moduak, horien inguruan dagoen ezjakintasuna izan ditugu hizpide, kontzeptuak argitzeko saiakera eginda.

Entzun

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies