“Arabako anbulantzietako langileen egoera eutsiezina da, eta Eusko Jaurlaritza da erantzulea”

“Arabako anbulantzietako langileen egoera eutsiezina da, eta Eusko Jaurlaritza da erantzulea”

Arabako anbulantzietako azpi-kontratako langileek lau urte daramate greban, lan-baldintza kaxkarrak salatzeko. Euren egoeraren eta anbulantzia-zerbitzuaren kalitatearen murrizketa Eusko Jaurlaritzaren ardura dela argi du Jonathan Resurreccion anbulantzietako langile eta LABeko ordezkariak. Gutxieneko zerbitzuak % 100ekoak izateak euren aldarrikapenak gizarteratzea zaildu egiten badu ere, euren egoeraren berri emango dute datozen egunetan, zenbait ekintzaren bitartez.

Entzun
Kike Fernandez de Pinedo: “Barrongo urtegia egiteko bideragarritasun-planik ere ez dute egin, eta legez kanpoko ere izan daiteke”

Kike Fernandez de Pinedo: “Barrongo urtegia egiteko bideragarritasun-planik ere ez dute egin, eta legez kanpoko ere izan daiteke”

Kike Fernandez de Pinedo EH Bilduko Arabako batzarkideak Barrongo urtegiari buruz egindako jardunaldietan parte hartu zuen joan den azaroan. Aipaturiko urtegiaren aurkako jarrera du EH Bilduk, baina jardunaldiotan aldeko zein aurkakoek hartu zuten parte, eta hainbat txosten aurkeztu ziren proiektua auzitan jartzen zutenak. Jardunaldien aurretik, parte-hartze prozesua ere egin zuten urtegiaren eraginpeko herrietan, eta agerian geratu zen gaiaren inguruko informazio falta.

Horrez gain, EAJ eta PSEren Foru Gobernuak aurrekontuak PPrekin adostu izanaz ere mintzatu gara EH Bilduko bozeramailearekin, aurreko bi urteetan EH Bilduri esker atera baitura aurrera Arabako aurrekontuak.

Entzun
Europara Begira | Erdoganen bisita eta Alexis Grigoropoulos gogoratzeko mobilizazioak, Hibai Arbiderekin

Europara Begira | Erdoganen bisita eta Alexis Grigoropoulos gogoratzeko mobilizazioak, Hibai Arbiderekin

 

 

 

Hibai Arbide kazetaria Atenasen dago TeleSurrentzako lanean, Libanon korrespontsal lanak egin ostean. Tayyip Erdoganen bisita jaso dute egunotan Grezian eta horrek ere zer esana eman du. Baina horretaz gain, liskar egunak izan dira ere Greziako hiriburuan: Alexis Grigoropoulos ikaslea erail zutenetik bederatzi urte bete dira eta liskarrak egon ziren manifestarien eta poliziaren artean Exarjia auzoan, urtero legez.

Entzun
Jabi Saenz (ESK): “Arabako Foru Aldundia hitzarmen kolektiboa onartzeko jarrera oztopatzailea erakusten ari da”

Jabi Saenz (ESK): “Arabako Foru Aldundia hitzarmen kolektiboa onartzeko jarrera oztopatzailea erakusten ari da”

Gizarte Esku Hartzeko sektoreko langileek greba egunak deitu dituzte gaurko eta hilaren 20 eta 27rako. Hitzarmen kolektiboaren negoziazioa desblokeatzea eskatzen ari dira Arabako Foru Aldundiak azpi-kontratatuta dituen langileek, hitzarmenaren zirriborroa nahiko aurreratua zuten arren. Javi Saenz gizarte-langilea eta ESK sindikatuko kideak hitz egin du gaur ARABA HIZPIDEn gaiari buruz.

Entzun
Adi elkartea: “Gasteizko Udalak ez du asmorik auditoria bat egiteko, FCCren dirua nora joan den ikertzeko”

Adi elkartea: “Gasteizko Udalak ez du asmorik auditoria bat egiteko, FCCren dirua nora joan den ikertzeko”

Joan den astean jakin genuen Gasteizko Udalaren ustezko iruzurra ikertzen ari dela epaitegi bat: prebarikazio delitua egin edo diru publikoa bidegabe erabili ote zuen ikertzen ari da, zaborra biltzeko bi kamioiren erosketan. 660.000 euro ordaindu zituen —BEZa aparte—, eta kostua askoz baxuagoa zen, Javier Maroto alkate zen garaian. Ustelkeriaren aurkako ADI elkarteko kide den Unairekin hitz egin dugu gaiaz, aspaldi salatu baitzuten FCCren jardun iluna. Gaia larritzekoa dela esan digu, gasteiztar guztion diruaz ari baikara.

Entzun
Leire Zugazua (Gasteizko Sindiko berria): “Garrantzitsua da emakumeok gizonezkoek okupatu izan dituzten postuak hartzen joatea”

Leire Zugazua (Gasteizko Sindiko berria): “Garrantzitsua da emakumeok gizonezkoek okupatu izan dituzten postuak hartzen joatea”

Abenduaren 4az geroztik, Leire Zugazua da Gasteizko Sindiko berria, Martin Gartziandiari lekukoa hartuta. Kargua sortu zenetik 15 urte igaro dira, eta Leire Zugazua da lehen emakumea gasteiztarren defendatzaile karguan. 2022ra arteko ardura hartu du Zugazuak eta, azken bost urteetan aholkulari juridikoa izan denez, eskarmentua baduela onartu du. Kargua arduraz eta ilusioz hartu duela adierazi digu Sindiko berriak, eta bere lanaren egunerokoaren berri eman du ARABA HIZPIDEn, udaltzainen arreta-greba eta Santo Domingo kaleko bizilagunen egoera tarteko.

Entzun
Sofia Lopez de Aguilera (Kontzejuen Elkartea): “Herritarrei oinarrizko zerbitzuak ematen dizkiete kontzejuek, eta horregatik dira hain garrantzitsuak”

Sofia Lopez de Aguilera (Kontzejuen Elkartea): “Herritarrei oinarrizko zerbitzuak ematen dizkiete kontzejuek, eta horregatik dira hain garrantzitsuak”

Joan den azaroaren 26an, 334 kontzejutako 28.000 arabar baino gehiagok izan zuten bozka emateko aukera, Arabako kontzejuetako hauteskundeetan. Kontzejuen funtzionamenduaz, antolaketa-ereduaz eta emakumeek horietan duten presentziaz mintzatu gara Sofia Lopez de Aguilera Arabako Kontzejuen Elkarteko idazkariarekin. Herritarrengandik hurbilen dagoen administrazio-egitura dela nabarmendu du Lopez de Aguilerak.

Entzun
Mikel Resa (Sidalava): “GIB/Hiesa dutenen estigmaren aurka abiatu dugu ‘Ni ere positibo’ kanpaina”

Mikel Resa (Sidalava): “GIB/Hiesa dutenen estigmaren aurka abiatu dugu ‘Ni ere positibo’ kanpaina”

Abenduaren 1ean da hiesaren aurkako nazioarteko eguna. Hori dela-eta, “Ni ere positiboa” kanpaina abiatu du Sidalava hiesaren aurkako Arabako batzordeak. 30 urte betetzen dituen urtean, GIB/hiesa dutenen estigma salatuko du Sidalavak, horrek zailtzen baitu diagnostiko azkarra. Hiesak bere horretan jarraitzen duen bitartean, GIBdunen babesean indarra jarri behar dela esan digu Mikel Resa Sidalavako kideak.

Entzun
Marina Suarez (Lurburu kolektiboa): “Sormen-prozesuari buruzko filma izango da ‘Barrunbeko lurretan’, baina emaitza anitzak izango ditu”

Marina Suarez (Lurburu kolektiboa): “Sormen-prozesuari buruzko filma izango da ‘Barrunbeko lurretan’, baina emaitza anitzak izango ditu”

“Barrunbeko lurretan” film bat baino askoz gehiago izango da: proiektu artistiko osoa izango da. Bihartik aurrera, Iñigo Perez gasteiztarrak eta Lurburu artista kolektiboak hamar eguneko egonaldia egingo dute Garaionen, proiektu handi bati ekiteko: artistak sortze-prozesu betean dauden bitartean, filma grabatuko dute eta, gerora, filmaren proiekzioarekin batera, artisten lanen lagin bat ikusteko aukera izango da. Emanaldi bakoitza ezberdina izango da, beraz. Marina Suarez Ortiz de Zarate Lurburu artisten kolektiboko kidearekin hitz egin dugu proiektuaz, eta sormen lana eta horraino iristeko behar diren hausnarketak isaltuko dituztela adierazi digu.

Entzun
Udal ordezkarien tertulia: aurrekontuak, tranbia eta Gure esku dagoren galdeketa

Udal ordezkarien tertulia: aurrekontuak, tranbia eta Gure esku dagoren galdeketa

Osteguneroko tertulian, udal ordezkarien txanda izan da gaur. Aitor Miguel EH Bilduko ordezkaria eta Gorka Iturriaga EAJkoa izan dira gau ARABA HIZPIDEn, udal kontuek buruzko eztabaidan. Udal aurrekontuen negoziazioak hartu du tertuliaren zatirik handiena, baina bestelako gaiak jorratzeko astia ere hartu dute politikariek: tranbiaren hegoalderako zabalpenean egindako moldaketak eta Gure esku dago ekimenak Gasteizen galdeketarik

Entzun

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies